تۇركىستان بالالارىنا باقشا بار, اقشا جوق

qamshy-نىڭ حات قورجىنىنا تۇركىستان قالاسىنداعى بالاباقشالاردىڭ قۇرىلتايشىلارى اتىنان «؛اشىنعاننان جازىلعان اشىق حات»؛ دەگەن تاقىرىپپەن اششى جانايقاي جەتتى.

تۇركىستان بالالارىنا باقشا بار, اقشا جوق پا؟

ول حاتتا بىلاي دەلىنگەن:

وقۋ-اعارتۋ ءمينيسترىنىڭ 2022 جىلعى 27 تامىزداعى №381 بۇيرىعىنا سايكەس, بيىل ماۋسىم ايىندا تۇركىستان وبلىسى بويىنشا جەكەمەنشىك بالاباقشالاردا تاربيە مەن وقىتۋعا مەملەكەتتىك ءبىلىم بەرۋ تاپسىرىسىن ورنالاستىرۋعا (2-6 جاس, 8532 جاڭا ورىنعا) كونكۋرس جاريالاندى.

https://www.gov.kz/memleket/entities/turkestan-adami-aleuetti-damytu/press/news/details/565572؟lang=kk

مىنە, مىنا كونكۋرس وتكىزۋ تۋرالى حابارلاندىرۋ مينيسترلىكتىڭ رەسمي سايتىنا ءىلىندى. بۇل ءوزى ءتۇرلى جاعدايلارعا بايلانىستى 3 جىلدان بەرى العاش رەت ۇيىمداستىرىلىپ وتىرعان كونكۋرس ەدى. ءوز قىزمەتىن باستاپ جىبەرگەن كاسىپكەر ءۇشىن ۇلكەن قولداۋ. ءبارىمىز قۋاندىق.

قوش, كونكۋرس جاريالاندى. جەڭىمپاز بولۋدان دامەلى جاننىڭ ءبارى 3 كۇننىڭ ىشىندە قۇجات تاپسىردىق. 2023 جىلدىڭ 6-12 ماۋسىم ارالىعىندا ۇسىنىلعان قۇجاتتار كوميسسيامەن قارالادى دەگەن تالاپ ودان ءارى كۇشەيتىلىپ, ءار كاسىپكەر كوميسسيا الدىندا ءوز بالاباقشاسىنا پرەزەنتاسيا جاساۋ كەرەك, فوتوەسەپ پەن ۆيدەوروليك جاسالسىن دەگەن شارت قويىلدى. اللانىڭ قالاۋىمەن بۇدان دا وتتىك. سايكەستىكتى انىقتاۋ ماقساتىندا كوميسسيا ۇيىمداردى ارالادى. كاسىپكەرلەر تاراپىنان ەشقانداي كەدەرگى بولمادى, تالاپقا ساي, ء381-شى بۇيرىق ورىندالدى.

ەندىگى ءىس تەك كوميسسيا قۇرامىندا قالدى, حاتتاما شىعارۋ. 22 ماۋسىمدا شىعاتىن حاتتاما 13 قىركۇيەكتە ءىلىندى, الىپ تاستالماسا ەكەن دەپ, يتپەن قاراۋىلداپ وتىرمىز. ويتكەنى بۇعان دەيىن ىلىنگەن 2 حاتتاما ءىزىم-قايىم جوعالىپ كەتتى. جوعالعان حاتتامانى يتپەن ىزدەپ باسقارماعا باردىق, سويتسەك تەحنيكالىق قاتەلىكتەر كەتىپتى-مىس. ءبىر ەمەس, 2 رەت قاتەلىككە جول بەرگەن ءبىلىم باسقارماسىنا ايتار ءسوزىمىز جوق. ءبىلىم باسقارماسىندا وسىنداي قاتەلىكتەرگە جول بەرىلسە, قول استىنداعى بالاباقشالار, 1000-نان اسا مەكتەپ پەن پالەنباي كوللەدجدەردىڭ جاعدايىن ايتپاي-اق قويساق بولاتىن شىعار؟!

ودان كەيىن مەكەمە اتاۋى وزگەرۋىنە بايلانىستى تاعى كۇتۋگە تۋرا كەلدى. وسى ەكى ارالىقتا الدىڭعى كوميسسيا قۇرامىنىڭ 2 رەت ءىلىنىپ, جوق بولعان شەشىمى ءوز كۇشىن جويىپ, كوميسسيا قۇرامى قايتا قۇرىلدى. كاسىپكەرلەر اياعىنان توزدى, باسقارمادا جاۋاپ بەرەتىن ادام جوق, مۇنى قالاي تۇسىنەمىز؟

باسقارما باسشىسى دەمالىستا, مىندەتىن ۋاقىتشا اتقارۋشى قولىن سىلتەيدى, جۇمىسى كوپ. الدىڭعى كوميسسيا ءتوراعاسىنىڭ ورىنباسارى ب.احمەتوۆ «؛كوميسسيادان شەتتەتىلدىم, جاۋابىن سادىقوۆا ارداق ءمادىحانقىزىنان سۇراڭدار»؛ دەيدى. ال باسقارما باسشىسىنان جاۋاپ جوق.

قولىنا بيلىك تيگەن سادىقوۆا ارداق ءمادىحانقىزى كوميسسيا قۇرامىن قايتا قۇرىپ, قايتا وتىرىس وتكىزىپتى. نە ءۇشىن؟ الدىڭعى شىعىپ ۇلگەرمەگەن حاتتاما ءوز كۇشىن جويدى.

حاتتامانىڭ كەشىگۋى قاۋلىنى كەشىكتىرەدى, قاۋلىنىڭ كەشىگۋى قارجىنىڭ كەشىگۋىنە اكەلەتىنىن سادىقوۆا حانىم بىلمەيدى ەمەس, ءبىلىپ وتىر. سانالى تۇردە كەشىكتىرىپ جاتىر دەپ ايتۋعا تولىق نەگىز بار. ءوز اراسىنداعى الاۋىزدىقتىڭ زاردابىن كاسىپكەرلەر تارتۋدا. (بۇعان كۋا دە بولدىق.)

قازاننان قاقپاق كەتسە, يتتەن ۇيات كەتەدى دەمەكشى, ەندى اشىنعان كاسىپكەرلەر سادىقوۆا ارداق ءمادىحانقىزىنا اششى سوزدەرىن ۇيالماي ايتاتىن بولدى. جۇمىستى ۇيىمداستىرا الماساڭ, ورنىڭدى بوسات, اكەڭنەن مۇراعا قالماعان شىعار دەگەن سوزدەردى كوزىنە دە, الەۋجەلى ارقىلى دا ايتۋدا.

بىلىم باسقارماسى قورجىنىنا تۇسكەن اقشانى "بالالاتقىسى" كەلىپ وتىر ما؟

بىلىققا باتقان باسقارما ەكەنى تاعى دا دالەلدەندى. ءقازىر ادىلدىك ىزدەگەن بالاباقشالاردىڭ سوڭىنا ءتۇسۋ وپەراسيالارى باستالىپ وتىر.

ول تۋرالى كەلەسى حاتىمىزدا جاريالايتىن بولامىز.

p.s. حاتتاما, قاۋلى سۇراعان كاسىپكەرلەرگە بۇل كۇندە باسقارما باسشىسىنىڭ م.ا. سادىقوۆا حانىم قولىن سىلتەيدى. نە دەگەن مادەنيەتسىزدىك؟ باسقارمانىڭ جاۋاپسىزدىعىنان كاسىپكەرلەر وزدەرىنە تيەسىلى قاراجاتتان قاعىلىپ وتىر.

قارجى جوق ەمەس, قورجىندا تۇر عوي؟ الدە ونى ۇلەستىرۋدىڭ باسقا جولىن تاپپاي جاتىر ما؟ ماۋسىم بولماسا دا, شىلدەدەن باستاپ قارجىلاندىرۋعا ىلىنەتىن مۇمكىندىكتەن ايىرعان سادىقوۆا حانىمعا ءسوز تاپپاعاندىقتان, كاسىپكەرلەرگە ءوز داتىن مينيستر مەن اكىمگە جولداۋعا تۋرا كەلدى. ؛

«؛بايقونىس»؛ 2 بالاباقشاسىنىڭ قۇرىلتايشىسى ستامبەكوۆا م.ب.

«؛اينالايىن»؛ بوبەكجاي-بالاباقشا مەڭگەرۋشىسى تۋلەۋوۆا ە.ت.

«؛ج.ماحانبەتوۆا اتىنداعى بالاباقشا»؛ مەڭگەرۋشىسى ەرگۋبەكوۆا ج.س.

قاسىمحان بەگمانوۆ اتىنداعى مەكتەپ-گيمنازيا جانە بوبەكجاي-بالاباقشا قۇرىلتايشىسى ت.كوشەنوۆا

«؛سۇيكىمدى بالاقاي - 2»؛ بالاباقشاسىنىڭ قۇرىلتايشىسى ب.التىنباەۆا

 ؛

وسى ماسەلەگە بايلانىستى ايتار ۋاجدەرى بولسا, قر وقۋ-اعارتۋ مينيسترلىگى, تۇركىستان وبلىسىنىڭ اكىمدىگى مەن تۇركىستان وبلىسى ءبىلىم باسقارماسىنىڭ جاۋاپتارىن qamshy.kz جاريالاۋعا دايىن.