ماڭعىستاۋلىق وقۋشى تۇرمىس قالدىقتارىنان ۇستەل شامىن جاسادى

ماڭعىستاۋ وبلىسىنىڭ قاراقيا اۋدانىنا قاراستى مۇنايشى اۋىلىنداعى مەكتەپتىڭ 4-سىنىبىندا وقيتىن مارعۇلان جۇماجان تۇرمىس قالدىقتارىنان جارىق شام جاساپ شىعاردى. بۇل تۋرالى قاراقيا اۋدانى اكىمدىگىنىڭ ءباسپاسوز قىزمەتى حابارلادى. مەكتەپتەگى «؛جاسۇلان»؛ ۇيىمىنىڭ 10 جىلدىعىنا وراي ۇيىمداستىرىلعان شارادا مارعۇلاننىڭ بۇل جۇمىسى ۇزدىك دەپ تانىلعان. ؛

-«؛ۇستەل شىراعىن جاساۋ كەزىندە ىستەن شىققان ۆەلوسيپەدىمنىڭ دوڭگەلەگىن پايدالاندىم. بۇل جۇمىستى جاساۋعا قاراپايىم ءارى قولجەتىمدى نارسەلەر كەرەك. ولار جەلىم, توقىما اق ءجىپ, ەسكى جارىق شامنىڭ توعى جانە شار. ۇستەل شىراعىن كەز-كەلگەن ساتتە قولدانۋعا بولادى. ماسەلەن, ساباق وقىعاندا جانە تۇندە ءۇيدى جارىقتاندىرۋ ءۇشىن پايدالانۋعا بولادى»؛, - دەدى مارعۇلان جۇماجان.

مارعۇلاننىڭ سىنىپ جەتەكشىسى گۇلجان جاڭبىروۆانىڭ ايتۋىنشا, شاكىرتى العىر, وقۋدا بەلسەندى, بەرىلگەن تاپسىرمانى مۇقيات ءارى ۇقىپتى ورىندايدى.

-«؛جاسۇلان ۇيىمىنىڭ 10 جىلدىعىنا وراي 4-سىنىپ وقۋشىلارىنا تۇرمىس قالدىقتارىنان بۇيىم جاساۋ تاپسىرىلدى. اركىم ءوز قالاۋى بويىنشا ەرەكشە دۇنيەلەر دايىنداعان. ەڭ ۇزدىك دەپ تانىلعانداردىڭ ءبىرىن مەكتەبىمىزدىڭ الەۋمەتتىك جەلىدەگى رەسمي پاراقشالارىنا جاريالادىق. مارعۇلان تاپسىرمانى مۇقيات ورىنداپ, جۇمىس پروسەسىن تولىقتاي ۆيدەوعا تۇسىرگەن. شاكىرتىمنىڭ بولاشاعىنان ءۇمىتىم كوپ»؛, - دەدى گۇلجان جاڭبىروۆا.

جاس عالىم مارعۇلان جۇماجان وسى باعىتتا باسقا دا جوبالارمەن اينالىسۋدى جوسپارلاپ وتىر.

 ؛

 ؛