• usd 468.56

  • eur 497.56

  • rub 7.3

  • cny 67.18

19 ءساۋىر, 07:23:38
الماتى
+35°

استانا سوتى قاڭتار وقيعاسى كەزىندە قازاقستان بيلىگىنىڭ ءوزى تۋرالى تاراتقان اقپاراتىن شىندىققا سايكەس كەلمەيدى دەپ تانىپ, كەشىرىم سۇراۋدى تالاپ ەتكەن قىرعىز مۋزىكانتى ۆيكرام رۋزاحۋنوۆتىڭ شاعىمىن قاناعاتتاندىرمادى. بۇل تۋرالى ۆيكرام رۋزاحۋنوۆ ءوزىنىڭ الەۋمەتتىك جەلىدەگى پاراقشاسىندا حابارلادى. ؛

اتالعان ىسكە قاتىستى العاشقى سوت وتىرىسى 19 مامىردا وتكەن. مۋزىكانت ؛سوتتان 2022 جىلى قاڭتار وقيعاسى كەزىندە الماتىدا ول بويىنشا تاراتىلعان اقپاراتتى شىندىققا سايكەس كەلمەيدى دەپ تانىپ, رەسمي تۇردە كەشىرىم سۇراۋدى تالاپ ەتكەن.

ەسكە الساق, ؛9 قاڭتاردا "قازاقستان" جانە "حابار 24" ارنالارى "قازاقستانداعى ميتينگكە قاتىسقانى ءۇشىن قىرعىزستان ازاماتى اقشا العان" دەگەن سيۋجەت كورسەتكەن. ۆيدەودا بەتى-اۋزى كوگەرگەن ازامات 1 قاڭتاردا بەيتانىس ادامدار تەلەفون ارقىلى حابارلاسىپ, ميتينگىگە قاتىسۋ ءۇشىن 90 مىڭ تەڭگە ۇسىنعانىن, بيلەت اپەرگەنىن, قازاقستاندا پاتەرگە ورنالاستىرعانىن ايتادى. ؛

كوپ ۇزاماي قىرعىزستاندىق باسىلىمدار ۆيدەوداعى ادام قىرعىزستاندا بەلگىلى دجاز مۋزىكانتى ؛ۆيكرام رۋزاحۋنوۆ ەكەنىن, قازاقستانعا كونسەرتكە كەلگەنىن جارىسا جازدى. ؛

ۇزاماي رۋزاحۋنوۆ بوساتىلىپ, 10 اقپان كۇنى الەۋمەتتىك جەلىدەگى پاراقشاسىندا قازاقستاننىڭ تەرگەۋ يزولياتورىندا ازاپتالعانىن مويىنداپ, مالىمدەمە ؛جاسادى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر