قانتىم عۇماروۆا: ءبىر اياعىمنان ايىرىلىپ, اۋرۋحانادا جاتقاندا دا قولونەردى تاستامادىم

ايەلدەر قاۋىمىن كوبى "نازىك جاندىلار" دەپ اتاپ جاتادى. الايدا ءبىر قولىمەن بەسىكتى, ءبىر قولىمەن الەمدى تەربەۋگە ايەلدىڭ عانا كۇشى جەتەتىن سەكىلدى. ەلىمىزدە تاعدىر سوققىسىنا مويىماي, باسقا تۇسكەن قيىندىقتى ەڭسەرىپ جۇرگەن اياۋلى جاندار از ەمەس. سونداي ايەلدەردىڭ ءبىرى ؛ جول اپارىتىنا ءتۇسىپ, ءبىر اياعىنان ايىرىلسا دا تىگىنشىلىكپەن اينالىسىپ, اينالاسىنا سىيلى بولعان قانتىم عۇماروۆا. ؛ ؛qamshy.kz اقپارات اگەنتتىگىنە بەرگەن سۇحباتىندا قانتىم عۇماروۆا تاعدىر سىناعىنان قالاي سىنباي وتكەنى جونىندە بايانداپ بەردى. ؛

&ndash؛ ءسىز تىگىنشىلىكتى كىمنەن ۇيرەندىڭىز؟ تىگىنشىلىكتى كاسىپكە اينالدىرۋ تۋرالى وي قاشان كەلدى؟

&ndash؛ بالا كەزىمنەن تىگىن تىگۋگە يكەمىم بولدى. مارقۇم انامنىڭ دا ىسمەرلىگى بار ەدى. العاش رەت سول كىسى ۇيرەتتى. 10 جاسىمدا جول اپاتىنا ؛ ءتۇستىم, قاتە ەمدەلىپ, 14 جىلدان كەيىن ونكولوگياعا ۇشىرادىم. پوليگون ايماعىندا ومىرگە كەلىپپىن, دەنەمدە رادياسيا بار ەكەن. سوڭىندا اياقتان ايىرىلدىم. جۇمىسقا جارامسىز بولىپ قالعان سوڭ تىگىنمەن اينالىسۋدى قولعا الدىم.

&ndash؛ باسىڭىزعا تۇسكەن قيىندىققا مويىمايتىن ەرىك-جىگەردى قايدان الدىڭىز؟

&ndash؛ باسىما قيىندىق تۇسكەندە مەنى جىگەرلەندىرىپ, ومىرگە ىنتالاندىرعان الماتىلىق ونكو-ينستيتۋتتاعى ەمدەۋشى پروفەسسورى, دوسەنتتەرى مەن مەيىربيكەلەرى بولدى. ول كىسىلەرگە مىڭ العىس ايتامىن. مەن ول كەزدە 24-جاستا ەدىم. قاتتى قينالعانىما قاراپ اياۋشىلىق تانىتقان بولۋى كەرەك. اياعىمنان ايىرىلىپ, اۋرۋحانادا ؛ جاتقاندا دا وسى ءىسىمدى جالعاستىرۋعا كومەكتەستى. كەيىننەن ەم-دوم الىپ جاتقان كەزدە دە قولونەردەن قول ۇزگەن جوقپىن. اياعىمنان ايىرىلعان كەزدە جەر بەتىندە مەنەن باسقا مۇگەدەك ادام جوق دەپ ويلاعان ەدىم. قاتەلەسىپپىن. ەكى قولى مەن ءبىر اياعى جوق ادامداردى كورگەن كەزدە تاۋبەمە كەلدىم, وز-وزىمە ەرىك-جىگەر بەردىم. ؛

&ndash؛ سوڭىڭىزدان ەرەتىن شاكىرت تاربيەلەۋ ويىڭىزدا بار ما؟ ؛

&ndash؛ ارينە, شاكىرت تاربيەلەۋگە بولادى, ءبىراق قازىرگى جاستار دايىنعا ۇمتىلادى. كوبى "قولونەر قيىن ەكەن, تازا ماتەماتيكا عوي" دەيدى. ۇيرەنەم دەپ كەلگەن كىسىگە ەسىگىم ءارقاشان اشىق.

&ndash؛ قازىرگى جاستارعا قانداي كەڭەس بەرەسىز؟

&ndash؛ جۇمىس جوق دەپ سىلتاۋراتاتىن جاستار كوپ. باسىنا قيىندىق تۇسە قالسا, اتاۋلى الەۋمەتتىك كومەك الۋعا عانا ۇمتىلادى. سوندىقتان, مەنىڭ ويىمشا الەۋمەتتىك كومەكتى توقتاتىپ, قولدارىنا قارماق ۇستاتۋ كەرەك. "ەڭبەك ەتسەڭ ەرىنبەي تويادى قارنىڭ تىلەنبەي" دەپ اتالارىمىز دۇرىس ايتقان. جاستاردى بالا كەزدەن ەڭبەككە باۋلۋمىز كەرەك دەپ ويلايمىن.