• usd 424.85

  • eur 504.21

  • rub 5.84

  • cny 65.86

05 جەلتوقسان, 05:38:08
+5°

فوتو: شىمكەنت قالاسى اكىمىنىڭ ءباسپاسوز قىزمەتى

شىمكەنت قالالىق سوتىندا 2021 جىلدىڭ 9 ايىن قورىتىندىلاۋعا ارنالعان كەڭەيتىلگەن كەڭەسكە قالالىق سوتتىڭ ءتوراعاسى ەربول راحىمبەكوۆ, القا ءتوراعالارى مەن سۋديالارى, اۋداندىق جانە وعان تەڭەستىرىلگەن سوتتاردىڭ ءتوراعالارى مەن سۋديالارى, سوتتار اكىمشىسىنىڭ باسشىسى مەن ءبولىم باسشىلارى قاتىستى.

كەڭەستىڭ كۇن تارتىبىنە سايكەس, شىمكەنت قالالىق سوتىنىڭ قىلمىستىق ىستەر جونىندەگى سوت القاسىنىڭ ءتوراعاسى ەربول جانعازين مەن ازاماتتىق ىستەر جونىندەگى سوت القاسىنىڭ ءتوراعاسى مۇحتار پارمەنوۆ قىلمىستىق جانە ازاماتتىق ىستەر بويىنشا 2021 جىلدىڭ 9 ايىندا سوت تورەلىگىن جۇزەگە اسىرۋ بارىسى تۋرالى بايانداما جاسادى. سونىمەن قاتار, قالالىق سوتتىڭ سۋدياسى ايدا چوكموروۆا تاتۋلاستىرۋشى سۋديالاردىڭ جۇمىسى تۋرالى ايتتى.

القا ءتوراعاسى ە.جانعازين قىلمىستىق ىستەردىڭ سانى وتكەن جىلدىڭ 9 ايىمەن سالىستىرعاندا 8,5 پايىزعا وسكەنىمەن, ىستەردى قاراۋداعى قيسىندى مەرزىمىن ساقتاپ, اسىرەسە, قاماۋدا وتىرعان ادامداردىڭ ىستەرىن سوزبالاڭعا سالۋعا جول بەرۋگە بولمايتىنىن ەسكەرتتى. ودان ءارى ول: «؛قالا سوتتارىنا وسى مەرزىمدە 1557 قىلمىستىق ءىس ءتۇسىپ, 1429 ءىس قارالعان. سوتقا دەيىنگى تەرگەپ-تەكسەرۋدە كەتكەن قاتەلىكتەرى ءۇشىن 33 ءىس پروكۋرورعا قايتارىلىپ, 93 جەكەشە قاۋلى شىعارىلدى. جازالاۋ تاجىريبەسى 6,5 پايىزعا ءوسىپ, جىل باسىنان 407 ادامعا باس بوستاندىعىنان ايىرۋ جازاسى تاعايىندالعان. ىستە قىلمىستىق قۇرامنىڭ بولماۋى سەبەپتى 6 ادام اقتالدى. بيىل 9 ايدا اپەللياسيالىق القادا ءبىرىنشى ساتىلى سوتتاردىڭ 12 تۇلعاعا قاتىستى 10 ۇكىمى بۇزىلىپ, 52 تۇلعاعا قاتىستى 40 ۇكىمى وزگەرتىلگەن»؛ دەدى.

بيىلعى جىلدىڭ 9 ايىندا قالا سوتتارىنا تۇسكەن ازاماتتىق ىستەردىڭ سانى بىلتىرعى جىلدىڭ 9 ايىمەن سالىستىرعاندا 14,3 پايىزعا ارتقان. القا ءتوراعاسى م.پارمەنوۆ سوتتاردا قارالعان 13271 ءىستىڭ 35 پايىزى بانكتىڭ نەمەسە قارىز شارتتارىنان جانە 23 پايىزى وتباسىلىق قاتىناستاردان تۋىندايتىن داۋلار ساناتىنا جاتادى جانە سوتتارعا تۇسكەن ىستەردىڭ باسىم بولىگىن قۇرايتىنى, ازاماتتىق ىستەردى قاراۋدا ساپا ارتىپ, كۇشى جويىلعان جانە وزگەرتىلگەن شەشىمدەردىڭ سانى كەمىگەنىنە باسا نازار اۋداردى.

قالالىق سوتتىڭ سۋدياسى ا.چوكموروۆا قالا سوتتارىنا ەسەپ بەرۋ كەزىندە 1083 ءىس نەمەسە مەدياسيا راسىمدەرى قولدانىلۋعا جاتاتىن ىستەردىڭ 10,7 پايىزى تاتۋلاسۋمەن اياقتالعان. ونىڭ ىشىندە 975 ءىس مەدياسيا, 99 ءىس بىتىمگەرشىلىك كەلىسىم, 9 ءىس پارتيسيپاتيۆتىك كەلىسىم جولىمەن اياقتالعان. وتكەن جىلدىڭ وسى كەزەڭىندەگى بىتىممەن اياقتالعان ىستەر سانى 939 ءىستى قۇراسا, بيىل بىتىممەن اياقتالعان ىستەر سانى 144 ىسكە ارتقانىن ايتىپ, بۇل باعىتتاعى جۇمىستاردىڭ جۇيەلەي ءتۇسۋ كەرەكتىگىن العا تارتتى.

كەڭەستى قورىتىندىلاي كەلە ءتوراعا ەربول مۇقاجانۇلى, سۋديالارعا سوت تورەلىگىن جۇزەگە اسىرۋدىڭ ساپاسىن جاقسارتۋدى جانە سوت قىزمەتكەرلەرىنە ەڭبەك ءتارتىبىن قاتاڭ ساقتاۋدى تاپسىردى. سوت تورەلىگىن جۇزەگە اسىرۋدا ساپانى جاقسارتۋ ماقساتىندا, 8 سۋديانىڭ ءبىلىمىن جەتىلدىرۋ ءۇشىن وقىتۋ قاجەتتىگىن قاداپ ايتتى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر