"؛حالىق ءۇشىن شايتانمەن دە جۇمىس ىستەۋگە دايىنمىن"؛: زايىتوۆ پەن باپي ءماجىلىس كۋلۋارىندا نە دەدى؟

viii سايلانعان ءماجىلىس دەپۋتاتتارى پالاتانىڭ جالپى وتىرىسىندا قازاقستان حالقىنا ادال قىزمەت ەتۋگە انت بەردى. ولاردىڭ قاتارىندا رينات زايىتوۆ پەن ەرمۇرات باپي دا بار.

انت بەرۋ راسىمىنەن كەيىن دەپۋتاتتار ءماجىلىس كۋلۋارىندا جۋرناليستەردىڭ سۇراعىنا جاۋاپ بەردى.  ؛ ؛

"قازىر مەن قارسى بولعان بيلىكتىڭ جارتىسى جوق. ءبىز تەك قازىرگى ۇكىمەتپەن جۇمىس ىستەۋدى باستايمىز. ناتيجەسى قانداي بولاتىنى بەلگىسىز" &ndash؛ دەپ مالىمدەدى رينات زايىتوۆ.

ونىڭ ايتۋىنشا, پارلامەنت &ndash؛ ەموسيا كورسەتەتىن جەر ەمەس.  ؛

"مەنىڭ ايماقتاردى ارالاپ, حالىقپەن كەزدەسكەنىمدى بارلىعى كوردى. سايلاۋدا "امانات" تولىق جەڭىسكە جەتتى دەپ ايتا الامىن. بۇل شىندىق. بارلىق جەتى پارتيانىڭ اراسىنان "امانات" جەڭدى", &ndash؛ دەدى اقىن.

ال وپپوزيسيونەر ەرمۇرات باپي بولسا توقاەۆتىڭ قازىرگى ساياساتىن قولداعاندىقتان سايلاۋعا تۇسكەنىن ايتتى.

"مەن وپپوزيسيا وكىلى رەتىندە ماجىلىسكە ءبىرىنشى رەت كەلدىم. 1998 جىلدان بەرى مۇندا وپپوزيسيا بولعان جوق. حالىق ءۇشىن شايتانمەن دە جۇمىس ىستەۋگە دايىنمىن" &ndash؛ دەدى ول.

سونىمەن قاتار دەپۋتات رەتىندە قاماۋدا وتىرعان ساياسي تۇتقىنداردى بوساتۋ ماسەلەسىن كوتەرەتىنىن ايتتى.

جۋرناليستتەردىڭ "سايلاۋ ءادىل ءوتتى دەپ ويلايسىز با؟" دەگەن سۇراعىنا "مەنىڭ وسى جەردە تۇرعانىم &ndash؛ وسى سۇراقتىڭ جاۋابى. وتىز جىلدا قالىپتاسقان بيۋروكراتيانى ءبىر ساتتە جويىپ تاستاي المايمىز. سايلاۋدا نازارباەۆ جۇيەسىنىڭ ىقپالى بولعانىن جوققا شىعارمايمىن" &ndash؛ دەپ جاۋاپ بەردى ەرمۇرات باپي.