• usd 424.85

  • eur 504.21

  • rub 5.84

  • cny 65.86

24 قىركۇيەك, 15:32:11
الماتى
+18°

پرەزيدەنت قاسىم-جومارت توقاەۆقا اقمولا وبلىسىنىڭ ينۆەستيسيالىق جوبالارى تانىستىرىلدى. بۇل تۋرالى اقوردا سايتى حابارلادى.

اقمولا وبلىسىنا جاساعان جۇمىس ساپارى بارىسىندا قاسىم-جومارت توقاەۆقا ايماق اكىمى ەرمەك مارجىقپاەۆ وڭىردەگى جۇزەگە اسىرىلىپ جاتقان ينۆەستيسيالىق جوبالار مەن كوكشەتاۋ قالاسىنىڭ دامۋ پەرسپەكتيۆالارى تۋرالى ەسەپ بەردى.

پرەزيدەنتكە ايماقتىڭ نەگىزگى الەۋمەتتىك-ەكونوميكالىق كورسەتكىشتەرى, اگروونەركاسىپ, تۋريزم, تاۋ-كەن مەتاللۋرگيالىق كەشەنى, ماشينا جاساۋ, قۇرىلىس يندۋسترياسى, ەنەرگەتيكا جانە باسقا دا سالالارداعى ينۆەستيسيالىق جوبالار تانىستىرىلدى. ؛  ؛

وبلىس اكىمىنىڭ ەسەبىن تىڭداعان مەملەكەت باسشىسى ءوڭىردى دامىتۋدىڭ باسىم باعىتتارىن بەلگىلەپ بەردى.

&ndash؛ وبلىستىڭ الدىندا ءبىرقاتار مىندەت تۇر. سونىڭ ىشىندە استىق جيناۋ ناۋقانى. ارينە, بۇل ناۋقاننىڭ ءساتتى اياقتالۋى تابيعاتقا تىكەلەي بايلانىستى ەكەنىن تۇسىنەمىز. دەگەنمەن, تابيعي جاعدايلاردىڭ كەرى اسەرىن مەيلىنشە ازايتىپ, استىقتى بارىنشا مول جيناۋ كەرەك. بۇل &ndash؛ ءبىر. ەكىنشىدەن, بيىلعى جاز نە كورسەتتى؟! مال شارۋاشىلىعىمەن اينالىساتىن قوجالىقتار مال ساتىپ الىپ, وزدەرىن فەرمەرمىز دەپ اتايدى. ءبىراق جەم-شوپ قورىن ازىرلەۋدى ۇمىت قالدىرادى. ءسىزدىڭ بايانداماڭىزدا بۇل ماسەلەنىڭ قامتىلعانى دۇرىس بولدى. ءقازىر وسى تۇيتكىلدى شەشۋمەن اينالىسۋ كەرەك, &ndash؛ دەدى قاسىم-جومارت توقاەۆ. ؛

ق.توقاەۆ قوسشى اۋىلىنا وبلىستىق ماڭىزى بار قالا مارتەبەسىن بەرۋ تۋرالى شەشىمىن ءتۇسىندىردى.

&ndash؛ جارلىققا قول قويىلدى. اتالعان قۇجاتقا قول قويىلۋىن جانە وبلىستىق ماڭىزى بار قالا مارتەبەسىنىڭ بەرىلۋىن كوپشىلىك كەڭىنەن قولداپ جاتىر. ءبىراق, وسى شەشىمنىڭ ءمانى مەن ماڭىزىن تەك وبلىس كولەمىندە عانا ەمەس, جالپى ەلىمىز بويىنشا حالىققا قوسىمشا تۇسىندىرۋ ؛كەرەك. بۇل شەشىم, ەڭ الدىمەن, قوسشى تۇرعىندارىنىڭ ءومىرىن جەڭىلدەتۋ ماقساتىندا قابىلداندى. وندا قاعاز بويىنشا 40 مىڭعا جۋىق تۇرعىن ءومىر سۇرەدى. شىن مانىندە, ول جەردە 80 مىڭ ادام تۇرادى. ولار تۇرمىستىق ماسەلەلەرىمەن وبلىس ورتالىعى كوكشەتاۋعا بارۋعا ءماجبۇر بولادى. وعان كوپ ۋاقىت, كۇش جۇمسايدى. ارينە, بۇل تۇرعىنداردىڭ جۇيكەسىن جۇقارتادى. سوندىقتان قالانىڭ اكىمشىلىك مارتەبەسىن وزگەرتەتىن وسىنداي شەشىم قابىلداندى. مەن مۇنى دۇرىس شەشىم دەپ ەسەپتەيمىن, &ndash؛ دەدى پرەزيدەنت.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر