22 قاراشا, 2024 news
سۇيىتىلعان گازدىڭ كوتەرمە باعاسىن ساقتاۋ جوسپارلانىپ وتىر
2025 جىلعى 1 قاڭتاردان باستاپ ۆەدومستۆو شەكتى كوتەرمە باعانى سول دەڭگەيدە قالدىرۋدى جوسپارلاپ وتىر.
كورنەكى سۋرەت
ەنەرگەتيكا مينيسترلىگى "قازاقستان رەسپۋبليكاسىنىڭ ىشكى نارىعىنا تاۋار بيرجالارىنان تىس سۇيىتىلعان مۇناي گازىن جەتكىزۋ جوسپارى شەڭبەرىندە سۇيىتىلعان مۇناي گازىن كوتەرمە ساۋدادا وتكىزۋدىڭ شەكتى باعاسىن بەكىتۋ تۋرالى" بۇيرىقتىڭ جوباسىن دايىندادى.
2024 جىلعى 26 ماۋسىمدا ەنەرگەتيكا مينيسترلىگى سۇيىتىلعان مۇناي گازىن ءوندىرۋشى زاۋىتتار ءۇشىن 2024 جىلعى 1 شىلدەدەن باستاپ تونناسىنا 45 158 تەڭگە دەڭگەيىندە شەكتى كوتەرمە باعانى بەكىتتى. مۇنداي باعالار 2024 جىلعى 31 جەلتوقسانعا دەيىن بەلگىلەندى.
2025 جىلعى 1 قاڭتاردان باستاپ ۆەدومستۆو شەكتى كوتەرمە باعانى سول دەڭگەيدە قالدىرۋدى جوسپارلاپ وتىر.
- سۇيىتىلعان مۇناي گازىن قازاقستان رەسپۋبليكاسىنىڭ ىشكى نارىعىنا سۇيىتىلعان مۇناي گازىن بەرۋ جوسپارى شەڭبەرىندە تاۋار بيرجالارىنان تىس كوتەرمە ساۋدادا وتكىزۋدىڭ 2025 جىلعى 1 قاڭتاردان, ءبىر تونناسى ءۇشىن 45 158,00 (قىرىق بەس مىڭ ءبىر ءجۇز ەلۋ سەگىز) تەڭگە مولشەرiندە بەكىتىلسىن, &ndash؛ دەلىنگەن جوبادا.
جوبا 2024 جىلعى 5 جەلتوقسانعا دەيىن جاريا تالقىلاۋ ءۇشىن "اشىق نقا" پورتالىندا ورنالاستىرىلعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر