• usd 424.85

  • eur 504.21

  • rub 5.84

  • cny 65.86

18 قازان, 04:27:18
الماتى
+3°

فوتو: شىمكەنت قالاسى اكىمىنىڭ ءباسپاسوز قىزمەتى

«؛nur otan»؛ پارتياسى شىمكەنت قالالىق فيليالى جانىنداعى «؛وتباسى, ايەلدەر ماسەلەلەرى جانە بالالاردىڭ قۇقىقتارىن قورعاۋ»؛ جانە ء«؛بىلىم جانە عىلىمدى دامىتۋ»؛ جونىندەگى قوعامدىق كەڭەستەرىنىڭ بىرلەسكەن وتىرىسى ءوتتى.

كۇن تارتىبىندە ەكى ماسەلە قارالدى.
1.شىمكەنت قالاسىنداعى №12, 19, 37 مەكتەپتەردە ينكليۋزيانى قولداۋ كابينەتتەرىنە ادىستەمەلىك سۇيەمەلدەۋگە قاجەتتى قاراجات ءبولىنۋىن قاراستىرۋ.
2. قالاداعى مەكتەپ وقۋشىلارىنىڭ جان باسىنا قارجىلاندىرۋ تۋرالى ءتيىستى باسقارمانىڭ بايانداماسىن تىڭداۋ.
كەڭەس مۇشەلەرى قالالىق ءبىلىم باسقارماسىنىڭ باسشىسى جانات ارىسبەكقىزىنا ەرەكشە بالالارعا قاتىستى بىرنەشە ساۋال قويىپ, ماسەلەنىڭ شەشىلۋ جولدارىن تالقىلادى. اتاپ ايتقاندا, اۋتيزم بالالارعا مەكتەپتەردە قانداي جاعداي جاسالعانى, ولارعا ارنايى مامانداردى وقىتۋ تۋرالى ءسوز قوزعالدى.
قالالىق ءبىلىم باسقارماسىنىڭ باسشىسى اۋتيزم بالالارمەن جۇمىس جاسايتىن مامانداردىڭ دايارلانىپ جاتقانىن جانە قالاداعى بارلىعى 55 مەكتەپتە وسى ساناتتاعى بالالار ءۇشىن ينكليۋزيۆتى وقىتۋدى قولداۋ كابينەتتەرى اشىلعانىن مالىمدەدى.
سونداي-اق, وقۋشىلار اراسىنداعى الەۋمەتتىك تەڭسىزدىكتى بولدىرماۋ جولدارى ايتىلىپ, ناقتى ۇسىنىستار بەرىلدى.

"قامشى" سىلتەيدى
ىلمەك سوزدەر: شىمكەنت نۇروتان

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر