فوتو: اشىق دەرەككوز
سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى قورعانىس مينيسترلىگى دەپارتامەنتىنىڭ باسشىسى پارامەن ۇستالعانىن حابارلادى.
"سىبايلاس جەمقورلىققا قارسى قىزمەت قازاقستان رەسپۋبليكاسى قورعانىس مينيسترلىگىنىڭ قۇرىلىمدىق بولىمشەسىنىڭ باسشىسىنا قاتىستى سوتقا دەيىنگى تەرگەپ-تەكسەرۋدى باستادى. قورعانىس ۆەدومستۆوسىنىڭ اقپاراتتاندىرۋ دەپارتامەنتى باستىعىنىڭ م.ۋ.ا. بەينەكونفەرەنسبايلانىس جابدىعىن جەتكىزۋ مەرزىمدەرىن بۇزا وتىرىپ, قابىلداۋ-تاپسىرۋ اكتىسىنە كەدەرگىسىز قول قويعانى ءۇشىن جەتكىزۋشىدەن 20 000 اقش دوللارى سوماسىندا پارا الدى دەپ كۇدىكتەلۋدە" اگەنتتىك حابارلاماسىندا.
كۇدىكتى ۇستالىپ, استانا قالاسىنىڭ تەرگەۋ سوتىنىڭ سانكسياسىمەن قاماۋعا الىنعان.
قورعانىس مينيسترلىگى اتالعان دەرەككە دەرەۋ پىكىر ءبىلدىردى. مينيسترلىك حابارلاماسى ءوزىن اقتاۋدىڭ "ۇيرەنشىكتى ادىسىنە" كوبىرەك كەلەدى.
قورعانىس مينيسترلىگى ۆەدومستۆوعا قاراستى اقپاراتتىق تەحنولوگيالار دەپارتامەنتى باستىعىنىڭ مىندەتىن ۋاقىتشا اتقارۋشى ازاماتتىق قىزمەتشىنى ۇستاعانىن راستايدى, ءبىراق ول ۇستالعانعا دەيىن قورعانىس ۆەدومستۆوسىنىڭ قۇرامىنان شىعىپ كەتكەن ەكەن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر