• usd 468.56

  • eur 497.56

  • rub 7.3

  • cny 67.18

18 ماۋسىم, 04:14:55
+35°

پوليسەيلەر قازاقستان مەن رەسەي شەكاراشىلارى اراسىنداعى قاقتىعىس تۋرالى جالعان ۆيدەو اۆتورىن ۇستادى, - دەپ حابارلايدى ؛قوستاناي وبلىسىنىڭ پوليسيا دەپارتامەنتى.

"الەۋمەتتىك جەلىدە قوستاناي وبلىسىنىڭ شەكاراسىندا اسكەريلەر اراسىندا بولعان قاقتىعىسقا قاتىستى پىكىر جازىلعان اسكەري كولىك كولونناسىنىڭ ۆيدەوسى تاراپ كەتتى. ۆيدەو جالعان بولىپ شىقتى. جەدەل ىزدەستىرۋ ءىس-شارالارى بارىسىندا قوستاناي وبلىسىنىڭ پد قىزمەتكەرلەرى قوستاناي قالاسىنىڭ 52 جاستاعى تۇرعىنىن انىقتاپ, ۇستادى. ول قاساقانا ارەكەت جاساعانى ءۇشىن كىناسىن مويىندادى", دەلىنگەن حابارلامادا. ؛

دەرەك بويىنشا قىلمىستىق كودەكستىڭ 274-بابى 2-بولىگى 3-تارماعى "بۇقارالىق اقپارات قۇرالدارىن نەمەسە تەلەكوممۋنيكاسيا جەلىلەرىن پايدالانا وتىرىپ, كورىنەۋ جالعان اقپارات تاراتۋ" بويىنشا سوتالدى تەرگەۋ باستالدى.

پوليسيا جالعان اقپارات تاراتقانى ءۇشىن قىلمىستىق جانە اكىمشىلىك جاۋاپكەرشىلىكتى ەسكە الىپ, ازاماتتاردى اقپاراتتى تاراتپاستان بۇرىن ونىڭ دۇرىستىعىن تەكسەرۋگە شاقىردى.

ەسكە سالساق, الەۋمەتتىك جەلىدە تاراپ جاتقان ۆيدەودا اسكەري كيىمدەگى ادامدار مەن اسكەري تەحنيكا كورسەتىلگەن. كادر سىرتىنداعى داۋىس قاقتىعىس قوستاناي وبلىسىندا باستالىپ, ءقازىر تەحنيكا سوندا تارتىلىپ جاتقانىن ايتادى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر