فوتو: الماتى قالاسى اكىمدىگى
سەيفۋللين-رىسقۇلوۆ داڭعىلىنىڭ قيىلىسىنان الماتى-1 تەمىرجول ۆوكزالىنا دەيىنگى ورتاشا جوندەۋ جۇمىستارى باستالدى.
جوسپار بويىنشا 5,6 شاقىرىم جول جوندەلىپ, تروتۋارلار ءىشىنارا قامتىلادى. ازىرگە جوندەۋ كولىك قوزعالىسىن شەكتەۋسىز جۇرگىزىلىپ جاتىر. بۇعان دەيىن بۇل كوشەدەگى جوندەۋ جۇمىستارى 13 جىل بۇرىن جۇرگىزىلگەن.
الماتىنىڭ كليماتتىق جاعدايىن ەسكەرسەك, سەيفۋللين داڭعىلىنىڭ جوندەۋارالىق قىزمەت ەتۋ مەرزىمى 5 جىل. جوندەۋدىڭ قاجەتتىلىگىن ساراپتاما راستادى. زەرتتەۋ ناتيجەسىندە جول بويىندا شۇڭقىر, ويىلعان, جارىلعان, وتىرعان جەرلەر انىقتالدى.
تەحنيكالىق قورىتىندى نەگىزىندە داڭعىلعا ورتاشا جوندەۋ جۇرگىزۋدى جوسپارعا قوسۋ تۋرالى شەشىم قابىلداندى.
قالالىق قالالىق موبيلدىلىك باسقارماسىنىڭ حابارلاۋىنشا, كولىك قوزعالىسىنىڭ شەكتەلۋى تۋرالى اقپارات باق ارقىلى الدىن الا جاريالانادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر