• usd 468.56

  • eur 497.56

  • rub 7.3

  • cny 67.18

22 ءساۋىر, 20:46:09
الماتى
+35°

19 اقپان, 2024 ساياسات

ناۆالنىي - ساياساتكەر ەمەس, كۇرەسكەر

سىرىم يتقۇلوۆ: "؛ناۆالنىي -  ەڭ ءبىرىنشى كەزەكتە كۇرەسكەر, ساياساتكەر ەمەس"؛ دەپتى. ونىڭ ابايدى "؛بەلگىسىز اقىن"؛ دەگەنىن دە ەسكە الىپتى.

facebook/syrym itkulov

"قىزىق. نەگە ەكەنى بەلگىسىز, ناۆالنىي العاشقى وپپوزيسيالىق كەزدەۋىن اباي ەسكەرتكىشى (ماسكەۋ) جانىندا وتكىزەدى عوي. 12 جىل بۇرىن بولۋى كەرەك. سول كەزدە ول كىسى ابايدى ابايسىزدا «؛بەلگىسىز اقىن»؛ دەپ ايتىپ قالىپ, وڭباي اۋىزى كۇيگەن. مۇنىسى ءۇشىن ناۆالنىي: «؛قازاقتار, كەشىرىڭىزدەر مەنى. اباي تۋرالى «؛ۆيكيپەديادان»؛ وقىپ-بىلۋگە ۋادە بەرەمىن»؛ دەپ كىناسىن مويىنداپ, ارتىنان اقتالعانداي دا بولعان. ءبىراق بىزدىكىلەر ءبىرازعا دەيىن وكپەلەپ, «؛موي مير»؛ جەلىسى ارقىلى وعان «؛بەلگىسىز اقىن»؛ تۋرالى ايىبىن اراكىدىك ەسكە سالىپ ءجۇردى.

قازىر كوبىسى وسى جايتتى بىلە بەرمەيتىن بولار, ويتكەنى ول كەزدە جۇرتتىڭ بارىندە بىردەي ينتەرنەت بولا بەرمەگەن: قازىرگىدەي ينستاگرام دا, تەلەگرامم دا جوق. كەيبىرەۋلەر جۇمىسىنداعى كومپيۋتەرى نەمەسە نوۋتبۋگى ارقىلى «؛ۆكونتاكتە»؛, اگەنت جانە «؛موي ميرگە»؛ كىرەتىن ول كەزدە.

ەگەر 2012 ەمەس, شارتتى تۇردە 2020 جىل بولدى دەلىك دەسەك سول كەزدە, بىزدىكىلەر ناۆالنىيعا قارسى جاپپاي دۇرسە قويا بەرىپ, ونى سيمونيان نەمەسە باسقالار سەكىلدى ەلگە كىرگىزبەيتىن تۇلعا جاساۋدى تالاپ ەتەر مە ەدى, قالاي؟ ء ؛يا, «؛ورتالىقازيالىق وداق»؛ قۇرۋ ۇمتىلىسى, ميگرانتوفوبياعا كەلەتىن ونىڭ سوزدەرى بىزدەگىلەرگە جاقپايتىن. جالپى, و شەتتى بۇ شەتكە جالعاپ, بىرەۋدى يدەال ەتۋگە بولمايدى دەگەندى ايتقىم كەلىپ وتىر بۇل ارادا.

ناۆالنىيدى ءبىز قۇرمەتتەيمىز, الايدا ونى ساۋاتتى ساياساتكەر نەمەسە «؛پرەزيدەنتتىكتەن ۇمىتكەر»؛ رەتىندە ەمەس, كورشىمىزدىڭ بىلىق-شىلىققا ابدەن باتقان جۇيەسىمەن كۇرەسكەر رەتىندە مويىندايمىز. كىم بىلەدى, ناۆالنىي پرەزيدەنت بولا قالسا, سول پۋتيننەن اسىپ ارىعا كەتە قويماۋى مۇمكىن بە ەدى؟.. ادامدى سىناعىڭ كەلسە, قولىنا بيلىك پەن اقشا بەر دەۋشى مە ەدى؟.. قالاي دەگەنمەن دە بۇل مەنىڭ جەكە ويىم.

مىسالى, مەن ناۆالنىيعا قاراعاندا نەمسوۆتى ساياساتكەر, يدەولوگ رەتىندە كورە الامىن. ساياساتكەر, رەسەيدىڭ كوشباسشىسى بولا الاتىن تۇلعا رەتىندە ونىڭ ەسىمىن ەش ءشۇباسىز اتار ەدىم.

ناۆالنىي - ؛ ەڭ ءبىرىنشى كەزەكتە كۇرەسكەر, ساياساتكەر ەمەس! ول ەلگە ورالۋ تۋرالى شەشىم قابىلداعاندا مۇندا ءوزىن نە كۇتىپ تۇرعانىن جاقسى ءبىلدى. ونىڭ ورنىنا سول شەتەلدە قالىپ, ىستىق كوفەسىن ۇرتتاپ قويىپ, گەرمانيانىڭ ءبىر جەرىندە كەزەكتى ءبىر دۋدكە سۇقبات بەرىپ, ۇرىمتال ءساتتى كۇتىپ وتىرا بەرسە, تۇگى دە جوق ەدى.

تىپتى, ۋلانىپ, كوپ ۇزاماي بۇكىل الەم الدىندا ءوزىن ۋلاعان ادامعا قوڭىراۋ شالدى ەمەس پە؟ مىنە, وسىدان كەيىن, ساياساتتان جىراق ادامنىڭ وزىنە رەسەيگە كەلسە وعان نە بولاتىنى ايان ەدى. سوعان قاراماستان ول اجالعا باسىن تىگىپ, تۋعان جەرىنە ورالدى.  ؛

وندا دا ول 2005, ءتىپتى 2014 جىلعى رەسەيگە ەمەس, سيۋررەاليزم مەن اداسۋدىڭ قايناپ جاتقان ورتاسىنا توپ ەتە ءتۇستى. مۇنىسى, ارينە ەرلىك, ارينە قاھارماندىق. سوندىقتان دا ونىڭ ءولىمى بۇكىل الەمدى ءدۇر سىلكىنتتى.

ونى ءولتىرۋ نەگە كەرەك بولدى؟ پۋتين ونىڭ جايدان-جاي كەلە جاتپاعانىن ءبىلدى. ناۆالنىي دا تۇرمەگە تۇسەتىنىن ىشتەي سەزدى. ءبىراق ناۆالنىيدا ءپۋتيندى, ونىڭ رەجيمىن تۇبىندە جەڭەمىن, تۇرمەدەن بۇرىنعى تەررور مەن توتاليتارلىق رەجيمنىڭ قۇربانى ءارى قاھارمانى بولىپ شىعامىن دەگەن ءۇمىت بولدى. ءبىر سوزبەن ايتقاندا, ورىستىڭ نەلسون ماندەلاسى بولامىن دەدى. مۇنىڭ ءبارىن پۋتين جاقسى ءبىلدى, اسىرەسە سايلاۋ ناۋقانى جاقىنداعان سايىن...

بارىنەن وكىنىشتىسى, ناۆالنىيدىڭ ولىمىنەن سوڭ (فيلمىندە امانات ەتىپ كەتكەندەي) جۇيەگە قارسى شىعىپ, سوڭىنا دەيىن بەرىسپەي كۇرەسەتىن رەسەيدە ەشكىم قالماعان سەكىلدى", دەپ جازادى جۋرناليست جەلىدە.

"قامشى" سىلتەيدى
ىلمەك سوزدەر: ناۆالنىي اباي نەمسوۆ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر