• usd 468.56

  • eur 497.56

  • rub 7.3

  • cny 67.18

12 ءساۋىر, 18:07:08
الماتى
+35°

فوتو: الماتى وبلىسى اكىمدىگىنىڭ ءباسپاسوز قىزمەتى

الماتى وبلىسىنىڭ اكىمى مارات سۇلتانعازيەۆ قاراساي اۋدانىنىڭ تۇرعىندارىمەن كەزدەستى, دەپ حابارلايدى وڭىرلىك ءباسپاسوز قىزمەتى. حالىقپەن ديدارلاسۋعا كەلگەن ايماق باسشىسى ەڭ اۋەلى وبلىستىڭ سونىمەن قاتار, اۋداننىڭ الەۋمەتتىك -ەكونوميكالىق جاعدايىنا توقتالدى.

مارات ەلەۋسىزۇلىنىڭ ايتۋىنشا, 2022 جىلدىڭ قورىتىندىسى بويىنشا ەكونوميكانىڭ بارلىق سالالارىندا 26,3 مىڭ تۇراقتى جۇمىس ورنى قۇرىلعان. جالپى, وڭىردەگى ەكونوميكانىڭ ءوسۋ قارقىنى ۇستىمىزدەگى جىلدىڭ قاڭتار ايىندا دا ساقتالىپ وتىر.

تۇتاستاي العاندا, قاراساي اۋدانى الماتى وبلىسىنىڭ ەكونوميكاسىن دامىتۋعا ايتارلىقتاي ىقپال ەتىپ كەلەدى. ويتكەنى, اۋداننىڭ وبلىستىڭ بارلىق ونەركاسىپ ونىمىندەگى ۇلەسى 33%-دى قۇرايدى. قازىرگى تاڭدا قاراساي جەرىندە 359 كاسىپورىن جۇمىس ىستەيدى, ونىڭ 80%-ى وڭدەۋ ونەركاسىبىنە تيەسىلى. وبلىس اكىمى مارات سۇلتانعازيەۆتىڭ ايتۋىنشا, اۋداننىڭ ونەركاسىپ ءونىمىنىڭ 74%-دان استامىن وندىرەتىن 7 جۇيە قۇراۋشى كاسىپورىندار جۇمىس جاسايدى.

دل

ايماقتىڭ اۋىز تولتىرىپ ايتار ناتيجەلەرىن باسىپ ايتقان ءوڭىر باسشىسى اۋدان اكىمدىگى قول جەتكىزگەن قارقىندى ساقتاپ قانا قويماي, جاڭا ينۆەستورلاردى تارتا وتىرىپ, ءارتاراپتاندىرۋ ارقىلى سالانى دامىتۋ كەرەك دەگەن پارمەن بەردى.

سونىمەن قاتار, مارات سۇلتانعازيەۆ اگروونەركاسىپ كەشەنى سالاسىندا اۋدان جالپى ءونىم كولەمى بويىنشا كوشباسشىلاردىڭ ءبىرى ەكەنىن تىلگە تيەك ەتتى. اوك سالاسىندا قاراساي اۋدانىنىڭ وبلىستاعى ۇلەسى 12% نەمەسە 88,5 ملرد.تەڭگەنى قۇرايدى.

«؛اۋىل شارۋاشىلىعىن قولداۋعا وبلىستا جىل سايىن 30 ملرد. تەڭگەدەن استام سۋبسيديا بولىنەتىنىن اتاپ وتكىم كەلەدى.وتكەن جىلى قاراساي اۋدانىنىڭ 108 شارۋا قوجالىعىنا 527 ملن. تەڭگە بولىندى»؛,-دەدى وبلىس اكىمى.

اۋدانداعى مال شارۋاشىلىعى باعىتىنداعى كورسەتكىشتەردە جامان ەمەس. ايماق سيىر باسى بويىنشا &ndash؛ بەسىنشى ورىندا تۇرسا, ءسۇت ءوندىرۋ بويىنشا &ndash؛ ەكىنشى ورىندا تۇر. بۇگىنگى تاڭدا بۇل ماڭدا 2 مىڭ باسقا ارنالعان 7 ءسۇت-تاۋار فەرماسى بار. الايدا, ءسۇت وڭدەيتىن كاسىپورىن جوق.

سونداي-اق, اۋداندا قۇس شارۋاشىلىعى جاقسى دامىعان. اۋداننىڭ ەكى كاسىپورنى - «؛الساد قازاقستان»؛ جانە «؛قازاقستان قۇستارى»؛ 168,3 ملن. دانا جۇمىرتقا ءوندىردى. مارات سۇلتانعازيەۆتىڭ سوزىنە سۇيەنسەك, 2022 جىلدىڭ شىلدە ايىنان باستاپ قارجىلىق جاعدايىنا بايلانىستى, «؛قازاقستان قۇستارى»؛ كومپانياسى كاسىپكەرلىك قىزمەتىن توقتاتۋعا ءماجبۇر بولعان.

ود

وسىنى ەسكەرگەن وبلىس باسشىسى, كەزدەسۋ بارىسىندا اۋدان اكىمىنە ينۆەستورلارعا بارلىق جاعدايدى جاساپ, ولاردى تارتۋ بويىنشا جۇمىستاردى كۇشەيتۋدى تاپسىردى.

ايماق باسشىسى جيىندا اۋدان تۇرعىندارىن تولعاندىراتىن ءۇش وزەكتى ماسەلە &ndash؛ اۋىز سۋمەن, گازبەن جانە جولدارمەن قامتاماسىز ەتۋ ىسىنە توقتالدى.

سوزىنە سەنسەك, وبلىس بويىنشا 384 ەلدى مەكەننىڭ 356 نەمەسە 92,7% تازا اۋىز سۋمەن قامتاماسىز ەتىلگەن. قاراساي اۋدانىندا بۇل كورسەتكىش 97,9%-دى قۇرايدى, ياعني 46 ەلدى مەكەن ساپالى اۋىز سۋمەن قامتاماسىز ەتىلگەن. ال, 59 ادام تۇراتىن كوكتوبە اۋىلىندا بۇل ماسەلە ءالى شەشىمىن تاپپاعان. سونداي -اق, سۋ قۇبىرى جەلىلەرىنىڭ 65% توزىعى جەتكەن.
«؛اتالعان ماسەلەنى شەشۋ ءۇشىن اۋداننىڭ 12 ەلدى مەكەنىندە جوبالاق سمەتالىق قۇجاتتاما ازىرلەنۋدە, ال جاڭاتۇرمىس اۋىلىندا ەكىنشى كەزەكتەگى قۇرىلىس جۇمىستارى 2023 جىلدىڭ قاراشا ايىندا بىتەدى»؛,-دەدى مارات ەلەۋسىزۇلى.

وبلىس باسشىسى بايانداماسىندا كوگىلدىر وتىنعا قوسۋ جايى تۋرالى ءسوز قوزعادى. ايتۋىنشا, قاراساي اۋدانىندا گازداندىرۋعا جاتاتىن 44 اۋىلدىڭ ء43-ى كوگىلدىر وتىنمەن قامتىلعان. گازعا قوسىلماعان ساۋىنشى اۋىلىنا 2024 جىلى گاز تارتۋ ءۇشىن «؛سيگما گاز»؛ سەرىكتەستىگىمەن كەلىسسوزدەر جۇرگىزىلۋدە.

«؛تۇرعىندار تاراپىنان گازعا قوسىلۋ قۇنى 450-500 مىڭ تەڭگەگە قاتىستى ۇلكەن شاعىمدار بار. سونداي-اق, وتكەن جىلدىڭ 1 شىلدەسىنەن 1 تەكشە مەترى ءۇشىن تاريف 29,5 تەڭگەدەن 34,7 تەڭگەگە دەيىن قىمباتتادى.وسى فاكتى بويىنشا مونوپولياعا قارسى كوميتەتتىڭ تەكسەرۋى ۇيىمداستىرىلىپ, ناتيجەسىندە قىزمەتتەر ءتاريفىن بەكىتۋگە ءوتىنىم بەرمەۋ, تاۋارلىق گازدىڭ ساتۋ باعاسىن بەلگىلەۋ ءتارتىبىن ساقتاماۋ بويىنشا بۇزۋشىلىقتار انىقتالدى»؛,-دەدى مارات سۇلتانعازيەۆ.

ايتا كەتەيىك, گاز تارتۋداعى زاڭ بۇزۋشىلىقتارعا بايلانىستى «؛سيگما-گاز»؛ سەرىكتەستىگىنە ايىپپۇل سالىندى.

وبلىس اكىمى ءسوز سوڭىندا گاز شارۋاشىلىقتارىمەن ابونەنتتەردى قوسۋ باعاسىن 350 مىڭ تەڭگەگە دەيىن تومەندەتۋ تۋرالى مەموراندۋمدارعا قول قويۋ ارقىلى كەلىسسوزدەر جۇرگىزىلىپ جاتقانىن اتاپ ءوتتى.

اكىمنىڭ ەل الدىنداعى بايانداماسى اياقتالعاننان كەيىن, حالىقتىڭ كوكەيىندە جۇرگەن سۇراقتاردىڭ تيەگى اعىتىلدى.

حالىقتىڭ باسىم بولىگى, كوگىلدىر وتىنعا قوسىلۋدىڭ باعاسىنىڭ قىمباتتاۋىنا, ەلدى مەكەن اراسىندا قاتىنايتىن قوعامدىق كولىكتىڭ جوقتىعى مەن اۋىل ىشىندەگى جولداردىڭ جايىنا قاتىستى بولدى. ءبىرقاتار اۋدان تۇرعىندارى, ەمدەۋ مەكەمەسىنىڭ جوقتىعىن العا تارتتى.

حالىقتىڭ بازىناسىن مۇقيات تىڭداعان وبلىس اكىمى, كوگىلدىر وتىن جايىنا قاتىستى كۇنى ەرتەڭ باق وكىلدەرى مەن جەرگىلىكتى بيلىكتىڭ قاتىسۋىمەن اشىق جيىن ءوتىپ, كەڭىنەن تالقىلاناتىنىن ايتتى. ال, مەديسينالىق امبۋلاتوريا سالۋ ءۇشىن جوبالىق-سمەتالىق قۇجاتتار دايىندالىپ, الداعى ۋاقىتتا قۇرىلىسى باستالاتىنىن اتاپ ءوتتى.

بىرشاما جينالعان جۇرت, ساۋالدارىن جازباشا تۇردە دە جولداپ جاتتى. وبلىس باسشىسى بۇل سۇراقتارعا دا دەر كەزىندە جاۋاپ بەرىلەتىنىن ايتىپ, جيىندى قورىتىندىلادى.

"قامشى" سىلتەيدى
ىلمەك سوزدەر: الماتى وبلىسى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر