فوتو: اشىق دەرەككوز
الماتى قالاسىنىڭ اكىمدىگى تيميريازەۆ كوشەسىندەگى brt جولاقتارىنىڭ ەش وزگەرىسسىز قالاتىنىن مالىمدەدى. بۇعان دەيىن ؛qamshy.kz اقپارات اگەنتتىگى الماتىداعى تيميريازەۆ كوشەسىندەگى كەپتەلىسكە قاتىستى ارنايى رەپورتاج دايىنداپ, قالا اكىمىنە حات جولدادى. ؛
قالا اكىمىنىڭ رەسمي جاۋابى بويىنشا الداعى ۋاقىتتا brt جولاقتارىن جولدىڭ شەتىنە اۋىستىرۋ جوسپاردا جوق. ؛
"brt جولاقتارىنىڭ جولدىڭ ورتاسىندا (جولدىڭ ءجۇرىس بولىگىنىڭ ىشكى جولاعى) ورنالاسۋى جول قوزعالىسىنا قاتىسۋشىلاردىڭ كولىك كەپتەلىسى, رەتتەلمەيتىن تۇراقتار جانە تاكسيلەردىڭ كوشە بويىندا توقتاۋ جانە ت.ب. سالدارىنان تۋىنداعان جاعدايلاردىڭ قوعامدىق كولىككە اسەرىن ازايتۋ ءۇشىن قاجەتتى شەشىم بولىپ سانالادى. brt جولاقتارىنىڭ جولدىڭ شەتكى جاعىندا (جولدىڭ ءجۇرىس بولىگىنىڭ شەتكى وڭ جاق جولاعى) ورنالاسۋى رەتتەلمەگەن اۆتوتۇراقتار تولىعىمەن جويىلعان جول ۋچاسكەلەرىندە قاراستىرىلعان. سونىمەن قاتار, اۆتوماتتى قوزعالىستى باسقارۋ جۇيەسىن ورناتۋ ارقىلى brt جەلىسىندەگى قوعامدىق كولىكتەرگە كوپتەگەن قيىلىستاردا باسىمدىق بەرىلەدى", دەلىنگەن حاتتا. ؛
سونداي-اق قالا اكىمدىگى ؛brt جەلىسىنىڭ ءدالىزىن تيميريازەۆ كوشەسىنە ورنالاستىرۋدىڭ بىرنەشە سەبەبىنە توقتالىپ ءوتتى. ؛
- تيميريازەۆ كوشەسىندە قوعامدىق كولىكتى پايدالاناتىن جولاۋشىلار كولەمىنىڭ ۇلكەندىگىنە بايلانىستى؛
- تيميريازەۆ كوشەسىن جاسىل دالىزگە اينالدىرۋ الەۋەتى, بۇل قوعامدىق كولىكتەردەن باسقا جاياۋ جانە ۆەلوسيپەد جۇرگىنشىلەرگە وڭ اسەرىن بەرەدى؛ ؛
- تيميريازەۆ كوشەسى ارقىلى وتەتىن ترانزيتتىك قوزعالىستى پاراللەل جاتقان كوشەلەرىگە كوشىرۋ (جاندوسوۆ كوشەسى, ءال-فارابي داڭعىلى)؛
ەسكە سالساق, ؛qamshy.kz اقپارات اگەنتتىگى ؛"تيتىقتاتقان تيميريازەۆ. جۇرگىزۋشىلەر جىرىن دوساەۆ تىڭداي ما؟" اتتى ارنايى رەپورتاجىندا كوشە بويىنداعى ۇزىن-سونار كەپتەلىستى كورسەتىپ, كولىك جۇرگىزۋشىلەردىڭ پىكىرىن بىلگەن ەدى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر