31 مامىر, 2023 الماتى
فوتو: اقوردا
2023 جىلعى 31 مامىردا الماتىدا جۇمىس ساپارىمەن جۇرگەن مەملەكەت باسشىسى قاسىم-جومارت توقاەۆ قازاقستاننىڭ ۇلتتىق عىلىم اكادەمياسىنىڭ (ۇعا) پرەزيدەنتى كۇنسۇلۋ زاكاريانى قابىلدادى. ول بۇل قىزمەتكە 12 ساۋىردە پرەزيدەنت بولىپ تاعايىندالدى. ؛
اقوردانىڭ ءباسپاسوز قىزمەتىنىڭ حابارلاۋىنشا, پرەزيدەنتكە ۇلتتىق عىلىم اكادەمياسىنىڭ قىزمەتى جانە الداعى كەزەڭگە ارنالعان جوسپارلار تۋرالى اقپارات بەرىلدى. اڭگىمە بارىسىندا عىلىمي سالانىڭ وزەكتى ماسەلەلەرى دە قاراستىرىلدى.
"اكادەميا ءوزىنىڭ جاڭا مارتەبەسىندە وتاندىق عىلىمدى دامىتۋدا شەشۋشى ءرول اتقارۋى ءتيىس", &ndash؛ دەپ اتاپ ءوتتى قاسىم-جومارت توقاەۆ.
مەملەكەت باسشىسىنىڭ ايتۋىنشا, مەملەكەتتىڭ عىلىمي-تەحنولوگيالىق جانە ەكونوميكالىق ساياساتىنىڭ ءوزارا بايلانىسىن نىعايتۋعا باسا نازار اۋدارا وتىرىپ, عىلىمدى دامىتۋدىڭ جاڭا تاسىلدەرىن قولدانۋ قاجەت.
پرەزيدەنت مەملەكەت وتاندىق عىلىمدى دامىتۋ ءۇشىن قاجەتتى جاعدايلار جاساپ جاتقانىن اتاپ ءوتتى. قر پرەزيدەنتى جانىنداعى عىلىم جانە تەحنولوگيالار جونىندەگى ۇلتتىق كەڭەس جۇمىس ىستەيدى, ونىڭ ىشىندە زەرتتەۋلەردى قارجىلاندىرۋ كولەمى ايتارلىقتاي ءوستى جانە تەتىكتەرى جاقساردى. وسى تۇرعىدا مەملەكەت باسشىسى قارجىلاندىرىلاتىن عىلىمي جوبالار مەن زەرتتەۋلەردىڭ وزەكتىلىگى مەن قاجەتتىلىگىن, سونداي-اق ولاردىڭ ەكونوميكانىڭ ناقتى سەكتورلارىندا پراكتيكالىق قولدانىلۋىن اتاپ ءوتتى.
سونىمەن قاتار, قاسىم-جومارت توقاەۆ قر ۇعا پرەزيدەنتىنىڭ الدىنا تالانتتى جاس عالىمداردى عىلىمي ورتاعا كەڭىنەن تارتۋ بويىنشا ءبىرقاتار ناقتى مىندەتتەر قويدى.
بۇعان دەيىن قاسىم-جومارت توقاەۆتىڭ الماتىعا جۇمىس ساپارىمەن كەلگەنى حابارلانعان بولاتىن. مەملەكەت باسشىسى حح عاسىرداعى ساياسي قۋعىن-سۇرگىن ماتەريالدارىن زەرتتەۋ جونىندەگى ورتالىقتىڭ جۇمىسىمەن تانىستى, سونداي-اق جازۋشىلار وداعىنىڭ ءتوراعاسى مەرەكە قۇلكەنوۆپەن كەزدەستى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر