«جانىڭىزدىڭ قاجەتىن تاباسىز». يوگانىڭ پايداسى, شەگەگە تۇرۋ تەراپياسىنىڭ شيپاسى قانداي؟

&ndash؛ الدىمەن يوگا دەگەن نە دەگەن ساۋالدان باستايىقشى؟ قاشان, قايدا پايدا بولعان؟

&ndash؛ يوگا &ndash؛ ادامنىڭ ءتان, جان, سانا دەڭگەيىندە ۇندەستىكتى ساقتاي الۋى. ءتان ياعني دەنە دەڭگەيىندە ناقتى جاتتىعۋلارمەن (يوگادا ونى «؛اساندار»؛ دەپ اتايدى), جان دەڭگەيىندە ء«؛دال وسى جەردى, ءدال وسى ءساتتى سەزىنۋمەن»؛, سانا ياعني مي دەڭگەيىندە مەديتاسيامەن بايلانىستىرىلادى. يوگا وسىدان بەس مىڭ جىل بۇرىن ءۇندىستاندا پايدا بولعان دەلىنەدى. قازىرگى ۋاقىتتا يوگا باتىستا تانىمال بولىپ, يندۋيزم (كونسەپتۋالدىق يدەياسى بۋدديزمگە وتە ۇقساس ءۇندىستانداعى دىندەردىڭ ءبىرى &ndash؛ رەد) تەوريالارىنا نەگىزدەلگەن پانگە اينالدى, ءبىراق فيزيكالىق جاتتىعۋلارعا كوپ كوڭىل بولىنەدى. وسى تۇرعىدان العاندا, قازىرگى زامانعى يوگا &ndash؛ ادامنىڭ ينتەگرالدى تەپە-تەڭدىككە جەتۋىنە باعىتتالعان جاتتىعۋلار جۇيەسى دەۋگە بولادى.

&ndash؛ يوگانى دىنمەن بايلانىستى دەپ تۇسىنەتىندەر بار. ءوزىڭىز دە يندۋيزم تەوريالارى تۋرالى ايتىپ وتىرسىز. يوگانىڭ قايدايدا ءبىر دىنگە قاتىسى بار ما؟

&ndash؛ بۋدديزم ءدىنى يوگانى وزىنە جاقىنداستىرىپ العان. ءبىراق يوگا ءىلىم بولىپ سانالادى. ونىڭ دىنگە, سەنىم نەگىزدەرىنە قاتىسى جوق. يوگا ستۋديالارىندا ۋاعىز-ناسيحات جۇرگىزىلمەيدى. ونى سپورتتىڭ ءبىر ءتۇرى رەتىندە قاراستىرعان دۇرىس. ول جەردە تەك دەنە جانە تىنىس الۋ جاتتىعۋلارى ۇيرەتىلەدى. 2014 جىلى بۇۇ 21 ماۋسىمدى حالىقارالىق يوگا كۇنى ەتىپ بەلگىلەدى. بۇل &ndash؛ يوگانىڭ دىنگە بايلانىسى جوعىن بىلدىرەدى. ويتكەنى بۇل ۇيىم ءدىندى ناسيحاتتامايدى جانە دە دىنگە قاتىستى بولسا حالىقارالىق دەڭگەيدە تويلانبايتىن ەدى دەپ ويلايمىن.

&ndash؛ يوگانىڭ ماقساتى مەن ميسسياسى قانداي؟

&ndash؛ ماقساتى &ndash؛ ادامنىڭ ءومىر ءسۇرۋ ءستيلىن جەڭىلدەتۋ, وڭايلاتۋ, ۇندەستىككە كەلتىرۋ. ءتان مەن جاننىڭ ۇيلەسىمىنە جەتۋ, دەنەنى شىنىقتىرۋ ارقىلى جان ساۋلىعى مەن سەرگەكتىگىن جەتىلدىرۋ. ميسسياسى &ndash؛ وسىلاردى كۇندەلىكتى ءومىر ستيلىنە اينالدىرۋ. ول ءۇشىن پوزيسيالار تىزبەگى اسانمەن ۇسىنىلادى, تىنىس الۋ جاتتىعۋلارىنىڭ پراكتيكاسى پرانايامامەن ۇيلەسەدى.

&ndash؛ يوگا تۇرلەرى كوپ دەپ جاتادى, ولار قالاي بولىنەدى, بىر-بىرىنەن ايىرماشىلىعى نەدە؟ سونىمەن قاتار قازاقشا يوگانىڭ دا ەرەكشەلىگىن اتاپ وتسەڭىز؟

&ndash؛ الەمدە كوپ تانىلعان يوگانىڭ ءتۇرى حاتحا-يوگا دەپ اتالادى. ادامنىڭ دەنساۋلىعىن ساقتايتىن نەگىزگى جاتتىعۋلار جيىنتىعىنان تۇرادى. تەرىگە, بۇلشىق ەتكە پايداسى زور. دەنەنى توزىمدىلىككە ۇيرەتەدى جانە سەرپىمدىلىككە باۋليدى. ءبىر ەرەكشەلىگى, بۇل يوگاداعى كەي جاتتىعۋلار قازاقتىڭ وتىرۋ ادەبىنە ۇقسايدى. سونىڭ ىشىندە بىزدەگى ەر ازاماتتاردىڭ مالداس قۇرىپ وتىرۋى مەن قىزداردىڭ اياعىن جيناپ وتىرۋىنىڭ ءوزى حاتحا-يوگادا جەكە اسانالار بولىپ سانالادى. اشتانگا-يوگا دەگەن ءتۇرى كۇشكە نەگىزدەلەدى. بىرىنەن سوڭ ءبىرى ورىندالاتىن ەرەجەلەردەن تۇرادى, ياعني جاتتىعۋدىڭ ورنىن اۋىستىرىپ جاساۋعا بولمايدى. تالابىنا ساي ورىنداۋ كەرەك. ماعان ەڭ ۇنايتىن يوگا ءتۇرى &ndash؛ ۆينياسا يوگاسى. جوعارىدا اتاپ وتكەن يوگا تۇرلەرىنىڭ جاتتىعۋلارىن بىر-بىرىمەن بايلانىستىرادى. ۆينياسا يوگاسى گارمونياعا تولى بولادى, بيلەپ جاتقانداي سەزىنەسىز. بۇلار يوگانىڭ نەگىزگى تۇرلەرى. جالپى وسىدان كەيىن بىرتىندەپ باسقا تۇرلەرى پايدا بولا باستادى. ايرا يوگاسى &ndash؛ اسپالى ارنايى گاماكتارمەن ۇيىمداستىرىلاتىن يوگا, حوت يوگا &ndash؛ ارنايى ىستىق بولمەدە وتكىزىلەتىن يوگانىڭ ءتۇرى, ين يوگا دەپ اتالاتىن ءتۇرى گارمونداردىڭ جۇمىسىن جاقسارتۋعا نەگىزدەلگەن. ايىرماشىلىقتارى كىم نەگىزىن قالاعانىندا, ماقساتىنىڭ بولەك بولۋىندا دەپ توپشىلاساق بولادى.

&ndash؛ يوگانىڭ پايداسى قانداي؟ ال زيانى بار ما؟

&ndash؛ نەگىزگى پايداسى &ndash؛ ادام بولمىسىن قۇرايتىن, سانا, دەنە, جان دەڭگەيىن, ۇندەستىكتى ساقتاۋ. وسى ۇندەستىكتەردى ساقتاۋ سانالى ويلاۋ, سانالى ىس-ارەكەتتەردى جاساۋ, وسى ءساتتى سەزىنۋ پروسەستەرىنە جول اشادى. ناقتى پايداسى تۋرالى ايتار بولسام, جاستارعا, دەنە ءبىتىمىن اسەم ەتكىسى كەلىپ, مايىسقاق, سۇلۋ فورماعا يە بولعىسى كەلەتىندەرگە, ارىقتايمىن دەگەن جاندارعا پايداسى مول. قانداي دا ءبىر دەنە اۋرۋلارى بولسا, جايسىزدىق سەزىنسەڭىز, بۋىن اۋرۋلارى مازالاپ, بۇكىرەيىپ جۇرسەڭىز يوگامەن اينالىسۋ كەرەك, ويىڭىز شاشىراڭقى, ىلعي ۇمىتىپ جۇرەتىن, شارشاپ تۇراتىن بولساڭىز, ىسكە جان-تانىڭىزبەن كىرىسە الماساڭىز, يوگا كومەكتەسەدى. قالىڭ وي, ۋايىم-قايعىدان ارىلۋعا سەپتەسەدى. باستىسى &ndash؛ فوكۋس قويۋدى ۇيرەنەسىز, دەنەڭىزدى سەزىنىپ ۇيرەنەسىز, جانىڭىزدىڭ قاجەتىن ءدال تاباسىز.

ال زيانىن كورگەن ەمەسپىن. الايدا قاۋىپسىزدىك ەرەجەلەرىن ساقتاۋ ماڭىزدى. يوگا تۋرالى بىلمەي, كىلەمشەنى توسەي سالىپ جاتتىعۋعا كىرىسىپ كەتۋگە بولمايدى. اۋەلى ارنايى مامانداردان اقىل-كەڭەس الىپ, ولاردان جاتتىعۋ تۇرلەرىن, تىنىس الۋ جولدارىن ۇيرەنۋ كەرەك. مىسالى, ومىرتقاسى اۋىراتىن ادامدارعا يوگانىڭ بارلىق تۇرلەرىمەن اينالىسۋعا بولمايدى, ينسترۋكتورمەن بىرگە جاساۋ كەرەك, ەسكەرتۋ قاجەت. كەي ادامدار اسىعىستىقتان بىردەن يوگانىڭ جوعارعى دەڭگەيىندەگى جاتتىعۋ &ndash؛ شپاگاتقا وتىرعىسى كەلەدى. ارينە, بۇل دۇرىس ەمەس. سونىڭ سالدارىنان بۇلشىق ەت اۋىرىپ, ءسىڭىردى سوزىپ الۋ ءقاۋپى تۋىندايدى. دەنەگە قاتتى اۋىرتپالىق, قىسىم تۇسەدى.

&ndash؛ يوگامەن جاسقا, جىنىسقا قاراماستان اينالىسا بەرۋگە بولا ما؟

&ndash؛ ءيا, يوگا جاس, جىنىس تالعامايدى. يوگامەن اينالىسقان ادامنىڭ دەنى ساۋ, ءومىر جاسى ۇزاق, گارمونيامەن ۇيلەسىم تابادى. ءقازىر ؛ تمد ەلدەرىندە بالالارعا ارنالعان يوگا دا شىعىپ جاتىر.

&ndash؛ سوڭعى ۋاقىتتا يوگاداعى سادحۋ تەرەپياسى, ياعني شەگەگە تۇرۋ تەراپياسى ءجيى جارنامالانىپ ءجۇر. وسى جونىندە ايتىپ بەرسەڭىز؟ بۇل تەراپيا نەسىمەن قۇندى؟

&ndash؛ سادحۋ تەراپياسى مەنىڭ اۆتورلىق مەتوديكاما نەگىزدەلگەن, ءبىزدىڭ ەل بويىنشا ول ساباقتى بويىنشا مەندە عانا ليسەنزيا بار. ءقازىر شەگە تەراپياسىن ءوتىپ جۇرگەندەر بارشىلىق. ءبىراق مەنىڭ تەراپيامنىڭ ولاردىكىنەن ايىرماشىلىعى وراسان زور. مەنىكى سادحۋ بويىنشا العان 7 جىلدىق بىلىمىمنەن, ودان بولەك ميدىڭ جۇمىسىنا نەگىزدەلگەن عىلىمي جۇمىستاردان تۇراتىن, 800-دەن استام ادامدارعا اناليز جاساپ, سونىڭ ناتيجەسىندە مەنتاليتەت, ۇلتتىق كودتى قوسا جاسالعان تولىقتاي وقىتۋ كۋرسى. ادامنىڭ تابانىندا 70 مىڭنان استام جۇيكە نۇكتەسى بار. سولارعا ماسساج جاساعاندا قان اينالىمى جاقسارادى, گورموندار قالپىنا كەلەدى, ۇيقى بەزى, بۇيرەك ءۇستى بەزىنىڭ جۇمىسى جاقسارىپ, ول بارلىق سەزىم مۇشەسىنىڭ جۇمىسىنا وڭ اسەر ەتەدى. ءتۇرلى شەبەرلىك سىنىپتارىنا قاتىسقاندا ۇستازدارىمىز يوگا 500-دەن استام اۋرۋعا ەم ەكەنىن ايتاتىن. سەبەبى, كوپ اۋرۋ قان اينالىمىنىڭ دۇرىس بولماۋىنان تۋىندايدى. بىزدە ءبىر كەيس بار. قانت ديابەتىمەن اۋىراتىن كىسى وسى تەراپيانىڭ ارقاسىندا قانداعى قانت مولشەرىن 12-دەن 5-كە دەيىن تۇسىرگەن.

&ndash؛ ءوزىڭىز يوگاعا قالاي كەلدىڭىز؟ يوگا سىزگە نە بەردى؟

&ndash؛ يوگامەن وسىدان 7 جىل بۇرىن اينالىسىپ باستادىم. ول كەزدە ورىس ستۋدياسىنا قاتىستىم, كىلەڭ ورىس ۇلتىمەن بىرگە جاتتىقتىم. ەڭ باسىندا بىردەن ۇيرەنىسە المادىم, كىرىسە المادىم, كەيبىر ايتىلعان سوزدەردى تەرەڭ زەردەلەي بىلمەدىم. بىردىندەپ ۇزدىكسىز جاتتىعۋ ارقىلى يوگاعا سۇيىسپەنشىلىگىم ويانا باستادى. ءبىر ايدا ادام نەگىزى ۇيرەنىسىپ الادى. سەبەبى دەنەڭىز يوگانى قالاپ تۇرادى. ادامدى راحاتتاندىرىپ, ءلاززات سىيلايتىن نازىك, يكەمدى جاتتىعۋلاردان سوڭ بارعىڭىز كەلىپ تۇرادى. سودان تمد بويىنشا ونلاين, وفلاين فورماتتا ءبىلىم الا باستادىم. 2019 جىلى 200 ساعاتتىق يوگا ساباعىن الدىم. نيۋ-يوركتەن (يوگا اليانسى) حالىقارالىق يوگا ءبىلىمى بويىنشا ارنايى سەرتيفيكات يەسى اتاندىم. ساباق كەزىندە يوگانىڭ بۇگە-شۇگەسىنە دەيىن تەرەڭدەتىپ وقىدىم. ءقازىر 300 ساعاتتىق يوگا ساباعىنىڭ مامانىمىن. وسى ورايدا سىزدەرمەن قۋانىشتى جاڭالىقپەن بولىسەيىن دەپ وتىرمىن. جاقىندا باليدە يوگا فەستيۆالى وتەيىن دەپ جاتىر. مەن كوك بايراعىمىزدى جەلبىرەتىپ ەلىمىزدىڭ اتىنان سول فەستيۆالگە قاتىسايىن دەپ جاتىرمىن. قازىرگى ۋاقىتتا باليدە ءبىلىم الىپ جاتىرمىن. يوگا تۋرالى ءبىلىمىمدى جان-جاقتى سارالاپ, تولىقتىرسام, ءبىلىمىم جوعارى دەڭگەيگە كوتەرىلەدى. ياعني, 500 ساعاتتىق ءبىلىمى بار دەگەن سەرتيفيكاتتىڭ يەگەرى اتانامىن. سەرتيفيكاتتى يوگا اليانسى تابىستايدى. ول اقش-تىڭ نيۋ-يورك قالاسىندا ورنالاسقان. بۇيىرتسا وقۋدى بىتىرسەم, 500 ساعاتتىق «؛حالىقارالىق يوگا ءمۇعالىمى»؛ دەگەن اتاققا يە بولامىن. يوگا مەن ءۇشىن ۇندەستىكتى بەردى. ۇندەستىككە جەتكەندە ادام سۇيىكتى ءىسىن تابادى. ال سۇيىكتى ءىسىن تاپقان ادام باقىتتى ءومىر سۇرەدى.

&ndash؛ ءوزىڭىزدىڭ isoul-مەن+جان ورتالىعىڭىز تۋرالى ايتا وتىرساڭىز...

&ndash؛ قازاق تىلىندە جۇمىس ىستەيتىن ءبىزدىڭ ورتالىق حالىقارالىق يوگا ستاندارتقا نەگىزدەلگەن. ونىڭ ۇستىنە قازاقشا يوگانى قازاقشا ويلاناتىن ميىمىز جاقسى سەزىنەدى. ورتالىعىمىزعا ءورىستىلدى قازاقتار دا كوپتەپ كەلەدى, الايدا ءبىز تازا قازاقشا تۇسىندىرەمىز. بۇنى انا تىلىمىزگە, وتانىما قوسىپ جاتقان ەلەۋلى ۇلەسىم, جەمىستى جەتىستىگىم دەپ بىلەمىن! ؛مۇمكىن كوپ كورگەن شىعارسىزدار, يوگادا لوتوس پوزاسى بار. اياقتى بىر-بىرىنە ايقاستىرىپ وتىرادى. سىرتتان قاراساڭىز بۇل شەكسىزدىكتى بىلدىرەدى. سوندىقتان يوگا شەكسىزدىك دەپ ورتالىعىمىزدىڭ ەمبلەماسىن سولاي بەينەلەدىك.

&ndash؛ سۇحباتىڭىزعا راحمەت!

سۇحباتتاسقان

شۋاق قايراتقىزى