• usd 428.71

  • eur 519.12

  • rub 5.79

  • cny 66.61

16 مامىر, 22:05:03
الماتى
+12°

نۇرسۇلتان نازارباەۆ پەن دانيال احمەتوۆ/فوتوكوللاج

شىعىس قازاقستان وبلىسىنىڭ ءبىر توپ ازاماتى اينالدىرعان ەكى اپتادا ءۇش مارتە وڭىردەگى داڭعىل, سپورت كەشەنى مەن اۋدان اتىنا قازاقستاننىڭ ەكس-پرەزيدەنتى, قاۋىپسىزدىك كەڭەسىنىڭ ءتوراعاسى نۇرسۇلتان نازارباەۆتىڭ ەسىمىن بەرۋ تۋرالى باستاما كوتەردى. ول توپتا وزدەرى ايتقانداي اتاقتى سپورتشىلار مەن ەڭبەك سىڭىرگەن قايراتكەرلەر, زيالى قاۋىم, باق وكىلدەرى, ارداگەرلەر, ەرىكتىلەر, جاستار, كاسىپورىندار مەن اۋىل شارۋاشىلىعى قۇرىلىمدارى جەتەكشىلەرى, ءماسليحات دەپۋتاتتارى بار. ءۇش باستامانىڭ العاشقىسىنا ەلباسىنىڭ ءوزى توقتاۋ سالسا, ەكىنشى قاراستىرىلىپ جاتىر. ءۇشىنشىسىنىڭ بارىسى قالاي بولارى ازىرگە بەلگىسىز.

سەمەيدەگى اباي ارەنا سپورت كەشەنى

العاشقى باستامالار تۋرالى اقپارات 17 ناۋرىزدا شىقتى. وندا سەمەيدەگى قاراعايلى داڭعىلىن نۇرسۇلتان نازارباەۆ, سول ماڭداعى سپورت كەشەنىن ەلباسى ارەنا دەپ اتاۋ ۇسىنىلعانى ايتىلعان. باستاماشىلدار بۇل اتاۋسىز كوشە مەن اتاۋسىز سپورت كەشەنىنە ەلدىڭ قالىپتاسۋىنداعى نازارباەۆتىڭ ءرولىن ەسكەرىپ, سونداي-اق تاۋەلسىزدىكتىڭ 30 جىلدىعىنا وراي كوتەرىلىپ وتىرعانىن تىلگە تيەك ەتكەن. ىنتالى ازاماتتاردىڭ وسى جەردەگى «؛اتاۋسىز»؛ دەگەن ءسوزدى قولدانۋى تۇسىنىكسىز. ويتكەنى 2019 جىلعى 26 ناۋرىزدا اقوردا سايتىندا «؛قاسىم-جومارت توقاەۆ «؛اباي ارەنا»؛ مادەني-سپورت كەشەنىنىڭ قۇرىلىسىمەن تانىستى»؛ دەگەن تاقىرىپپەن اقپارات جاريالانعان. پرەزيدەنت قۇرىلىس بارىسىمەن تانىسقان سپورت كەشەنى مەن باستاماشىل توپ «؛اتاۋسىز»؛ دەپ وتىرعان كەشەن &ndash؛ ءبىر نىسان. سوندا پرەزيدەنت سايتى جالعان سويلەپ وتىر ما, الدە شىندىققا سايكەس كەلمەيتىن اقپاراتتى شىعىس قازاقستان وبلىسىنىڭ ءبىر توپ ازاماتى تاراتىپ وتىر ما؟

بۇل سۇراقتى جاۋابىن شىعىس قازاقستان وبلىسى اكىمدىگىنىڭ قىزمەتكەرلەرىنەن سۇراعانىمىزدا, ساۋالىمىزدى جاۋاپسىز قالدىردى. ەسەسىنە باستاما كوتەرىلگەنى تۋرالى الەۋمەتتىك جەلىدەگى جازبالار مەن قامشى پورتالىنداعى اقپاراتتىڭ تومەنگى تۇسىنداعى «؛ۇسىنىستى قولدايمىز»؛ دەۋشىلەر جاۋىننان كەيىنگى ساڭىراۋقۇلاقتاي قاپتادى دەرسىز. الەۋمەتتىك جەلىدەگى جازبالارعا «؛قولدايمىن»؛ دەپ جازىپ جاتقانداردىڭ جەكە پروفيلىنە كىرسەڭ, ونداعى كورىنىس كوبىسىندە اينا-قاتەسىز قايتالانادى, قۇددى ينكۋباتوردان شىققانداي: اككاۋنتتاردىڭ اشىلعانىنا كوپ بولماعان, دوستارى از, سۋرەتى بىر-ەكەۋ عانا, ەشتەڭە جازبايدى, جاندى ادامنىڭ پاراقشاسى ەمەس, «؛بوت»؛ پاراقشاعا كوبىرەك ۇقسايدى.

قىزىق مۇنىمەن بىتپەيدى. قامشى پورتالىنداعى «؛سەمەيدە ن.نازارباەۆتىڭ قۇرمەتىنە سپورت كەشەنىن اتاۋ ۇسىنىلدى»؛ دەگەن اقپاراتقا دا «؛قولداۋشى»؛ «؛قاۋىم»؛ كوپ پىكىر قالدىرىپتى. انىعىن ايتقاندا, ماقالا جاريالانار تۇستا ماتەريالدا 56 پىكىر بولعان. ءبىرىن ءبىرى قايتالامايتىن ءتۇرلى ەسىممەن. ءبارىنىڭ ايتارى وڭ كوزقاراس. بۇل نە دەگەن ءبىراۋىزدان شىققان قولداۋ دەپ, تەكسەرىپ كورسەك, جاعىمدى پىكىرلەردىڭ بارلىعىن جازۋدا ءبىر ەلەكتروندىق پوشتا پايدالانىلعان. دەمەك ءبىر ادام وتىرىپ الىپ, ءارتۇرلى ەسىممەن, پىكىردى جاڭبىرشا جاۋدىرعان بولىپ تۇر. بۇنىڭ جاي وقىرمانعا كەرەگى بار ما؟ ارينە, جوق. بۇل دەمەك «؛باستاما كوتەرۋشىلەردىڭ»؛ «؛مىنە, ءبىزدىڭ ۇسىنىستى حالىق قالاي قولداپ جاتقانىن كوردىڭ بە؟»؛ دەگىزۋ ماقساتىنداعى جاسالعان ارەكەتى بولىپ شىعادى.

بىراق ولاردىڭ بۇل ەڭبەگى ەش بولدى. تۇڭعىش پرەزيدەنت ۇسىنىسقا قارسىلىق تانىتىپ, ءباسپاسوز حاتشىسى ارقىلى باستاماشىلارعا «؛ستاديون قازاقتىڭ ۇلى اقىنى ءارى فيلوسوفىنىڭ اتىندا قالۋعا ءتيىس»؛ دەپ سالەم جولدادى. قىزىعى, ەلباسىنىڭ ءوزى ستاديوننىڭ اتاۋى «؛اباي ارەنا»؛ ەكەنىن ايتىپ وتىر. سوندا باستاماشىل توپ سپورت كەشەنىنىڭ «؛اتاۋى جوق»؛ دەگەندى قايدان شىعارىپ ءجۇر؟ ەگەر ەكس جانە قازىرگى پرەزيدەنتتىڭ ءسوزى قاتە بولسا, تۇزەتسىن.

سويتسەك, بۇل باس تارتۋ باستاماشىلداردىڭ ساعىن سىندىرا قويماپتى. سەمەي قالاسىنىڭ اكىمى نۇرىمبەت ساقتاعانوۆ باس بولىپ, قالالىق ءماسليحاتتىڭ دەپۋتاتتارى قاراعايلى داڭعىلىنا ەلباسىنىڭ اتىن بەرۋ جايلى تولعانادى. تولعانادى دا شەشىم قابىلداپ جىبەرەدى. ەندى قاراعايلىداعى داڭعىلعا اتاۋ بەرۋ تۋرالى سوڭعى شەشىمدى رەسپۋبليكالىق ونوماستيكالىق كوميسسيا قابىلدايدى. كۇتەيىك.

وسىمەن بولعان شىعار دەسەك, بولماپتى. سەمەيلىك اتقامىنەرلەر «؛ەر كەزەگى ۇشكە دەيىن»؛ دەپ, ءۇشىنشى مۇمكىندىگىن سىناپ كوردى.

21 ناۋرىزدا الەۋمەتتىك جەلىدە شىعىس قازاقستان وبلىسى تارباعاتاي اۋدانى ءماسليحاتىنىڭ قايرات داكەروۆ ەسىمدى دەپۋتاتىنىڭ ۇسىنىسى تاراپ جاتتى. دەپۋتات 1997 جىلعا دەيىن شەكارادا جاتقان بۇرىنعى تارباعاتاي اۋدانىنىڭ ورتالىعى بولعان اقجار اۋىلىنا اۋدان ورتالىعى ستاتۋسىن قايتارىپ, قازىرگى تارباعاتاي اۋدانى اقسۋات اۋىلىنان اقجار ايماعىن ءبولىپ, بۇرىنعىشا ەكى اۋدان رەتىندە قالپىنا كەلتىرىپ, ەل تاۋەلسىزدىگىنىڭ 30 جىلدىعى قارساڭىندا, ەلباسى ءن.ا. نازارباەۆتىڭ ەڭبەگىن كەلەشەك ۇرپاققا ماڭگىلىك ەتۋ ماقساتىندا اۋدانعا ەلباسىنىڭ اتىن بەرسە دەگەن ۇسىنىس ايتتى. ايتۋىن ايتىپ الدى دا, جۋرناليستەرمەن سويلەسۋدەن قاشتى. قامشى ءتىلشىسى دەپۋتاتقا قوڭىراۋ شالىپ, ۇسىنىسى تۋرالى تارقاتىپ ءتۇسىندىرۋىن سۇراعانىندا, پىكىر بىلدىرۋگە ۇزىلدى-كەسىلدى قارسى بولدى. كەيىن قوڭىراۋعا جاۋاپ بەرمەي, جازعان حاتتى وقىعانىمەن, ەلەمەدى.

ماسەلەنى تۇيىندەي كەلە, دانيال احمەتوۆ باسشى بولىپ وتىرعان وبلىس اتقامىنەرلەرىنىڭ ارەكەتىندەگى بىزگە تۇسىنىكسىز نارسەلەردى تىزبەكتەيىك.

باستاماشىلدار ق.توقاەۆ پەن ن.نازارباەۆ «؛اباي ارەنا»؛ دەپ اتاعان سپورت كەشەنىنىڭ نەگە «؛اتى جوق»؛ دەدى؟ نەگە ولار ءبىر مارتە قارسى بولعاندا قويا سالماي, قايتا-قايتا ەلباسى اتاۋىن بەرەيىك دەگەن ۇسىنىسىمەن وزدەرىن دە, ەلباسىن دا سۇيكىمسىز ەتەدى؟ الدە ؛نازارباەۆتىڭ ابىرويى احمەتوۆتىڭ ارنايى ؛كومانداسىنا قاراپ قالدى ما؟ ؛نەگە شىعىس قازاقستان وبلىسى اكىمدىگىنىڭ قىزمەتكەرلەرى جۋرناليستەر ساۋالىنا جاۋاپ بەرمەيدى؟ ولار سوندا پرەزيدەنتتىڭ «؛ەستيتىن مەملەكەت»؛ قاعيداتىن ەلەمەي مە؟ نەگە ءماسليحات دەپۋتاتى بولىپ وتىرعان ادام ايتقان ءسوزىن ءتۇسىندىرىپ بەرە الماي, قارىزدى قايتارماي جۇرگەن ادامداي سويلەسۋدەن باسىن الا قاشادى؟ تۇسىنىكسىز...

تومەندەگى ساۋالناماعا قاتىسا وتىرىڭىز:

نازارباەۆقا جاعىنۋ احمەتوۆكە نە ءۇشىن كەرەك بولدى؟

قامشىگەر

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر