اۆستراليالىققا ەكى ايدا قازاق ءتىلىن ۇيرەتكەن الي: قازاق ءتىلىن ۇيرەتۋ وڭاي

الەۋمەتتىك جەلىدە راسۋل جۇمالىنىڭ كەزەكتى پوستىن كورىپ ەلەڭ ەتتىك. «؛مىناۋ يۋان سميت دەگەن اۆستراليانىڭ جىگىتى. ۇلىم الي وعان قازاق ءتىلىن ينتەرنەت ارقىلى ۇيرەتىپ ەكى-اق ايدىڭ ىشىندە كادىمگىدەي دەڭگەيگە كوتەرىلدى. بارەكەلدى! ءبىراق وسىعان قاراپ ءومىر-باقي قازاقستاندا تۇرىپ قازاقشا قاقپايتىندار قاتتى قىنجىلتادى»؛ دەدى ساياساتتانۋشى. بار بولعانى ەكى-اق ايدىڭ ىشىندە اۆستراليالىقتى قازاقشا سايراتقان اليمەن تىلدەسكەنشە اسىقتىق.

&ndash؛ يۋان سميت قازاق ءتىلىن ۇيرەنۋگە ءوزى ءوتىنىش جاسادى ما, الدە, شەتەلدىكتەرگە قازاق ءتىلىن ۇيرەتۋدى ءسىز ماقسات ەتىپ پە ەدىڭىز؟

&ndash؛ ؛ارنايى پلاتفورما بار عالامتوردا. سول جەردە يۋان سميت ماعان قازاق ءتىلىن ۇيرەنگىسى كەلەتىنىن ايتىپ, ءوتىنىش جاسادى.

&ndash؛ شەكارانىڭ ارعى بەتىندەگى شەتەلدىك تۇگىلى, ءوز ەلىمىزدەگى شەنەۋنىكتەرگە انا ءتىلىن ۇيرەتۋ مۇڭ بولىپ تۇر. ءسىز ءتىلدى ۇيرەتۋ كەزىندە قانداي وقۋلىققا نەمەسە ادىستەمەگە سۇيەندىڭىز؟

&ndash؛ جوق وقۋلىقتارعا جۇگىنبەدىم. ويتكەنى ەلىمىزدەگى ءتىل ۇيرەتەتىن وقۋلىقتار شەتەلدىكتەرگە قيىنداۋ تيەدى. سوندىقتان ءوزىمنىڭ ادىستەمەمدى قالىپتاستىرعام. نەگىزى ءتىل ۇيرەتەتىن جيىرما شاقتى ستۋدەنتىم بار. سولارعا ءتىل ۇيرەتۋ كەزىندە ادىستەمەمدى جەتىلدىرە وتىرىپ, ءوزىمنىڭ ءتىل ۇيرەتۋ ماشىعىمدى قالىپتاستىردىم. نەگىزى ءتىل ۇيرەتەتىن ارنايى سايت نەمەسە پلاتفورما, نە وقۋلىق جاسالماعان. سوندىقتان ءتىل ۇيرەتۋدە ءوز جولىمدى تابۋ كەرەك بولدى. العاش ءوزىن تانىستىرۋدان باستاپ, سينگورمانيزم زاڭدىلىقتارىن ۇيرەتتىم. ارى قاراي وسى شاق, وتكەن شاق, كەلەر شاقتى, سوسىن بولىمدى بولىمسىز ەتىستىك, ياعني مەن بارامىن, مەن بارمايمىن دەگەن سەكىلدى ارەكەتىن ءتۇسىندىرۋدى ۇيرەتتىم. ارى قاراي ءماتىن وقۋ مەن ءسوز قۇراۋ دەڭگەيىنە كەزەڭ كەزەڭىمەن جەتتىك.

&ndash؛ قازاق ءتىلىن ۇيرەتۋ قيىن با؟

&ndash؛  ؛جوق قيىن ەمەس, ەڭ باستىسى ءتىل ۇيرەنۋگە ىڭعايلى ادىستەمەڭ بولسا بولعانى. شەتەلدىكتەرمەن جۇمىس ىستەۋ قىزىق. ەڭ باستىسى ولاردىڭ ءتىل ۇيرەنۋگە دەگەن قۇلشىنىسىن جوعالتپايتىنداي, ىڭعايلى ءوز ءادىسىڭ بولعانى جاقسى.

&ndash؛ يۋان سميت قازاق ءتىلىن تولىق تۇسىنەدى دەپ ايتا الامىز با؟

&ndash؛  ؛ ؛مەن ونىمەن ساباقتى 90 پايىز قازاقشا وتكىزەمىن. ول ءبارىن تۇسىنەدى. كەيبىر تۇسىنبەگەن جەرىن قايتالاپ سۇرايدى, مەن اعىلشىنشا ءتۇسىندىرىپ بەرەمىن.

&ndash؛ نەگىزگى ماماندىعىڭىز قانداي؟

&ndash؛ قارجىگەرمىن. شەتەلدىكتەرگە قازاق ءتىلىن ۇيرەتۋگە حوببي سياقتى قارايمىن. ءقازىر جاسىم 22-دە.

&ndash؛ ەلىمىزدە ءالى كۇنگە قازاق ءتىلى قاجەت تىلگە اينالا الماي كەلە جاتقانىنىڭ سەبەبىن نەدەن ىزدەسەك بولادى؟

&ndash؛ ۇيرەنىپ الايىنشى دەگەن نيەت جوق. قازاقستاننان مىڭداعان شاقىرىم جەردە وتىرعان شەتەلدىك ەكى ايدىڭ ىشىندە قازاق تىلىندە سويلەيتىن دارەجەگە جەتتى. ال ونىمەن سالىستىرعاندا بىزدە شەنەۋنىكتەردىڭ اينالاسىندا قازاق تىلىندە سويلەيتىن جاندار تولىپ ءجۇر عوي. ەڭ بولماعاندا قۇلاق ءسىڭىستى بولا بەرەتىن جاعدايدا. نيەت بولماسا سىلتاۋ كوبەيەدى.

&ndash؛ دەمەك شەنەۋنىكتەرىمىز قازاقشا سويلەۋگە ۇيالادى عوي.

&ndash؛ ءيا, ءبىراق ولار قازاقشا سويلەۋگە ەمەس, قازاق ءتىلىن بىلمەگەنىنە ۇيالاتىن جاعدايعا جەتۋىمىز كەرەك. مەن قازاق ءتىلىن ۇيرەتۋدى تەك اقشا ءۇشىن ەمەس, وزىمە ۇنايتىن ءىس بولعاندىقتان جاساپ ءجۇرمىن. ءوزىمدى پاتريوت قازاق سانايمىن. ءوز ەلىم تۋرالى شەتەلدىكتەرگە ايتقىم كەلەدى, قازاقستاندى تانىتقىم كەلەدى. @_zhumaly_ ينستاگرام پاراقشامدا ۇنەمى ەلىمىزدىڭ كوركەم جەرلەرىن جارنامالاپ وتىرعاندى ۇناتامىن. شەت ەلدىكتەردىڭ قازاقتارعا دەگەن قىزىعۋشىلىعىن وياتقىم كەلەدى.

&ndash؛ قۇپيا بولماسا قازاق ءتىلىن ۇيرەتىپ قانشا تاپتىڭىز؟

&ndash؛ ستۋدەنتتەرىم كوپ. ءبىراق مەن ءتىل ۇيرەتۋدە اقشا تابۋعا ءمان بەرمەيمىن. ولار ەۋرومەن اۋدارادى. ماسەلەن ەكى ايدىڭ ىشىندە بەس ءجۇز دوللارداي اقشا تاپتىم. ايىنا جيىرما شاقتى ساباق بەرەمىن. بەلگىلەنگەن ارنايى سۋمما جوق. مەن ءۇشىن ساباقتىڭ سانى ەمەس, ولاردىڭ ناتيجە شىعارعانى ماڭىزدى.

&ndash؛ قازاق ءتىلىن ۇيرەنگىسى كەلەتىندەر كوپ پە؟

&ndash؛ جەتكىلىكتى. مەنىڭ فيليپپىندىك, امەريكالىق, تۇركيالىق ستۋدەنتتەرىم بار. ءبىر بايقاعانىم امەريكالىقتاردىڭ قازاقستانعا, قازاق تىلىنە دەگەن قىزىعۋشىلىعى جوعارى. سوعان قۋانامىن.