• usd 424.85

  • eur 504.21

  • rub 5.84

  • cny 65.86

05 جەلتوقسان, 06:12:37
الماتى
+5°

حالىقارالىق "الاش" سىيلىعىنىڭ يەگەرى, جازۋشى, دراماتۋرگ سوفى سماتاەۆ قارىزعا كىرىپ كەتكەنىن ايتىپ, 20 مىڭنان استام كىتابىن ساتاتىنىن ءمالىم ەتتى. قالامگەر express qazaqstan سايتىنا 5 ميلليون تەڭگە قاجەت ەكەنىن ايتقان.

جازۋشى 25 تومدىق كىتابىن 12 مىڭعا بەرۋگە دايىن. دەسە دە جازۋشىنىڭ كىتابىن الاتىن ادام تابىلماي جاتىر ەكەن. ؛

&ndash؛ كىتاپ وتپەي جاتىر. ويبايلاپ جاتىرمىن, ايقايلاپ جاتىرمىن, ەشكىم المايدى. اكىمدەرگە جازدىم, مادەنيەت باسقارماسىنا جازدىم. ءبىر جيىنتىعىن الادى, بولدى. الماتىدا كىتابىمدى الامىن دەگەن 100 ادام بار. ءبىراق بىرەۋى دە كەلگەن جوق. وتىرىك ايتادى. دۇكەندەردە مەنىڭ كىتاپتارىم 50 مىڭنان تۇر. ال مەن 12 مىڭنان بەرەمىن دەدىم. سوندا دا ەشكىم الاتىن ەمەس. ايەلىمنىڭ باسىنا تاس قويۋعا 5,5 ميلليون تەڭگە كەرەك. مەن سوعان قارىزدانىپ ءجۇرمىن, &ndash؛ دەدى جازۋشى.

جازۋشىنىڭ جارى ءشامشيا سماتاەۆا وسى جىلدىڭ جازىندا قايتىس بولعان. دراماتۋرگ مارقۇم ايەلىنىڭ زيراتىن تۇرعىزۋ ءۇشىن ءبىراز شىعىندالعانىن ايتادى.

&ndash؛ ءتۇبى ايەلىمىنىڭ قاسىنا بارامىن عوي. جاتاتىن جەردى ءقازىر دۇرىستاپ قويۋۋىم كەرەك. اقشا ماعان سول ءۇشىن قاجەت. 25 توم تۇر. "ەلىم-اي", "جارىلعاپ باتىر", "بۇلاق", "ماڭگىلىك باستاۋى" دەگەن ون رومانىم بار. 25 كىتاپتى 12 مىڭعا باعالاپ وتىرمىن. ونىڭ 4 تومى دراماتۋرگيا, 5 تومى پوەزيا, 1 تومى فيلوسوفيالىق ەسسە, &ndash؛ دەدى سوفى سماتاەۆ.

قالامگەر جازۋشىلار وداعىنان دا, ۇكىمەتتەن قايران بولماي جاتقانىن جەتكىزدى. ؛

&ndash؛ جازۋشىلار وداعىنان 80-گە كەلگەنشە ءبىر ماقتاۋ قاعاز العان جوقپىن. ولار مەنى ءيتتىڭ ەتىنەن دە جەك كورەدى. قازاق جازۋشىلارى اراسىندا 25 تومدىقتى جازعان ەشكىم جوق. مۇحتار اۋەزوۆ 17-اق توم جازدى. يلياس ەسەنبەرلين دە 17 توم جازدى ءابدىجامىل نۇرپەيىسوۆ ءتىپتى 8-اق توم جازدى. عابيت مۇسىرەپوۆ تە 8 توم جازدى. دەسە دە 25 تومدى 12 مىڭعا ەشكىم المايدى. ۇكىمەت 30 جىلدا مەنىڭ ءبىر كىتابىمدى شىعارعان جوق. بارلىعىن ءوز كۇشىممەن شىعارىپ كەلە جاتىرمىن, &ndash؛ ؛ دەدى دراماتۋرگ.

سوفى سماتاەۆ 1941 جىلى قاراعاندى وبلىسى, اقادىر اۋدانىندا دۇنيەگە كەلگەن. 80-نەن اسقان جازۋشى "قۇرمەت", "پاراسات" وردەندەرىمەن ماراپاتتالعان.

"قامشى" سىلتەيدى
ىلمەك سوزدەر: سوفى سماتاەۆ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر