03 ءساۋىر, 2023 ساياسات
فوتو: qamshy.kz
2022 جىلى قازاقستان تاراپى قىتاي ەلىنەن كەلۋشىلەرگە 14 كۇندىك ۆيزاسىز رەجيم ءتارتىبىن ەنگىزدى. «؛قامشى»؛ جۋرناليستەرى الماتى اۋەجايىنا بارىپ, وسى ماسەلەگە بايلانىستى زەرتتەۋ جاساپ كوردى.
قىتايدان اپتاسىنا 7 كۇن اۋە رەيسى جۇرەدى. بۇدان بولەك سىرت قورعاس-الماتى, شاۋەشەك-ۇرجار تاسجولى ارقىلى اۆتوكولىكتەر توقتاۋسىز قاتىنايدى. كۇندەلىكتى كەلگەن جۇزدەگەن قىتايلىقتار الماتى اۋەجايىندا تىم كوپتىگىمەن كوزگە تۇسەدى. قازاقستان مەن قىتاي اراسىنداعى «؛ۆيزاسىز رەجيمگە»؛ بايلانىستى «؛قامشى»؛ پورتالى قر سىرتقى ىستەر مينيسترلىگىنە رەسمي ساۋال جولداعان. مينيسترلىكتىڭ جاۋابىنا سۇيەنسەك قحر ازاماتتارى ءۇشىن 14 كۇندىك ۆيزاسىز كەلۋ ءتارتىبى "ەكسپو-2017" حالىقارالىق كورمەسىن وتكىزۋ كەزىندە قولدانىستا بولعان 3 كۇندىك ۆيزاسىز ترانزيت تاجىريبەسى نەگىزىندە بەلگىلەنگەن.
"قازىرگى ۋاقىتتا تاراپتارمەن تالقىلانىپ جاتقان كەلىسىم جوباسى ەكى مەملەكەت ازاماتتارىنا تەپە-تەڭدىك قاعيداتىنا سايكەس ازاماتتىق پاسپورتتار يەلەرىنە ءوزارا ۆيزاسىز ساپارلارعا جاعداي جاساۋدى كوزدەيدى»؛ دەلىنگەن مينيسترلىك جاۋابىندا.
بىراق قازاقستان ازاماتتارى قىتايدىڭ تۋريستىك حاينان ارالىنا عانا ۆيزاسىز بارا الاتىنى ايتىلعان. ال قىتاي ازاماتتارى كەز كەلگەن ۋاقىتتا ۆيزاسىز رەجيممەن قازاقستان اۋماعىندا 14 كۇن ەركىن ءجۇرىپ تۇرادى. بەيرەسمي دەرەككوزدەر «؛قىتايدىڭ 14 كۇندىك ۆيزاسىز رەجيمىنە»؛ قازاقستان تاراپىنىڭ ۇسىنىس جاساعانىن ايتادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر