جەدەل جاردەم كولىگىنىڭ تاعى ءبىر جۇرگىزۋشىسى سوققىعا جىعىلدى

وقىس وقيعا 26 اقپانعا قاراعان ءتۇنى شاقىرتۋ بويىنشا بەلگىلى مەكەنجايعا كەلىپ, اق حالاتتىلار ۇيگە كىرىپ كەتكەن كەزدە كوپقاباتتى تۇرعىن ءۇي اۋلاسىندا بولعان.

جابىرلەنۋشىنىڭ ارىپتەستەرى وقيعا ورنىنان تۇسىرگەن ۆيدەونى جەلىدە جاريالادى.

«؛شاقىرتۋ بويىنشا كەلگەنبىز. جۇرگىزۋشىنى ساباپ كەتكەن. كەيبىر زاتتار ۇرلانعان", دەلىنگەن ۆيدەو سيپاتتاماسىندا.

ۆيدەودان كولىكتىڭ ىشىندەگى زاتتاردىڭ بۇلىنگەنىن كورۋگە بولادى.

قاراعاندى وبلىسى پوليسياسىنىڭ ءباسپاسوز قىزمەتى اتالعا وقيعاعا قاتىستى كۇدىكتىلەردىڭ ۇستالعانىن جەتكىزدى. ؛

"بەلگىسىز ەكەۋ مەديسينالىق قىزمەتكەرلەرمەن بىرگە شاقىرتۋ بويىنشا وقيعا ورنىنا كەلگەن 45 جاستاعى جەدەل جاردەم جۇرگىزۋشىسىنە دەنە جاراقاتىن سالدى. پوليسيا قىزمەتكەرلەرى 25 جانە 29 جاستاعى ەكى كۇدىكتىنى ءىزىن سۋىتپاي ۇستادى", دەپ حابارلايدى قاراعاندى وبلىسى پد ءباسپاسوز قىزمەتى.

قازىر قىلمىستىق ءىس قوزعالىپ, تەرگەۋ جۇرگىزىلىپ جاتىر. ؛

ايتا كەتسەك, بۇعان دەيىن قاراعاندىدا سوزگە كەلىپ قالعان ەر ادام جەدەل جاردەم جۇرگىزۋشىسىن ۇرىپ تاستاعان. كەيىن وبلىس اكىمى ەرماعانبەت بولەكپاەۆ جەدەل جاردەم قىزمەتكەرلەرىن جاقتاپ, مالىمدەمە جاسادى. ؛