اتامەكەنگە تابان تىرەگەن قازاق جاستارى

ەلىمىز ەگەمەندىگىن العان سوڭ شەتەلدە تۇراتىن قانداستارىمىز وتانىنا جاپپاي ورالا باستادى. تاۋەلسىزدىك ارقىلى قازاق عاسىرلار بويى اڭساعان ارمانىنا قول جەتكىزدى. تاۋەلسىزدىگىمىزدىڭ ارقاسىندا وتانىنا جەتە الماي جۇرگەن قازاققا ۇلكەن مۇمكىندىك بەردى. مىنە سونىڭ ارقاسىندا شەتەلدە جۇرگەن ميلليونداعان قانداستارىمىزدىڭ ۇرپاقتارى قازاقستان رەسپۋبليكاسىنىڭ تۇڭعىش پرەزيدەنتى ن.ا.نازارباەۆتىڭ باستاماسىمەن الىس جانە جاقىن شەت ەلدەردەگى ەتنيكالىق قازاقتاردى قولداۋ ماقساتىندا 2001 جىلدىڭ 1-قازانىنان باستاپ ءال-فارابي اتىنداعى قازاق ۇلتتىق ۋنيۆەرسيتەتى جوو-عا دەيىنگى ءبىلىم بەرۋ ؛ فاكۋلتەتى (بۇرىنعى شەتەل ازاماتتارىنا ارنالعان دايىندىق فاكۋلتەتى) شەتەلدەن كەلگەن قازاق جاستارىن وقىتۋدى مىندەتىنە الدى.

وسى جىلدار ارالىعىندا فاكۋلتەتىمىزدەگى بىلىكتى دە ءبىلىمدى, تاجىريبەلى ۇستازداردان 3000-نان استام قازاق جاستارى ءبىلىم الدى. ولار &ndash؛ قىتاي, موڭعوليا, يران, اۋعانستان, تۇركيا, گەرمانيا, فرانسيا, ۇلىبريتانيا, شۆەسيا, ساۋد ارابياسى, تۇركمەنستان, وزبەكستان, قىرعىزستان, تاجىكستان, رەسەي, لاتۆيادان اتامەكەنىنە كەلىپ ءوز انا تىلىندە ءبىلىم نارىمەن سۋسىندادى. ءبىلىم العان جاستاردىڭ كوپشىلىگى جوعارى ءبىلىمدى, بىلىكتى مامان بولىپ, اتامەكەنىندە قالىپ, قازىرگى تاڭدا ولار ەلىمىزدىڭ ينتەللەكتۋالدى الەۋەتىن ارتتىرۋعا ءوز ۇلەستەرىن قوسۋدا.

العاشقى تۇلەكتەرىمىز ءقازىر ەلىمىزدىڭ تۇكپىر-تۇكپىرىندە جوعارى وقۋ ورىندارىندا جانە ءتۇرلى سالادا جۇمىس جاساۋدا. اتاپ ايتار بولساق, ءال-فارابي اتىنداعى قازاق ۇلتتىق ۋنيۆەرسيتەتى, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى, ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى, م.و.اۋەزوۆ اتىنداعى ادەبيەت جانە ونەر ينستيتۋتى, الماتى تەحنيكالىق ۋنيۆەرسيتەتى, اباي اتىنداعى قازاق ۇلتتىق پەداگوگيكالىق ۋنيۆەرسيتەتى, ت.جۇرگەنوۆ اتىنداعى قازاق ۇلتتىق ونەر اكادەمياسىندا  ؛جانە تاعى سول سياقتى باسقا وقۋ ورىندارىندا جۇمىس جاساۋدا.

سونىمەن قاتار qamshy.kz اقپارات اگەنتىگىنىڭ ديرەكتورى ءبىلال قۋانىش, جۋرناليست, اقىن جاقسىلىق قازىمۇرات, ءانشى, سازگەر ۇشقىن جامالبەك, س.سەيفۋللين اتىنداعى مۋزەيدىڭ عىلىمي قىزمەتكەرى الاش ءتۇرسىنالى, ءانشى, سازگەر اسقار اكىمبەك, دراماتۋرگ اننەس باعدات, «؛attila group»؛ كومپانيانىڭ ديرەكتورى ارشىن قۋاندىق, دارىندى سۋرەتشى مارينا وقاپ, نازارباەۆ اتىنداعى زياتكەرلىك مەكتەپتىڭ ءمۇعالىمى نۇرگەلدى ابەۋ,  ؛ ؛جانە ت.ب.

شەت ەلدەن تاريحي وتانىنا ءبىلىم الۋعا كەلگەن قازاق جاستارىن ەلىمىزدىڭ &ndash؛ تاۋەلسىز قازاقستاننىڭ &ndash؛ قازىرگى احۋالىنا بەيىمدەپ, سونىمەن قاتار ولاردىڭ اتامەكەنىنە دەگەن سۇيىسپەنشىلىك سەزىمىن ارتتىرىپ, ەلىمىزدىڭ ەكونوميكالىق-الەۋمەتتىك, ينتەللەكتۋالدىق الەۋەتىن دامىتۋعا ءوز ۇلەستەرىن قوسۋعا ۇمتىلدىرۋ ماقساتىندا جوو-عا دەيىنگى ءبىلىم بەرۋ فاكۋلتەتىنىڭ ۇستازدار ۇجىمى تاربيەلىك, تالىمدىك ءمانى زور ءىس-شارالاردى, مادەني-تانىمدىق ساياحات ساباقتارىن, كاسىبي باعدارلىق بەيىندىك ساباقتارىمەن قاتار, ءارتۇرلى تاقىرىپتار اياسىندا شىعارماشىلىق بايقاۋلار, كەزدەسۋلەر وتكىزىپ, ۇيىمداستىرادى جانە تۋعان ەلگە تابان تىرەگەن ونەرلى جاستاردىڭ شىعارماشىلىعىن شىڭداۋعا كوپ كوڭىل بولەدى.

فاكۋلتەتىمىزگە ءبىلىم الۋعا كەلەتىن قانداستارىمىزدىڭ ءبىر قاتارى تالانتتى دا بەلسەندى, ءبىلىمدى دە ويلى, بەس ساۋساعىنان ونەر تامعان جاستار بولىپ كەلەدى. وسىنداي جاستاردىڭ اراسىندا &ndash؛ كۇن استى ەلىن ءوز جاڭالىقتارىمەن مويىنداتقان جاس ونەرتاپقىشتار, قازاقتىڭ اقىندىق دارىنىن, جىرشى-تەرمەشىلىك ونەرىن مەڭگەرگەن جاستار جانە اعاشتان ءتۇرلى بۇيىمدار جاسايتىن شەبەر جىگىتتەر, قۇراق قۇراۋ, قازاقى ناقىشتاعى كيىم ۇلگىلەرى مەن ويۋلاپ كەستە تىگۋ سياقتى تاعى باسقا ءتۇرلى ونەردى يگەرگەن قىزدار ءبىلىم الۋدا.

فاكۋلتەتىمىز سەگىز قىرلى, ءبىر سىرلى ونەرلى جاستارعا قولداۋ كورسەتىپ, ولاردى اقپارات قۇرالدارى ارقىلى كوپشىلىككە تانىستىرىپ, ونەرلەرىن جەتىلدىرە, شىڭداي تۇسۋىنە مۇمكىندىك جاساۋدا.

جىل سايىن ۋنيۆەرسيتەتىمىزدە ءداستۇرلى تۇردە وتكىزىلەتىن «؛ستۋدەنتتىك كوكتەم»؛ فەستيۆالدە, «؛فارابي الەمى»؛ اتتى ستۋدەنتتەر مەن جاس عالىمداردىڭ حالىقارالىق عىلىمي كونفەرەنسياسىنا قاتىسىپ ءاردايىم جۇلدەلى ورىندارعا يە بولىپ كەلە جاتقانىن ماقتانىشپەن ايتۋعا تولىق بولادى.

بۇگىنگى فاكۋلتەت تىڭداۋشىسى ەرتەڭگى ستۋدەنت, ال ستۋدەنت - بولاشاق مامان بولارى انىق. بىلىمگە, عىلىمعا بار ىقىلاسىمەن بەت-بۇرعان جاستار مىندەتتى تۇردە ماقساتتارىنا جەتەدى دەگەن سەنىمدەمىز.

كەز-كەلگەن وركەنيەتتى ەل ءوزىنىڭ الەۋمەتتىك دامۋىندا الدىمەن جاستاردىڭ يننوۆاسيالىق يدەيالارىن دامىتۋعا, ولاردىڭ شىعارماشىلىق قىرلارى مەن عىلىمي-ىزدەنىس قابىلەتتەرىن قالىپتاستىرۋدى باستى مىندەت ەتىپ قويادى.

سوندىقتان اتامەكەنگە تابان تىرەگەن وسىنداي ونەرلى قانداستارىمىزعا قولداۋ جاساپ, ولاردىڭ قاتارىن كوبەيتىپ ءوز ەلىنىڭ ازاماتى اتانۋعا جاعداي جاساۋ, ولارعا دۇرىس باعىت-باعدار بەرە وتىرىپ فاكۋلتەتىمىزدىڭ دايىندىق بولىمىندە ءبىلىم الىپ شىعاتىن قازاق دياسپورا وكىلدەرىنىڭ ءارى قاراي قازاقستان رەسپۋبليكاسىنىڭ جوعارعى وقۋ ورىندارىندا بىلىمدەرىن تەرەڭدەتىپ جالعاستىرۋعا جول سىلتەۋ ءبىزدىڭ مىندەتىمىز دەپ ەسەپتەيمىز.

 ؛

 ؛

 ؛

م.ب.اميركانوۆ

ال-فارابي اتىنداعى قازۇۋ

جوو-عا دەيىنگى ءبىلىم بەرۋ

فاكۋلتەتى دەكاننىڭ وقۋ-ادىستەمەلىك

جانە تاربيە جۇمىسى جونىندەگى ورىنباسارى

 ؛

 ؛