بۇگىن الماتىدا جالپىقالالىق سەسميكالىق جاتتىعۋ وتەدى

23 اقپاندا ساعات 10-00-دە الماتىدا جالپىقالالىق سەسميكالىق جاتتىعۋ وتكىزىلەدى.

"سەسميكالىق جاتتىعۋ باستالماس بۇرىن دابىل سومكەسىن دايىنداپ, ەۆاكاسيالاناتىن باعىتتى ايقىنداڭىز. عيمراتتاردان, ەلەكتر جەلىلەرى مەن ۇلكەن اعاشتاردان الشاق تۇرعان اشىق الاڭ ءقاۋىپسىز ورىن بولىپ تابىلادى. سەسميكالىق جاتتىعۋ بارىسىندا "نازار اۋدارىڭىز!" دابىل بەلگىسىن ەستىگەندە سابىر ساقتاپ, تەلەديداردى, راديونى قوسىڭىز جانە نۇسقاۋلاردى ورىنداڭىز. ؛توتەنشە جاعدايلارعا دايىن بولۋ - ادام ءومىرى مەن دەنساۋلىعىن ساقتاۋدىڭ كەپىلى. سەسميكالىق جاتتىعۋعا بەلسەندى قاتىسۋعا شاقىرامىز!", دەلىنگەن قالالىق تجد ءباسپاسوز قىزمەتىنىڭ حابارلاماسىندا.

ايتا كەتسەك, 22 اقپاندا تۇنگى 00-10 شاماسىندا الماتىدا 2-4 باللدىق جەر سىلكىنىسى سەزىلدى. توتەنشەلىكتەر جەر سىلكىنىسىنىڭ وشاعى قىتاي تەرريتورياسىندا تىركەلگەنىن, بىزدەگىسى سونىڭ افتەرشوگى ەكەنىن ايتادى. ؛