الماتى اۋەجايىنىڭ تاعى ءبىر توپ-مەنەدجەرى قىزمەتىنەن كەتتى

"الماتى حالىقارالىق اۋەجايىنىڭ اعا ۆيسە-پرەزيدەنتى سيمون زيتسەرس قىزمەتىنە ەش قاتىسى جوق, جەكە سەبەپتەرى بويىنشا ورنىن بوساتتى", دەلىنگەن اۋەجايدىڭ ءباسپاسوز قىزمەتىنىڭ حابارلاماسىندا.

ونىڭ ورنىنا باسقا مامان تاعايىندالاتىنى ناقتىلانادى.

ايتا كەتسەك, 2023 جىلى 28 جەلتوقساندا اۋەجايدىڭ ەكى تۇرىك توپ-مەنەدجەرى: كوممەرسيا جونىندەگى اعا ۆيسە-پرەزيدەنت يەتكين چەتين پاكەر, ءبىرىنشى ۆيسە-پرەزيدەنت فاتيح ءومىر اياق-استىنان قىزمەتىنەن كەتكەنى بەلگىلى بولدى.

2024 جىلى قاڭتاردا باق بەتتەرىندە الماتى حالىقارالىق اۋەجايىنا ءتىنتۋ جۇرگىزىلىپ, تاعى ءبىر توپ-مەنەدجەر ۋفۋك سەرتتىڭ ۇستالعانى تۋرالى اقپارات پايدا بولعان. ءبىراق اۋەجاي باسشىلىعى بۇل مالىمەتتى راستامادى.

نەگىزىنەن, 2021 جىلى 30 ساۋىردە tav airports تۇرىك كومپانياسى الماتى حالىقارالىق اۋەجايىن ساتىپ العانىن جاريالاندى. باعا 50 ملن دوللارعا دەيىن تومەندەتىلگەنى دە بەلگىلى بولدى.

venus airport investments b. v. (امستەردامدا تىركەلگەن) كومپانياسى "الماتى حالىقارالىق اۋەجايى"اق-تىڭ جالعىز اكسيونەرى بولىپ تابىلادى. ءوز كەزەگىندە, venus airport holdings b. v. (سونىمەن قاتار نيدەرلاندى يۋريسديكسياسىندا قاراستى) اۋەجاي اكسياسىنىڭ 10% جانە ودان دا كوپ ۇلەسىنە يە. بۇل كومپانيا تولىعىمەن تيمۋر قۇلىباەۆتىڭ قاراۋىنداعى سينگاپۋرلىق steppe capital pte ltd كومپانياسىنا تيەسىلى.