18 مامىر, 2023 news
فوتو: اشىق دەرەككوز
سىرتقى ىستەر مينيسترلىگى تايلاندتا قايىق اپاتىنان 3 قازاقستاندىقتىڭ زارداپ شەككەنىن حابارلادى. مينيسترلىكتىڭ حابارلاۋىنشا, قايىقتا 4 قازاقستاندىق بولعان. ؛
تايلاندتا جىلدام جۇزەتىن قايىق پحۋكەت جاعالاۋىندا اپاتقا ۇشىراعان جانە بورتتا 30-عا جۋىق ادام بولعان. ولاردىڭ اراسىندا ۋكراينا, رەسەي جانە قىتاي ازاماتتارى دا بار.
"ولاردىڭ ۇشەۋى مەديسينالىق كومەككە مۇقتاج. دارىگەرلەر تەكسەرگەننەن كەيىن ەكى جەرلەسىمىز اۋرۋحاناعا جاتقىزىلدى. جاعدايلارى تۇراقتى, دەنساۋلىقتارى مەن ومىرلەرىنە ەشقانداي ءقاۋىپ ءتونىپ تۇرعان جوق", - دەدى ءسىم.
بارلىق شىعىندى قايىقتى يەلەنەتىن كومپانيا تولەيدى. ءبىزدىڭ كونسۋل زارداپ شەككەن قازاقستاندىق ايەلدەرمەن تۇراقتى بايلانىستا.
ايتا كەتەيىك, بۇعان دەيىن تايلاندتا قازاقستاندىق ءتۋريستتىڭ ءجونسىز ارەكەتى ءۇشىن ۇستالعانى حابارلانعان بولاتىن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر