ەلىمىزدە جارتى ميلليون ادام يپوتەكا تولەيدى

قازاقستاندا يپوتەكالىق نەسيە الۋشىلاردىڭ سانى العاش رەت 500 مىڭنان استى, دەپ حابارلايدى ؛krisha.kz.

مۇنداي مالىمەتتەردى ءبىرىنشى نەسيە بيۋروسى كەلتىردى. جارتى ميلليونىنشى بولىپ يپوتەكا العان ادام 1 مامىردا تىركەلدى.

"بۇگىنگى تاڭدا يپوتەكالىق نەسيەلەۋدىڭ جالپى پورتفەلى 5,9 ترلن تەڭگەنى قۇرايدى. بۇل رەتتە 290 000 قارىز الۋشى ءۇشىن وتەۋ مەرزىمى كەم دەگەندە 10 جىل بولىپ وتىر. ءاربىر ونىنشى يپوتەكا الۋشى كەمىندە تاعى 20 ملن تەڭگە تولەۋى كەرەك", - دەيدى ساراپشىلار.

يپوتەكالىق نەسيە بويىنشا قارىزدىڭ ورتاشا سوماسى 10,2 ملن تەڭگەنى قۇرايدى.

استانادا تۇرعىن ءۇي ساتىپ الۋعا 98,1 مىڭ, الماتىدا 83,5 مىڭ نەسيە راسىمدەلدى. بۇل قالالار بەرىلگەن نەسيەلەر سانى بويىنشا كوش باستاپ تۇر, ياعني يپوتەكانىڭ جالپى سانىنىڭ 36 پايىزىن قۇرايدى.