• usd 468.56

  • eur 497.56

  • rub 7.3

  • cny 67.18

20 شىلدە, 13:55:41
الماتى
+35°

20 اقپان, 2024 ەكونوميكا

پرەزيدەنت كەڭەسشىسى اتىراۋعا شۇعىل ۇشتى. مۇنايلى وڭىردە نە بوپ جاتىر؟

بۇگىن اتىراۋعا مەملەكەت باسشىسى قاسىم-جومارت توقاەۆتىڭ كەڭەسشىسى بولات اقشولاقوۆتىڭ ءوزى كەلىپ جەتتى. ونداعى ماقسات – داۋ-دامايعا ىلىك ستراتەگيالىق كاسىپورىن ءاموز-داعى جاعدايدى ءوز كوزىمەن كورىپ-بىلۋ.

anpz.kz

بۇل, نەگىزى, رەسمي نۇسقا. الايدا پرەزيدەنت كەڭەسشىسىنىڭ مۇنايلى وڭىرگە ارنايى جول تارتۋى اتالعان ماسەلىنىڭ ارعى جاعىندا ساياسي استار بار-جوعىن انىقتاۋ بولۋى ىقتيمال دەگەن ءدۇدامال وي كوپتىڭ باسىندا جىلت ەتەدى.

قالاي دەگەنمەن دە سوڭعى كەزدەرى شي شىقسا, وسى باتىس وڭىردەن شىعاتىنى بەلگىلى عوي.

qamshy.kz سايتىنا پىكىر بىلدىرگەن ساياساتتانۋشى ءازىمباي عالي ۇلكەن اقشا جۇرگەن جەردە مۇنداي داۋ-دامايدىڭ بولۋى بەلگىلى ءبىر دەڭگەيدە زاڭدى  ؛قۇبىلىس ەكەنىن ايتادى.

بىزدە شەتەل ۆاليۋتاسى تۇرىندەگى باستى تابىس وسى مۇناي-گاز سالاسىنان تۇسەدى. ول ارادا ءتۇرلى ەكونوميكالىق سۋبەكتىلەرمەن قوسا ءتۇرلى مۇددەلەر بولادى. سوندىقتان مۇنى ىشكى تارتىس دەپ ايتۋعا بولادى. وعان جەرگىلىكتى وليگارحتار, ءىرى وليگارحتار, ولاردىڭ ارعى جاعىندا ساياسي تۇلعالار دا كىرىپ كەتەدى. ءبىراق ودان قانداي دا ءبىر ساياسي استاردى ىزدەۋدىڭ كەرەگى جوق دەپ ويلايمىن. بۇل - ەكونوميكالىق سۋبەكتىلەردىڭ ءوزارا قايشىلاسى, دەيدى ول.

سونىمەن مۇنايلى وڭىردە نە بولىپ جاتىر دەگەنگە كەلەتىن بولساق, اڭگىمەنىڭ ءالقيساسسى اتىراۋ مۇناي وڭدەۋ زاۋىتىنىڭ باس ينجەنەرى ادىلەت شوشانباسوۆتىڭ پرەزيدەنتكە, ەنەرگەتيكا مينيسترلىگىنە, «؛قازمۇنايگاز»؛ اق باسشىلىعىنا ۇندەۋ حات جولداۋىنان باستالادى. ودان كەيىن ءبىر اي بۇرىن عانا زاۋىت باسشىلىعىنا تاعايىندالعان عالىمجان جۋسانباەۆ وزىنە جالا جابىلىپ جاتقانىن ايتىپ, مەملەكەت باسشىسىنان كومەك سۇرادى, ۆيدەو ۇندەۋ جولدادى. بۇعان جاۋاپ رەتىندە ىلە-شالا الەۋمەتتىك جەلىدە 436 ادام قول قويعان ءاموز جۇمىسشىلارىنىڭ باس ديرەكتوردى قىزمەتىنەن بوساتۋدى سۇراعان پەتيسياسى جاريالاندى. اتىراۋلىق ارىپتەستەرىن قولدايتىنىن ءبىلدىرىپ, ءبىر مەزەتتە شىمكەنت پەن پاۆلودارداعى مۇناي وڭدەيتىن زاۋىتتاردىڭ ۇجىمى دا ءۇن قوستى. ءسويتىپ, اقىرىندا داۋلاسقان ەكەۋ قىزمەتىنەن ايىرىلىپ تىندى. بارىنەن بۇرىن, اينالدىرعان 3-4 كۇن ىشىندەگى زاۋىتتىڭ باس ديرەكتورى مەن باس ينجەنەرى اراسىنداعى داۋ-داماي كاسىپورىنداعى كوپ بىلىق-شىلىقتىڭ بەتىن اشىپ تاستادى. اتاپ ايتقاندا:

  1. باس ديرەكتور زاۋىت جۇمىسشىلارىنىڭ جالاقىسى قورىنان 14 كەڭەسشىنى جوعارى جالاقىعا جۇمىسقا العان؛
  2. بىلىكتى قىزمەتكەرلەر جۇمىستان شىعارىلعان؛
  3. 2020 جىلدان 2023 جىلعا دەيىنگى كەزەڭدە ۇلەستەس كومپانيالار توبىنان تاۋارلاردى, جۇمىستاردى جانە قىزمەتتەردى جالپى سوماسى 150 ملرد تەڭگەدەن اساتىن جوعارىلاتىلعان باعامەن ساتىپ العان. بۇل ساتىپ الۋلار كوپتەگەن زاڭ بۇزۋشىلىقتارمەن جۇزەگە اسىرىلعان؛
  4. كوكس پەن تۇيىرشىكتەلگەن كۇكىرتتى نورماتيۆتەن تىس ساقتاۋ تۇرعىسىنان ەكولوگيالىق زاڭناما بۇزۋشىلىقتارى بار؛
  5. تاجىكستان رەسپۋبليكاسىنا گۋمانيتارلىق كومەك كورسەتۋ اياسىندا 15 مىڭ توننا مازۋتتى جەتكىزۋ ۋاقىتىنان كەشىكتىرىلگەن. وعان مازۋت قۇبىرىنىڭ قاتىپ قالۋى, جەتەكشىلىك ەتەتىن باس ديرەكتوردىڭ ورىنباسارلارى مەن جاۋاپتى يتق (ينجەنەرلىك-تەحنيكالىق قىزمەتكەرلەر) تاراپىنان جۇمىستى ۇيىمداستىرۋ جانە باقىلاۋدىڭ بولماۋى سەبەپ بولعان؛
  6. 2024 جىلدىڭ 15 اقپانىندا مۇناي وڭدەيتىن جانە مۇناي ونىمدەرىن تەرەڭ كۇكىرتسىزدەندىرەتىن نەگىزگى تەحنولوگيالىق قوندىرعىلارىندا اينالىم كومپرەسسورى ىستەن شىعادى. الدىن الا تەرگەپ-تەكسەرۋ بارىسىندا جابدىققا جوسپارلى جوندەۋ جۇمىستارى جۇرگىزىلمەگەنى انىقتالدى؛
  7. جوندەۋ جۇمىستارىن جۇرگىزەتىن كومپانيانىڭ ۇلەستەس توپتارىنىڭ مۇشەلەرى بولىپ تابىلادى. سوندىقتان بۇل ارادا كوز جۇما قاراۋ ءجيى ورىن الادى. كوممەرسيالىق قۇرىلىمدار وسىلاي نەگىزسىز جوعارى تابىسقا كەڭەلىپ وتىرعان.

مۇنىڭ بارلىعى - قوس تاراپتىڭ داۋ-دامايى كەزىندە ايتىلعان ايىپتاۋلار ەكەنىن ەسكە سالامىز. ال ولاردى تەكسەرىپ, انىقتاۋ ارنايى كوميسسيانىڭ ەنشىسىندەگى دۇنيە. الايدا كەشە «؛قازمۇنايگاز»؛ ۇك»؛ اق باسقارما ءتوراعاسىنىڭ ورىنباسارى دميتريي ماكەەۆ باستاعان كوميسسيا وكىلدەرى ء«؛aموز»؛ جشس زاۋىتىندا جيىن وتكىزىپ, ونىڭ بارىسىندا قىزمەتىنەن ايىرىلعان جۋسانباەۆ پەن شوشانباسوۆ قول الىسىپ ۇلگەرىپتى. ال باس ديرەكتوردىڭ مىندەتىن اتقارۋ ءارى قاراي شەشىم قابىلدانعانعا دەيىن اتىراۋ مۇناي وڭدەۋ زاۋىتى باس ديرەكتورىنىڭ ورىنباسارى &ndash؛ تەحنيكالىق ديرەكتور ولەگ الەكساندروۆيچ لىزلوۆقا بۇيىرعان كورىنەدى. ەندى الدا اتىراۋدا جۇرگەن پرەزيدەنت كەڭەسشىسى بولات اقشولاقوۆ مالىمدەمە جاساۋى ءتيىس.

ول «؛وسىعان دەيىن قابىلدانعان شارالار دۇرىس»؛ دەيدى مە, الدە جۇمىستان ايىرىلعان ەكەۋدىڭ ءبىرىن قايتا ورنىنا قويدىرتا الادى ما, ول جاعى بەلگىسىز. بەلگىلىسى, مۇناي سالاسىن جاقسى بىلەتىن ءارى وسى ءوڭىردىڭ تۋماسى اقشولاقوۆتىڭ الدا نە ايتاتىنى كىمگە دە بولسىن قىزىق بولىپ تۇر... ؛ ؛

ايتا كەتسەك, اتىراۋ مۇناي وڭدەۋ زاۋىتىنىڭ قوجايىنى - «؛قازمۇنايگاز»؛ ۇك»؛ اق (99%).

كامشات تىلەۋحانقىزى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر