• usd 415.12

  • eur 443.06

  • rub 7.41

  • cny 62.21

26 مامىر, 19:30:09
الماتى
+25°

پرەزيدەنت ق.توقاەۆ ەلدەگى حالىق نارازىلىعىنان كەيىنگى تارتىپسىزدىكتەر كەزىندە جاسالعان ءتۇرلى زاڭسىزدىقتارعا قاتىستى باس پروكۋراتۋراعا تاپسىرما بەرىپ, كۇدىكتىلەردىڭ كىناسى قانداي دارەجەدە ەكەنىن انىقتاۋدى جۇكتەگەن. ؛جاۋاپتىلىقتى اۋىرلاتاتىن ءمان-جاي بولماسا, جازانى جەڭىلدەتۋ ءۇشىن شارا قابىلداعان ءجون ەكەنىن ايتقان. ارادا ءبىر اپتا ءوتتى. الايدا جازانى جەڭىلدەتۋ بىلاي تۇرسىن, تەرگەۋ يزولياتورىندا كۇدىكتىلەردى ازاپتاۋ, الاڭعا بەيبىت شىققان ادامداردان "قىلمىسكەر جاساۋ" ارەكەتتەرى تىيىلار ەمەس.

تىپتى ماسەلەگە الەمدىك قاۋىمداستىقتار نازار اۋدارىپ, بۇگىن ەۋرو پارلامەنت ؛ قازاقستانداعى ادام قۇقىعىنىڭ ورەسكەل بۇزىلىپ جاتقانىن قاتاڭ سىنعا الىپ, قازاقستاننىڭ جوعارى لاۋازىمدى تۇلعالارىنا ؛سانكسيا سالۋعا شاقىردى.

نارازىلىق اكسيالارىنا قاتىسقانى ءۇشىن قامالىپ, پوليسيا قىزمەتكەرلەرى تاراپىنان ازاپتالىپ جاتقان ادامدار جايلى كۇندە ءتۇرلى مەديا جازىپ, جۋرناليستەر, قۇقىققورعاۋشىلار, بەلسەندىلەر ؛ الەۋمەتتىك جەلىدە دابىل قاعىپ جاتىر.

ماسەلەن, قۇقىققورعاۋشى شىنقۋات بايجانوۆ ؛الماتى قالاسىداعى 18 ؛تەرگەۋ يزولياتورىندا بولىپ جاتقان ازاپتاۋ فاكتىلەرى تۋرالى جازدى.

"بۇگىن سي-18-گە قاڭتارداعى قاندى قىرعىنعا بايلانىستى جازىقسىز جالاعا ۇشىراعان ەكى بالاعا كىرىپ شىقتىم. كوريدوردا اياعى اقساقتاعان, بالداقپەن جۇرگەن, ىشتەن, يىقتان, باستان جارالانىپ, تاڭىلعان جاستار ءوز ادۆوكاتتارىمەن كەزدەسۋ ءۇشىن كۇتىپ ءتۇردى.تىپتى بىرەۋىن نوسيلكامەن الىپ كەلدى. ءىشىڭ قان جىلايدى, جاۋدىرەگەن كوزدەرىنە قاراپ شاراسىزدىقتان ەرنىڭدى تىستەيسىڭ, ال سىرتتاي "اينالايىندار شىداڭدار, ەڭسەلەرىڭ تۇسپەسىن, ءبارى جاقسى بولادى"- دەپ قاناتتاندىرعان بولاسىڭ. ال مەنىڭ قورعاۋىمداعى ەكى بالا دا "اعا ءولتىرىپ تۇرىپ بىرنەشە كۇن ۇردى, قان سيگىزدى, ىستەمەگەندى ىستەدىم دەگىزىپ حاتتاما جاسادى, قول قويعىزدى, ميتينگىگە شىققاننان باسقا جازىعىمىز جوق"- دەپ زار يلەپ وتىر. "دالەلدەمەسىز سوتتاي المايدى, زاڭسىز تولتىرىلعان حاتتاما ۇكىمگە نەگىز بولمايدى"- دەپ ۇمىتتەندىرىپ كەتتىم. ارينە بارلىق كۇش جىگەرىمدى ولاردى اقتاۋعا جۇمسايمىن, ءبىراق اتتەڭ..." دەيدى قۇقىققورعاۋشى شاراسىزدىقتان.

شىنقۋات بايجانوۆ "وسىنداي جاعدايلار تۋرالى ءۇنسىز قالۋعا بولمايدى, قازىرگى ۋاقىتتا ازاپتاۋ, قۋعىنداۋ دەرەكتەرىن تەك اشكەرەلەۋ, جاريالاۋ ارقىلى توقتاتا الامىز" دەيدى.

 ؛

&ndash؛ قورعاۋىمداعى ەكى بالانىڭ تاياق جەگەنى تۋرالى جازبام الەۋمەتتىك جەلىدە ءبىراز رەزونانس تۋدىردى. ارتىنشا بۇگىن ماعان حابارلاسىپ, ەكى بالانىڭ ءبىرىنىڭ شاعىمىنا بايلانىستى ولاردى ۇرعانداردىڭ ۇستىنەن ءىس قوزعالعانىن ايتىپ جاتىر. وكىنىشكە قاراي, ميتينگكە شىققانى ءۇشىن ۇستالىپ, سوققىعا جىعىلىپ جاتقاندار كوپ. قۇزىرلى ورگاندار شاش ال دەسە, باس الىپ جاتىر. مۇنداي جاعدايلاردى توقتاتۋدىڭ بىردەن ءبىر جولى ؛&ndash؛ ايتۋ, جاريالاۋ. زاڭسىزدىقتاردىڭ بولىپ جاتقانىن جوعارىعا جەتكىزۋ. ازاپتاۋدى قوعام بولىپ جۇمىلعاندا عانا توقتاتا الامىز, ؛&ndash؛ دەيدى قۇقىققورعاۋشى.

 ؛

شىنقۋات بايجانوۆ قوعامدىق كوميسسيا قۇرۋ تۋرالى ءتۇرلى باستامالار كوتەرىلىپ جاتقانىن كورىپ جۇرگەنىن, ونداي كومياسسيا قۇرامىنا زاڭسىزدىقتاردى جاۋىپ, بۇركەمەلەۋگە كونبەيتىن, ىمىراعا كەلمەيتىن ادال ادامدار كىرۋى كەرەك دەگەن پىكىردە.

 ؛
مەلىس سەيداحمەتوۆ

الماتى وبلىسى كەربۇلاق اۋدانى قىزىلجار اۋىلىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتىن بىتىرگەن. 2015-2019 جىلدارى «پرەزيدەنت جانە حالىق» گازەتىندە ءتىلشى, شەف-رەداكتور بولىپ ىستەگەن. 2019 جىلدان بەرى قامشى پورتالىندا قىزمەت اتقارادى.

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر