• usd 468.56

  • eur 497.56

  • rub 7.3

  • cny 67.18

22 ءساۋىر, 19:01:35
الماتى
+35°

27 ناۋرىز, 2024 بارلىق ايماقتار

اتىنان نەسيە الىپ, ارتىنان ۇرىپ ولتىرگەن

"؛سويىلمەن ۇرىپ, ءمايىتىن ورتەگەن"؛. الماتى وبلىسىندا قايتىس بولعان 18 جاستاعى قىزدىڭ ولىمىنە قاتىستى جاڭا مالىمەتتەر بەلگىلى بولدى.

فوتو: الماتى وبلىسىنىڭ پد

كۇدىكتىلەر جاننۇر قاليدى ءبىر اپتا بويى جالدامالى پاتەردە ۇستاعان. اتىنان نەسيە الىپ, ارتىنان ۇرىپ ولتىرگەن. الماتى وبلىسىندا قايتىس بولعان 18 جاستاعى قىزدىڭ ولىمىنە قاتىستى جاڭا مالىمەتتەر بەلگىلى بولدى.

جاقىندارىنىڭ ايتۋىنشا, مارقۇم جاننۇر قالي كۇدىكتىلەرمەن ءبىر پاتەردە ءبىر اپتاداي بىرگە تۇرعان. سول ۋاقىت ارالىعىندا جاس جىگىتتەر بويجەتكەننىڭ اتىنان 2 مارتە نەسيە الىپتى. اقىر سوڭىندا قىزدى ءولتىرىپ, ءىزىن جاسىرۋ ءۇشىن جارتىلاي ورتەلگەن دەنەسىن جازىق دالاعا تاستاپ كەتكەن. ءقازىر جانتۇرشىگەرلىك قىلمىسقا بارعان 23 جانە 21 جاستاعى ەكى جىگىت قاماۋدا وتىر.

-جانتۇرشىگەرلىك قىلمىس وسىدان ءبىر اپتا بۇرىن بولدى. جاس جىگىتتەر 18 جاستاعى قىزدى ابدەن ۇرىپ-سوعىپ, قوناەۆ قالاسىنىڭ ماڭىنا اكەلەدى. ءسويتىپ, جازىق دالادا ءولتىرىپ, ارتىنان ورتەپ جىبەرگەن. ءبىراق, دەنەسى تولىق ورتەنبەپتى. پوليسەيلەر وسى كۇيىندە تاۋىپ العان. مۇنداي جاۋىزدىققا بارعان كۇدىكتىلەردىڭ ءبىرى مارقۇم جاننۇر قاليدىڭ سويلەسىپ جۇرگەن جىگىتى بولىپ شىققان. ەكەۋى ناۋرىزدىڭ باسىندا ينتەرنەت ارقىلى تانىسقان ەكەن. كەيىن ءتىپتى ءبىر پاتەردە تۇرعان. "تەرگەۋشىنىڭ ايتقانى, بۇلار ء7-سى كۇنى تانىسقان. 9-نان باستاپ 1 اپتا بىرگە تۇرعان. اتىنان كرەديت الدىرعان. ايفون تەلەفونىن ساتقان. سودان كەيىن باقاناستىڭ جولىندا قاساقانا ولتىرگەن دەپ قىسقا مالىمەت بەردى. 15:08 ەكى ادام ولتىرگەن. بيتامەن ۇرعان. ورتەگەن",-دەيدى مارقۇمنىڭ تۋىسى بوتاگوز ۇياباەۆا.

دام تۇزى نەبارى 18 جاسىندا تاۋسىلعان جاننۇر قالي وتەگەن باتىر اۋىلىندا تۇرعان. وسىندا كوللەدجدە اسپاز ماماندىعىندا وقىپتى. ءبىراق, جاقىندا وقۋىن تاستاپ, الماتىدا جۇمىس ىستەيمىن دەپ كەتكەن ەكەن. كۇدىكتىلەر بويجەتكەننىڭ جەتىم ەكەنىن ءبىلىپ, ىزدەۋ-سۇراۋى بولمايدى دەپ ويلاپ, پايدالانعانىنا سەنىمدى تۋىستارى. "كۇدىكتىلەرمەن تانىسقان كەزدە ەشكىمىم جوق, جەتىم قىزبىن دەپ ايتقان ەكەن. جەتىم بولعاندا, اكەسى ء2007-شى جىلى ىقايتىس بولدى. اناسى انالىق قۇقىعىنان ايىرىلعان. بالا وپەكۋنستۆادا ەكىنشى ناعاشىمنىڭ قولىندلا وسكەن. كەيىننەن 7 سىنىپقا وتكەندە اپامىزدىڭ قولىنا وتكەن",- دەيدى مارقۇمنىڭ تۋىسى بوتاگوز ۇياباەۆا. جاننۇردى وسى ۋاقىتقا دەيىن باعىپ-قاققان تۋىستارى كىنالىلەردىڭ قاتاڭ جازاعا تارتىلۋىن تالاپ ەتۋدە.

"قامشى" سىلتەيدى
ىلمەك سوزدەر: قىلمىس جاننۇر قالي

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر