شقو-دا جىل سايىنعى تامىز پەداگوگيكالىق كونفەرەنسياسى ءوتتى

شىعىس قازاقستان وبلىسىندا ءداستۇرلى تامىز كونفەرەنسياسى ءوتتى, وعان zoom پلاتفورماسى ارقىلى ونلاين فورماتتا 3000 مىڭعا  ؛جۋىق پەداگوگ قاتىستى. سونداي-اق, youtube ارناسى مەن facebook ارقىلى تىكەلەي ەفير ۇيىمداستىرىلدى.

تامىز كەڭەسىنىڭ جۇمىسىنا شىعىس قازاقستان وبلىسى اكىمىنىڭ ورىنباسارى شاكارىم بۇقتۇعىتوۆ, قازاقستان رەسپۋبليكاسى پارلامەنتى سەناتىنىڭ دەپۋتاتى ولگا بۋلاۆكينا, "amanat" پارتياسىنىڭ شىعىس قازاقستان وبلىستىق فيليالىنىڭ اتقارۋشى حاتشىسى سايرانگۇل ءجۇمادىلوۆا, قالالار مەن اۋدانداردىڭ اكىمدەرى, جوعارى وقۋ ورىندارىنىڭ رەكتورلارى, قالالىق جانە اۋداندىق ءبىلىم بولىمدەرىنىڭ باسشىلارى جانە وبلىستىڭ پەداگوگيكالىق قوعامداستىعى قاتىستى.

«؛بۇگىندە ءبىلىم بەرۋ سالاسىندا قازاقستاندىق وقىتۋ جۇيەسىندە ساپالى سەرپىلىس جاساۋعا مۇمكىندىك بەرەتىن اۋقىمدى, ۇلتتىق جوبالار ىسكە اسىرىلۋدا. وبلىستا ءبىلىم بەرۋ جۇيەسىن رەفورمالاۋ بويىنشا جۇمىستار جالعاسۋدا, - دەپ اتاپ ءوتتى شقو اكىمىنىڭ ورىنباسارى شاكارىم بۇقتۇعىتوۆ.

كونفەرەنسيا بارىسىندا ءبىلىم بەرۋ جۇيەسىنىڭ باستى قۇندىلىقتارى - پاتريوتيزم, بىلىمگە ۇمتىلۋ جانە ەڭبەكسۇيگىشتىك جايلى تالقىلاندى.

شقو ءبىلىم باسقارماسى باسشىسىنىڭ م.ا. اليما اقىلبەك "2022-2023 وقۋ جىلىندا ءبىلىم بەرۋ پروسەسىن ۇيىمداستىرۋدىڭ ەرەكشەلىكتەرى تۋرالى" بايانداما جاسادى. ءىس - شارا اياسىندا شقو اكىمى اتىنان مۇعالىمدەرگە "ۇزدىك ءبىلىم بەرۋ ۇيىمى" وبلىستىق بايقاۋىنىڭ اقشالاي سەرتيفيكاتتارى بەرىلدى: ءى ورىن ءۇشىن &ndash؛ 20 ميلليون, ءىى ورىن ءۇشىن-16 ميلليون, ءىىى ورىن ءۇشىن-12 ميلليون تەڭگە.

سونداي-اق ءبىلىم سالاسىنا قوسقان ۇلەسى ءۇشىن وبلىستىڭ ەڭبەك سىڭىرگەن پەداگوگتارى "شىعىس قازاقستان وبلىسىنىڭ ءبىلىم بەرۋ ىسىنە قوسقان ۇلەسى ءۇشىن" قۇرمەتتى اتاعىمەن, "شىعىس قازاقستان وبلىسىنىڭ ەڭبەك سىڭىرگەن ۇستازى" توسبەلگىسىمەن جانە وبلىس اكىمىنىڭ 600 مىڭ تەڭگە مولشەرىندەگى اقشالاي سىيلىعىمەن ماراپاتتالدى.

سونىمەن قاتار, "مەكتەپكە جول"اكسياسىن ىسكە اسىرۋدا بەلسەندىلىك تانىتقان مەسەناتتارعا وبلىس اكىمىنىڭ قۇرمەت گراموتاسى تابىس ەتىلدى.