اموز باسشىلىعىنا قاتىستى تەرگەۋ ءجۇرىپ جاتىر

قر قارجى مونيتورينگى اگەنتتىگىنىڭ اتىراۋ وبلىسى دەپارتامەنتىنىڭ مالىمەتىنە سايكەس, وڭىرلىك پروكۋراتۋرانىڭ ؛ۇيلەستىرۋىمەن ءاموز باسشىلىعىنىڭ لاۋازىمدىق وكىلەتتىكتەرىن تەرىس پايدالانۋى كەسىرىنەن مەملەكەتكە اسا ءىرى كولەمدە زالال كەلتىرگەنى انىقتالدى. ؛

ايتا كەتسەك, كۇنى كەشە الەۋمەتتىك جەلىدە اتىراۋ مۇناي وڭدەۋ زاۋىتىندا تۇسىرىلگەن ۆيدەو تارادى. ۆيدەودان قانداي دا ءبىر قۇبىردان سۇيىقتىق سۋ بۇرقاق قۇساپ اتقىلاپ جاتقانىن كورۋگە بولادى. مۇنى جەلىگە جۇكتەگەن جەرگىلىكتى ءتىلشى زاۋىتتا بەنزين توگىلىپ جاتقانىن ايتادى. جەلى قولدانۋشىلارى الدىندا قىزمەتىنەن كەتكەن باسشىسىنا ايتقانىن ىستەتە الماعان باس ينجەنەردىڭ دابىل قاققان اقاۋ وسى بولار دەپ توپشىلادى. ؛

اتالعا ۆيدەوداعى جاعدايعا قاتىستى "اتىراۋ مۇناي وڭدەۋ زاۋىتى" جشس تۇسىنىكتەمە بەرىپ, زاۋىتتاعى اپاتتى جاعدايدىڭ ؛26 اقپاندا جەرگىلىكتى ۋاقىت بويىنشا ساعات 18:30-دا ورىن العانىن ءناقتىلادى.

باسپاسوز قىزمەتى قانشا بەنزين توگىلگەنى تۋرالى ايتپادى, تەك قىزمەتتىك تەرگەۋ ءجۇرىپ جاتقانىن جەتكىزگەن. ؛  ؛

نەگىزى, 2024 جىلى 16 اقپاندا "اتىراۋ مۇناي وڭدەۋ زاۋىتى" جشس باس ديرەكتورىنىڭ ورىنباسارى &ndash؛ باس ينجەنەر ادىلەت شوشانباسوۆ مەملەكەت باسشىسى قاسىم-جومارت توقاەۆقا جۇگىنىپ, ۇندەۋ جاريالادى. ول ءوز ۇندەۋىندە ءاموز-دىڭ باس ديرەكتورى عالىمجان جۋسانباەۆتى ماسەلەنى شەشكەننىڭ ورنىنا ورىنسىز مىنەز-قۇلىق تانىتۋعا بەيىم دەپ ايىپتادى. زاۋىتتىڭ باس ديرەكتورى پرەزيدەنتكە حات جولداپ, ءوزى قابىلداعان جاڭاشىلدىقتارعا قول استىنداعىلار دايىن ەمەس ەكەنىن, سول سەبەپتى قىسىم كورىپ جاتقانىن ايتىپ اقتالدى. قوس باسشىنىڭ داۋ-دامايى ەكەۋىنىڭ دە قىزمەتتەن بوساتىلۋىمەن تىنعان ەدى. بۇل تۋرالى ؛qamshy.kz سايتىنداعى "پرەزيدەنت كەڭەسشىسى اتىراۋعا شۇعىل ۇشتى. مۇنايلى وڭىردە نە بولىپ جاتىر" ؛اتتى ماقالادان كەڭىرەك ءبىلىپ-تانىسا الاسىزدار.