ء«تورت ادام ىزدەستىرىلۋدە». الماتىدا تۇندە لاي كوشكىنى ءجۇرىپ, ەكى ءۇيدى باسىپ قالدى
  • usd 468.56

  • eur 497.56

  • rub 7.3

  • cny 67.18

12 ءساۋىر, 18:41:57
الماتى
+35°

08 اقپان, 2024 وقيعالار

«تورت ادام ىزدەستىرىلۋدە». الماتىدا تۇندە لاي كوشكىنى ءجۇرىپ, ەكى ءۇيدى باسىپ قالدى

قازىرگى ۋاقىتتا قۇتقارۋشىلار لاي كوشكىنى باسىپ قالعان ءۇي استىندا قالىپ كەتۋى ىقتيمال ءتورت ادامدى ىزدەستىرىپ جاتىر. الماتى قالالىق تجد لاي كوشكىنىنىڭ جۇرۋىنە سۋ قۇبىرىنىڭ جارىلۋى سەبەپ ەكەنىن ايتادى.

قر تجم ءباسپاسوز قىزمەتى

الماتىدا «؛تاۋ-سامالى»؛ ىقشام اۋدانىندا بۇگىنگى تۇنگى 02:20 ۋاقىتىندا لاي كوشكىنى ءجۇرىپ, ەكى جەر ءۇيدى باسىپ قالدى. وقيعا ورنىندا ىزدەۋ-قۇتقارۋ جۇمىستارى ءالى جالعاسۋدا. تاڭەرتەڭ الماتى قالاسىنىڭ اكىمى ەربولات دوساەۆ تەحنوگەندىك سيپاتتاعى اپات ورنىنا شۇعىل كەلىپ جەتتى. وقيعا سەبەپتەرىن انىقتاۋ جانە اپات سالدارىن جويۋ جونىندە جەدەل كوشپەلى كەڭەس قۇرىلدى. تاڭعى ساعات 08:00-دەگى جاعداي بويىنشا ىزدەۋ-قۇتقارۋ جۇمىستارى ءالى ءجالعاسۋدا. ؛

«؛بىر ءۇي بۇتىندەي, ءبىر ءۇي جارتىلاي بۇلىنگەن. ءبىر ءۇيدىڭ وتباسى مۇشەلەرى ىزدەستىرىلىپ جاتىر: 4 ادام, ونىڭ ەكەۋى ؛ - بالا. اپات ورىن العان كوشەدەگى ۇيلەردىڭ بىر-بىرىنە وتە جاقىن ورنالاسۋى توتەنشىلىكتەردىڭ جۇمىسىنا بەلگىلى ءبىر دەڭگەيدە كەدەرگى كەلتىرۋدە»؛, دەلىنگەن قالالىق تجد حابارلاماسىندا.

سول ماڭداعى ۇيلەردەگى (جەر ءۇي) ادامدار ارنايى ورىندارعا ەۆاكۋاسيالاندى. بىرنەشە ساعاتتان كەيىن ولار ءوز ەركىمەن تۋىستارىنىڭ, دوستارىنىڭ ۇيلەرىنە باراتىنىن ايتىپ, تارقاسقان.

وقيعا ورنىندا "قازسەلدەنقورعاۋ" مم, الماتى قالاسىنىڭ "109 قۇتقارۋ قىزمەتى" مم, رەسپۋبليكالىق جەدەل-قۇتقارۋ جاساعى, الماتى قالاسى تجد, تجم 28237 اسكەري ءبولىمى, جەدەل مەديسينالىق كومەك بريگاداسى, مەدەۋ اۋدانىنىڭ اكىمدىگى قىزمەتكەرلەرىن قوسا العاندا,  ؛160-تان استام ادام جانە 30 بىرلىك تەحنيكا جۇمىس ىستەپ جاتىر.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر