18 مامىر, 2023 news
فوتو: اشىق دەرەككوز
وپپوزيسيالىق ساياساتكەر جاسارال ءقۋانىشالين قايتىس بولدى. كەشە ونىڭ ناۋقاستانىپ, جانساقتاۋ بولىمىنە تۇسكەنى حابارلانعان ەدى. ؛
ونىڭ قايتىس بولعانىن بەلسەندى نيازبەك يۋسۋپوۆ راستادى. قارالى حاباردى يۋسۋپوۆكە دارىگەرلەر ايتقان.
بەلسەندىنىڭ ايتۋىنشا, 18 مامىردا تۇستەن كەيىن جاسارال ءقۋانىشاليندى دارىگەرلەر جاساندى تىنىس اپپاراتىنا جالعاعان, الايدا جۇرەگى شىداماعان.
جاسارال ءقۋانىشالين 1994-95 جىلدارى قازاقستان جوعارعى كەڭەسىنىڭ دەپۋتاتى بولعان. كەيىن وپپوزيسياعا ءوتىپ, ءتۇرلى ۇيىمنىڭ قاتارىندا بيلىك ساياساتىن اشىق سىناپ كەلدى. كەيىنگى جىلدارى پارتيا قۇرۋعا تالپىنعانىمەن, ولاردى ادىلەت مينيسترلىگى ءارتۇرلى ۋاجبەن تىركەمەگەن. پرەزيدەنت سايلاۋىنا تۇسۋگە نيەت تە بىلدىرگەنىمەن, كانديدات رەتىندە تىركەلە الماعان.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر
