ىستامبۇل بازارلارى. ارزان تاۋاردى قالاي الۋعا بولادى؟

سوڭعى ۋاقىتتا قازاقستاندىقتار ىستامبۇلدان ارزان تاۋار اكەلىپ, ساۋدامەن اينالىسامىن دەپ الاياقتارعا جەم بولىپ جاتقان جاعدايلار جيىلەپ كەتتى. تۇركيادا تاۋار شىنىمەن دە ارزان با, تۇرىك بازارلارى ىستامبۇلدىڭ قاي جەرىندە ورنالاسقان, باعاسى تومەن تاۋارلاردى قاي بازاردان تابۋعا بولادى, وسى جانە وزگە دە ساۋالدارعا جاۋاپتى قامشى ءتىلشىسىنىڭ ماتەريالىنان بىلۋگە بولادى.

1. لالەلي بازارى ؛&ndash؛ ورىس ءتىلدى تۋريستەر اراسىندا تانىمال ساۋدا نارىعى. ؛بۇل جەردە نەگىزىنەن قىمبات برەندەردىڭ كيىمدەرى ساتىلادى. سوندىقتان تاۋار باعاسى قىمبات. ءبىراق ساپاسى دا سوعان ساي. بازاردا ايەلدەر, ەرلەر جانە بالالار كيىمدەرىنىڭ ءتۇرى كوپ. بازاردىڭ ۇلكەندىگى سونشا, ونى تولىقتاي 4-5 كۇندە ارالاپ شىعۋ مۇمكىن ەمەس. لالەليگە قالانىڭ كەز-كەلگەن جەرىنەن وڭاي جەتۋگە بولادى. مەترومەن سۇلتاناحمەت بەكەتىنە دەيىن جەتىپ, ارى قاراي ون بەس مينۋت ترامۆايمەن جۇرسەڭىز بولعانى. بازار اپتاسىنا 6 كۇن تاڭعى 8:30-دان كەشكى 7-گە دەيىن جۇمىس ىستەيدى. جەكسەنبى كۇنى ؛&ndash؛ دەمالىس. ؛

2. مەرتەر بازارى ؛&ndash؛ اقشا ۇنەمدەۋ ءۇشىن تاپتىرمايتىن جەر. بۇل جەردە دۇكەندەر كىشىگىرىم بولعانىمەن, تاۋار باعاسى ارزان. كيىمدەر جاقىن ماڭداعى سەحتاردا تىكەلەي تىگىلەدى. تاۋاردىڭ باعاسىمەن قاتار ساپاسى دا جاقسى. مەرتەر بازارىنان ايەلدەر مەن ەرلەرگە ارنالعان كيىمدەر, سپورتتىق كوستيۋمدەر ساتىلادى. ال بالالارعا ارنالعان كيىمدەر سيرەك. الايدا بۇل بازاردىڭ لالەليدەن ايىرماشىلىعى, ورىس تىلىندە سويلەيتىن ساتۋشىلار وتە از.

مەرتەر بازارىنا مەترومەن "مەرتەر" بەكەتى ارقىلى بىردەن كەلۋگە بولادى.

3. وسمان بەي  ؛&ndash؛ ىستامبۇلدىڭ ەڭ تانىمال ساۋدا ورتالىقتارىنىڭ ءبىرى. ؛وسمان بەي بازارىندا تانىمال برەند دۇكەندەر مەن جەرگىلىكتى برەندتەر دە بار. بۇل جەردەن توي كويلەكتەرى مەن ءبىتىرۋ كەشىنە ارنالعان كويلەكتەر, بالالار مەن ەرەسەكتەر كيىمى مەن اياق كيىمى, ەلەكترونيكا مەن تۇرمىستىق تەحنيكا, ويىنشىقتار, كادەسىيلار جانە باسقالارىن تابۋعا بولادى. بازارداعى تاۋار باعاسى لالەلي بازارىنا قاراعاندا 2-3 دوللارعا ارزان. سونداي-اق ول جەردە ەرلەرگە ارنالعان كيىمدەر كوپتەپ كەزدەسەدى.

وسمان بەي اۋدانى ستامبۋلدىڭ قاق ورتاسىندا ورنالاسقان. وعان مەترو ارقىلى جەتۋگە بولادى. تاكسيمەن جەتۋ وڭاي جانە تەز. ؛

4. ماحمۋت پاشا (مامۋت پاشا) ؛&ndash؛ ستامبۋلداعى اسا تانىمال ساۋدا ورتالىقتارىنىڭ ءبىرى. بازار قالانىڭ ەسكى ؛&ndash؛ فاتيح اۋدانىندا ورنالاسقان. ماحمۋت پاشا ؛بازارىندا جاۋلىقتار ورامالدار تاستارمەن نەشە ءتۇرلى, قىز جاساۋى, ماتالار, اياق كيىمدەردىڭ (ەكو كوجا) الۋان ءتۇرى بار.

ماحمۋت پاشا بازارىنا قوعامدىق كولىككە وتىرىپ "بەيازىت-كاپالىچارشى" ؛ايالداماسىنان ءتۇسۋ كەرەك. قالاداعى ەڭ تانىمال №t1 ترامۆاي باعىتى ؛وسى جەردەن وتەدى.

5. كاپالى چارشى ؛&ndash؛ ؛قالاداعى ەڭ ۇلكەن بازارلاردىڭ ءبىرى. بازار ماڭىنداعى 66 كوشەگە 4000 دۇكەن ورنالاسقان. بۇل جەرگە تاۋلىگىنە 1,5 ميلليونعا جۋىق ادام كەلەدى.

كاپالى چارشىدان: ؛  ؛  ؛

• برەند كيىمدەردىڭ كوشىرمەسىن؛
• تۇرلى تاتتىلەر, راحات لۋكۋم, شاي, بال, شوكولادتار, ءشوپ شاي؛
• ورامال, جاۋلىقتار؛
• داستارحان, جاستىقتىڭ تىستارى سەكىلدى ۇيگە كەرەك زاتتار؛
• سۋۆەنيرلەر (ىدىستار, قۇران, جايناماز)؛
• اياق كيىم الۋعا بولادى.

كاپالى چارشىداعى كيىمدەردىڭ باعاسى قىمبات بولعانىمەن, ساپاسى ناشارلاۋ. اسىرەسە ىشكى بازارلارداعى باعا جوعارى. بۇل جەردە كوبىنەسە امەريكالىق جانە ەۋروپالىق تۋريستەر ساۋدا جاسايدى. سوندىقتان ساۋداگەرلەر قالانىڭ باسقا بازارلارىنا قاراعاندا قىمبات باعا ايتادى. ماسەلەن, سىرتتا 50 تەڭگە تۇراتىن زاتتى بازار ىشىندەگىلەر 5000 تەڭگە دەۋى مۇمكىن.

كاپالى چارشى ستامبۇلدىڭ تاريحي اۋدانىندا, بەيازىت پەن سۇلتاناحمەت الاڭىنان سولتۇستىك-باتىسقا قاراي 1 شاقىرىم جەردە ورنالاسقان. مۇندا كاباتاش-باگدجىلار باعىتىنان كاباتاشقا قاراي جۇرەتىن ترامۆايمەن جەتۋگە بولادى. ول ءۇشىن بەيازىت ايالداماسىنان نەمەسە چەمبەرليتاش ستانسياسىنان ءتۇسۋ قاجەت.

بازار ؛08:30-دا اشىلىپ, 19:00-دە جابىلادى. كەشەن دۇيسەنبىدەن سەنبىگە دەيىن جۇمىس ىستەيدى, جەكسەنبى ؛&ndash؛ دەمالىس كۇنى.

6. زەيتينبۋرنۋ (وتە ۇلكەن بازار) بازارى زەيتينبۋرنۋ اۋدانىندا ورنالاسقان. بۇل جەر بىلعارى جانە اڭ تەرىسىمەن تانىمال. ونداعى بازارلار بىر-بىرىنە وتە ۇقساس. دۇكەندەردەگى ؛ باعانى ايتارلىقتاي تومەندەتۋ قيىن, ويتكەنى تاۋار باعاسى زاۋىتتان شىققان باعاعا جاقىن. سوندىقتان ءبىر ەكى دۇكەنگە كىرىپ, باعالارىن سالىستىرىپ شىعۋ جەتكىلىكتى.

بۇل بازاردان تون, پالتو, ءتۇرلى كۇرتەلەردى بىر-بىرلەپ تە, كوتەرمە باعامەن كوپتەپ تە الۋعا بولادى. ءبىراق الاردا ساۋداگەرلەرمەن ساۋدالاسۋ كەرەك. بۇل جەردەن الاتىن زاتتاردى بازاردان عانا ەمەس, فابريكادان دا تاپسىرىس بەرىپ الۋعا بولادى

زەيتۋن بۋرمۋ بازارىنا جەتۋ ءۇشىن ساۋدا جاساۋشىلار بۇكىل اۋداندى ارالاۋعا ۋاقىت كەتىرەدى. ۋاقىت ۇنەمدەۋدىڭ ەڭ ءتيىمدى ءتاسىلى مەتروعا وتىرۋ. قالا ورتالىعىنان جۇرەتىن جەراستى پويىزى تۋرا بازاردان "زەيتينبۋرنۋ" بەكەتىنەن ءتۇسىرىپ كەتەدى. بازارعا تاكسيمەن دە, اۆتوبۋسپەن دە جەتۋگە بولادى.

"lc wakiki", "defacto", "zara", "koton" سەكىلدى برەند كيىمدەرىن تۇركيانىڭ ۇلكەن قالالارىنان دا تابۋعا بولادى. الايدا بۇل دۇكەندەردەگى كيىمدەردىڭ قازاقستاننان ەرەكشەلىگى كيىمنىڭ الۋان ءتۇرى بار, ءارى قازاقستانداعى تاۋارعا قاراعاندا الدەقايدا ساپالى, باعاسى دا قولجەتىمدى. بۇل دۇكەندەردى ويىن-ساۋىق ورتالىقتارى مەن كوشە بويلارىننان كەزدەستىرۋگە بولادى. ؛  ؛  ؛  ؛  ؛  ؛  ؛  ؛  ؛  ؛ ؛