• usd 468.56

  • eur 497.56

  • rub 7.3

  • cny 67.18

28 ناۋرىز, 14:18:48
الماتى
+35°

باعى زامانداعى اتا-بابالارمىز, ۇلكەن ءزىلزالا بولاردا, توپان سۋ اپاتى قاپتاردا, ءورت اپاتى تۋىلاردان بۇرىن قوراداعى ءتورت تۇلىك مال كەشكە توبەسى جابىق قورعا كىرمەي, دالاعا قاشادى. تۇندە ءتورت تۇلىك بال باۋرىن جەرگە باسىپ جاتپاي, تۇرىپ الادى. سيىر موڭىرەپ, جىلقى كىسىنەپ, تۇيە بوزداپ, قوي-ەشكى ماڭىراپ, قوزى-لاق شۋلاپ ءتورت تۇلىك مالدان مازا كەتەدى. ؛

بايلاۋلى تۇرعان جىلقىلار شىلبىرىن ءۇزىپ, بايلاۋلى تۇيەلەر ءبۇيداسىن ءۇزىپ, بايلاعان سيىرلار بايلاۋلى ءجىبىن ءۇزىپ, شىدەرلەۋلى جىلقىلار شىدەرىن ءۇزىپ سىرتقا قاراي قاشادى. ءۇي جانۋارلارى: تاۋىق, ۇيرەك, قازدار كەشكە قوراعا كىرمەي ۋلاپ-شۋلاپ, قاناتتارىن قايتا-قايتا ءجيى سەرپىپ, ۇياسىنا كىرمەي, جىلى ۇياسىنا قوناقتاماي دالاعا قاراي قاشادى. بەي ۋاقىتتا مەزگىلسىز قوراز شاقىرىپ, جان-جاعىنا سۇركەيلى حابار بەرەدى.

جەر استىنداعى جىلاندار قىستاعى ايازعا قاراماي جەر بەتىنە, قار ۇستىنە شىعىپ الىپ, باسقا جاققا قاراي كوشە باستايدى. تىشقاندار ىنىنە كىرمەي جەر بەتىندە كەزەدى. ايۋ سياقتى ۇيقىعا كەتەتىن جابايى جانۋارلار قىسقى ۇيقىسىنان ويانىپ, ۇڭگىرلەرىنەن سىرتقا شىعادى. قۇرت-قۇمىرىسقالار دا جەر بەتىنەن كورىنە باستايدى.

مىسىق بەلىن بۇكىرەيتىپ, ءبىر جەرگە جاتپاي, مازاسىز مياۋلاپ, بەرگەن تاماقتى جەمەي, ۇيدەن سىرتقا قاشادى. يەسىنىڭ اياعىن تىرمالاپ, سىرتقا شىق دەگەندەي بەلىگى, يشارات ارەكەت كورسەتەدى.

جەتى قازىنانىڭ ءبىرى ؛&ndash؛ يت ۇلىپ, ابالاپ ءۇرىپ, تىنىمىز جۇگىرىپ, يەسىنە ءبىر سۇمدىق بولارىنان الدىن الا حابار بەرەدى. اۋا رايى قىستا بولسا, جىلىپ جاڭبىر جاۋىپ, جەل تۇرىپ,قار ەرىپ, تۋمان باسىپ, جەر قىزىپ ءار ءتۇرلى وزگەرىس بايقالا باستايدى.

تابيعاتتاعى قۇستار, ۇياسىنا قوناقتاماي, جازىق دالالاعا قاراي ءۇشىپ كەتىپ, تاقىر جەرلەرگە جينالىپ قوناقتاپ, ۋلاپ-شۋلاپ, شيقىلداپ بۇكىل دالانى قۇس داۋىسىنا تولتىرادى. ادامدارعا سولاي حابار بەرەدى.

ال, ءزىلزالا بولار بۇرىن ادامداردىڭ دا كوڭىلدەرى الا قىزىپ, الاڭ-سالاڭ كۇيگە تۇسەدى. جۇرەكتەرى ءبىر نارسە سەزگەندەي, جوقتان وزگە نارسەگە الاڭداي بەرەدى. مىنەزى قالىپسىزدانىپ, سىركەسى سۋ كوتەرمەي, ۇرىسىپ قالۋعا دايىن تۇرادى. بۇل اۋاداعى كوزگە كورىنبەي ءجۇرىپ جاتقان ماگنيت ورەسىنىڭ جەر سىلكىنەر الدىنداعى, سۋ تۇمانى سياقتى اۋا وزگەرىسىنەن تۋىندايتىن ءتان وزگەرىسى. ءبىراق ادامدار ونى وزدەرى سەزە بەرمەيدى. جەر سىلكىنۋدەن كەلگەن سيگنال ادام بالاسىنا دا وسىنداي قۇپيا اسەر تۋعىزادى.

اتام قازاق ءتابيعاتتاعى مال مەن جان-جانۋارلاردىڭ وسى بەرگىلەرىنە قاراپ جاقىن ارادا جەر سىلكىنەدى, ۇلكەن ءزىلزالا بولادى دەپ جورىعان. مۇنى بۇكىل حالىققا ۇقتىرىپ, ءقاۋىپسىز جەرلەرگە كوشىپ, مال مەن باستىڭ اماندىعىن ساقتاپ قالعان.

ءزىلزالا, ءورت, توپان سۋ اپاتتارىن &ndash؛ ءتىلسىز جاۋ دەپ اتاعان. اللا ونداي ءتىلسىز جاۋدان بار ادام بالاسىن, ادامزات بالاسىن تۇگەل امان ساقتاسىن!

مەن وسى ورايدا, بيىل تۇركياداعى تابيعي اپات, ءتىلسىز جاۋدىڭ قۇربانىنا اينالعان باۋىرلارمىزعا جاناشىرلىق بىلدىرە وتىرىپ, ولاردىڭ تۋىس-تۋعاندارىنا قايعىرا كوڭىل ايتامىن. سوڭعى 100 جىلدا بولعان وتە اۋىر جەر سىلكىنىسى مىڭداعان ادامنىڭ قازا بولۋىنا اكەپ سوقتى. تۇركيا مەملەكەتى ءۇشىن وڭاي ەمەس...

قايعىنى قايراتقا اينالدىرا وتىرىپ, بەرەكە-بىرلىكتە بولا وتىرىپ, ءۇيىندى استىنا ءتىرى قالعاندار مەن جارالى بولعانداردى توقتاۋسىز قۇتقارىپ جاتىرسىزدار. سىزدەرگە ءبىر اللا ءوزى جار بولسىن. مۇنداي سۇراپىل اپات ەندى قايتالانباسىن. ادام بالاسىنىڭ باسىنا سالماسىن.

تۇرىك حالقى ەر جۇرەك , باتىر حالىق, حاھارمان حالىق, دانىشپان حالىق, تاريحتا دا تالاي سىناقتاردان سىنباي وتكەن حالىق. سىزدەرگە اللادان اماندىق تىلەيمىن.

قر جازۋشىلار وداعىنىڭ , قر جۋرناليستيكا وداعىنىڭ مۇشەسى, قازاق ءسالت-داستۇر, ادەت- عۇرىپ اكادەمياسىنىڭ اكادەميگى, "قر مادەنيەت ۇزدىگى" توسبەلگىسىنىڭ يەگەرى, "قر قۇرمەتتى ازاماتى", ەتنوگراف جازۋشى:

بولات بوپايۇلى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر