شىمكەنت قالاسى جانە اقمولا, اقتوبە, الماتى, شىعىس قازاقستان, قوستاناي, قىزىلوردا, ماڭعىستاۋ وبلىستارىندا كارانتيندىك شەكتەۋ شارالارى كۇشەيتىلدى. بۇل تۋرالى وبلىستاردىڭ باس سانيتار دارىگەرلەرى مالىمدەدى.

شىمكەنت ؛قالاسىنىڭ باس سانيتار دارىگەرى ؛ابدىماناپ تۋلەباەۆ كارانتيندى كۇشەيتۋگە قاتىستى جاڭا قاۋلى ؛شىعاردى.

"شىمكەنت قالاسىنىڭ اۋماعىندا 11 قاڭتار ساعات 00:00-دەن باستاپ 25 قاڭتار ساعات 00:00-گە دەيىن كارانتين جانە شەكتەۋ شارالارى ۇزارتىلسىن" دەلىنگەن قاۋلىدا.

 ؛جاڭا قاۋلىعا سايكەس: ؛

  • ادامداردىڭ كوپ جينالۋىنا بايلانىستى كەز كەلگەن ءىس-شارالاردى وتكىزۋگە تىيىم سالىنادى ؛(بانكەت, توي, ەسكە الۋ, تۋعان كۇن, مەرەيتوي, شىعارىپ سالۋ, قۇدالىق)؛
  • 65 جاستان اسقان ادامداردىڭ قالادا جۇرۋىنە شەكتەۋ قويىلادى؛
  • قالادا جۇرگەندە ماسكا رەجيمىن ساقتاۋ جانە ادامدار اراسىندا كەمىندە 2 مەترگە دەيىن الەۋمەتتىك قاشىقتىقتى ساقتاۋ قاجەت؛
  • قوعامدىق تاماقتانۋ ورىندارىندا انتيسەپتيك قولدانۋ, كارانتين رەجيمىن ەسكەرۋ كەرەك.

اقمولا وبلىسىنىڭ باس سانيتار دارىگەرى ايناگۇل مۋسينا كارانتين شارالارى تۋرالى قاۋلىعا وزگەرىستەر مەن تولىقتىرۋلار ەنگىزدى.

قاۋلىعا سايكەس:

  • كوپشىلىك جينالاتىن سالتاناتتى, وتباسىلىق, ەستەلىك, ۇجىمدىق جانە باسقا دا ءىس-شارالاردى وتكىزبەي, جۇمىس ءتارتىبى ساعات 9-دەن 20-گە دەيىن, كەلۋشىلەردىڭ سانى 50%-عا دەيىن, ءبىراق وتىراتىن ورىن 30-دان ارتىق ەمەس, ۇستەل اراسىنداعى قاشىقتىق 2 مەتردەن كەم ەمەس جانە كەلۋشىلەر اراسىندا 1 مەتردەن كەم ەمەس قاشىقتىقتى ساقتاعان جاعدايدا قوعامدىق تاماقتاندىرۋ وبەكتىلەرىنىڭ قىزمەتىنە رۇقسات بەرىلەدى؛
  • سەنبى جانە جەكسەنبى كۇندەرى قىزمەتىن توقتاتا وتىرىپ, جۇمىس كۇندەرى الدىن الا جازىلۋ بويىنشا كەلۋشىلەردىڭ سانىن 50%-دان اسىرماي جانە ءبىر ادامعا 5 شارشى مەتردەن كەم ەمەس ورىندى قامتاماسىز ەتىپ, فيتنەس-ورتالىقتارى, ترەناجەر زالدارى مەن سپورت ساۋىقتىرۋ ورتالىقتارىنىڭ قىزمەتىنە رۇقسات بەرىلەدى؛
  • covid-19 تارالۋى مەن الدىن الۋ جونىندەگى ءىس-شارالارعا قاتىساتىن ۇيىمداردان جانە تىرشىلىكتى قامتاماسىز ەتەتىن كاسىپورىنداردان, قۇقىق قورعاۋ ورگاندارىنىڭ قىزمەتكەرلەرىنەن جانە توتەنشە جاعدايلار قىزمەتىنىڭ قىزمەتكەرلەرىنەن باسقا؛ شتاتتىق كەستەدە 15 جانە ودان ارتىق قىزمەتكەر بولعاندا, قىزمەتكەرلەردىڭ كەمىندە 80%-ى قاشىقتان جۇمىس اتقارادى؛
  • سەنبى جانە جەكسەنبى كۇندەرى الاڭى 2000 ش.م.-دەن استام ساۋدا ويىن-ساۋىق ورتالىقتارىنىڭ, ساۋدا ۇيلەرىنىڭ, ساۋدا ورتالىقتارىنىڭ جۇمىسىن توقتاتا وتىرىپ, ساۋدا ويىن-ساۋىق ورتالىقتارى, ساۋدا ۇيلەرىنىڭ, ساۋدا ورتالىقتارىنىڭ قىزمەتى شەكتەلەدى؛
  • بالالار ويىن الاڭى مەن اتتراكسيون قىزمەتىنە تىيىم سالىنادى.

قاۋلى 2020 جىلدىڭ 14 قاڭتارىندا ساعات 00.00-دەن باستاپ كۇشىنە ەنەدى.

سونداي-اق اقتوبە وبلىسىنىڭ باس سانيتار دارىگەرى گ. داۋلەتوۆانىڭ ؛كارانتيندى كۇشەيتۋگە قاتىستى قاۋلىسىنا سايكەس, اتالعان نىسانالارعا تىيىم سالىنادى:

  • كونفەرەنسيالار, كورمەلەر, فورۋمدار, ويىن-ساۋىق, سپورتتىق, سونداي-اق ادامدار كوپ جينالاتىن وتباسىلىق, سالتاناتتى, ەستەلىك جانە باسقا دا ءىس-شارالاردى, ونىڭ ىشىندە ۇيدە, ميتينگتەر, شەرۋلەر, جيىندار جانە ت.ب.- تىيىم سالىنادى؛
  • ويىن-ساۋىق مەكەمەلەرىنىڭ, بالالار ويىن الاڭدارى جانە اتتراكسيوندار, جابىق ءۇي-جايلارداعى, باتۋتتار, بۋكمەكەرلىك كەڭسەلەردىڭ جانە لوتو-كلۋبتاردىڭ قىزمەتتەرىنە, ونىڭ ىشىندە لوتەرەيا ۇتىستارىنا تىيىم سالىنادى؛
  • باستاۋىش, ورتا جانە نەگىزگى ورتا دەڭگەيدەگى ءبىلىم بەرۋ, ورتا جانە جوعارى وقۋ ۇيىمدارىنداعى اسحانا جۇمىسى شەكتەلەدى؛
  • 30 ادامنان اسىرماي جيناقتاي وتىرىپ, كۇشەيتىلگەن سانيتاريالىق-دەزينفەكسيالىق رەجيمدى ساقتاعان جاعدايدا, وبلىستىق كوماندالاردى دايارلاۋ ءۇشىن وقۋ-جاتتىعۋ جيىندارىن قايتا باستاۋعا رۇقسات بەرىلەدى.

الماتى وبلىسىنىڭ باس سانيتار دارىگەرى ەرعالي سىدىمانوۆ كارانتيندىك جاڭا شەكتەۋ شارالارى 11 قاڭتارى ساعات 7:00-دەن باستاپ كۇشىنە ەنەتىنىن ەسكەرتتى.

قاۋلىعا سايكەس: ؛

  • 50-دەن اسا وتىراتىن ورنى بار قوعامدىق تاماقتانۋ وبەكتىلەرىنىڭ (اسحانا, ءدامحانا, كوفە, مەيرامحانالاردىڭ جانە باسقا دا مەكەمەلەردىڭ) جۇمىسى توقتايدى؛
  • ويىن-ساۋىق نىساندارىنىڭ جۇمىسى توقتاتىلادى؛
  • قوعامدىق كولىكتىڭ جۇمىسى 23.00-گە دەيىن ۇزارتىلادى؛
  • وبلىس شەگىنەن تىس جەردەن قوعامدىق كولىكتەردىڭ جۇمىسىنا رۇقسات ەتىلەدى؛ ؛
  • حالىققا قىزمەت كورسەتۋ ورتالىقتارى جۇمىس كۇندەرى (دۇيسەنبى-جۇما) ساعات 9:00-دەن 18:00-گە دەيىن, سەنبى كۇندەرى ساعات 9:00-دەن 14:00-گە دەيىن ىستەيدى.

شىعىس قازاقستان وبلىسىنىڭ باس سانيتار دارىگەرى ح. يليۋباەۆ كوروناۆيرۋس ينفەكسياسىنىڭ الدىن الۋ ءۇشىن ءوز قاۋلىسىنا جاڭا وزگەرىستەر مەن تولىقتىرۋلار ەنگىزدى.

قاۋلىعا سايكەس:

  • بۇقارالىق وتباسىلىق, سالتاناتتى, ەسكە الۋ ءىس-شارالارىن (بانكەتتەر, ۇيلەنۋ تويلارى, مەرەيتويلار, اس بەرۋ), ونىڭ ىشىندە ۇيدە وتكىزۋگە تىيىم سالىنادى؛
  • ۇجىمدىق ءدىني راسىمدەردىڭ (جۇما ناماز) وتكىزىلۋىنە جول بەرىلمەيدى؛
  • تاماقتانۋ زالىنداعى وتىراتىن ورىندار سانىنىڭ 30%-نان اسپايتىن تولتىرىلۋىمەن ءبىلىم بەرۋ جانە تاربيەلەۋ ۇيىمدارىندا قوعامدىق تاماقتاندىرۋ وبەكتىلەرىنىڭ جۇمىسىنا رۇقسات بەرىلەدى؛
  • كونتينگەنتى 300 وقۋشىعا دەيىن قالالىق جانە اۋىلدىق مەكتەپتەردە سىنىپتارداعى بالالار سانى 15 ادامعا دەيىن ءداستۇرلى فورماتتا وقىتۋعا ؛رۇقسات ەتىلەدى.

قوستاناي ​​وبلىسىنىڭ باس سانيتار دارىگەرى ۆ. نەچيتايلو كارانتين تالاپتارىنا ءبىرقاتار وزگەرىستەر ەنگىزدى.

قاۋلىعا سايكەس:

  • وڭىرلەر اراسىندا جەكە اۆتوكولىكتىڭ ءجۇرىپ-تۇرۋىنا رۇقسات بەرىلەدى؛
  • قوستاناي وبلىسى ەلدى مەكەندەرىنىڭ اۋماعىندا تۇرعىنداردىڭ ماسكا رەجيمىن, الەۋمەتتىك قاشىقتىقتى ساقتاي وتىرىپ, 3 ادامنان اسپايتىن توپپەن نەمەسە ءبىر وتباسى مۇشەلەرىمەن ۋاقىت بويىنشا شەكتەۋسىز ءجۇرىپ-تۇرۋىنا رۇقسات بەرىلەدى؛
  • ويىن-ساۋىق, سپورتتىق ءىس-شارالاردى, كورمەلەردى, فورۋمداردى, كونفەرەنسيالاردى, سونداي-اق وتباسىلىق, ەستەلىك ءىس-شارالاردى وتكىزۋگە تىيىم سالىنادى؛
  • كينوتەاترلاردىڭ, بۋكمەكەرلىك كەڭسەلەردىڭ قىزمەتى توقتاتىلادى؛
  • فۋدكورت, بانكەت زالدارىنىڭ قىزمەتىنە تىيىم سالىنادى؛
  • مادەنيەت وبەكتىلەرىنىڭ (جەكە, توپتىق دايىندىقتار), تەاترلاردىڭ قىزمەتى توقتاتىلادى.

قىزىلوردا وبلىسىنىڭ باس سانيتار دارىگەرى د. جانابەرگەنوۆا كارانتين شارالارى تۋرالى №1 قاۋلىسىنا وزگەرىستەر ەنگىزگەنىن مالىمدەدى.

  • ويىن-ساۋىق, سپورتتىق ءىس-شارالاردى, كورمەلەردى, فورۋمداردى, كونفەرەنسيالاردى, سونداي-اق وتباسىلىق, سالتاناتتى, ەستەلىك ءىس-شارالاردى (بانكەتتەر, ۇيلەنۋ تويلارى, مەرەيتويلار, ەسكە الۋ), ونىڭ ىشىندە ۇيدە جانە ادامدار كوپ جينالاتىن وزگە دە ءىس-شارالاردى وتكىزۋگە تىيىم سالىنادى؛

  • كەزەكشى توپتاردى قوسپاعاندا, مەكتەپكە دەيىنگى بالالار مەكەمەلەرىنىڭ قىزمەتىنە تىيىم سالىنادى؛

  • سپورتشىلار قازاقستاننان تىس جەرلەردە وقۋ-جاتتىعۋ جيىندارى مەن جارىستارعا قاتىسۋعا شىعا المايدى؛
  • قالا ماڭىنداعى جولاۋشىلار پوەزدارىنىڭ قوزعالىسىنا رۇقسات بەرىلەدى؛

  • جەكە اۆتوكولىكتىڭ وڭىرلەر اراسىندا جۇرۋىنە رۇقسات ەتىلەدى.

ماڭعىستاۋ وبلىسىنىڭ باس سانيتار دارىگەرى ؛گ.نادۋەۆ ؛كوروناۆيرۋس ينفەكسياسىنىڭ الدىن الۋ تۋرالى قاۋلىسىنا تومەندەگىدەي تولىقتىرۋلار مەن وزگەرىستەر ەنگىزدى:

  • كونفەرەنسيالار, كورمەلەر, فورۋمدار, ويىن-ساۋىق, سونداي-اق ادامدار كوپ جينالاتىن وتباسىلىق, سالتاناتتى, ەستەلىك جانە باسقا دا ءىس-شارالاردى وتكىزۋگە تىيىم سالىنادى؛ ؛
  • سپورتشىلارعا قازاقستاننان تىس جەرلەردە وقۋ-جاتتىعۋ جيىندارى مەن جارىستارعا قاتىسۋى ءۇشىن شىعۋىنا تىيىم سالىنادى؛
  • كارانتين رەجيمىن ساقتاي وتىرىپ, قالا ماڭىنداعى جولاۋشىلار اۆتوبۋسىنىڭ قوزعالىسىنا رۇقسات ەتىلەدى.

سونىمەن قاتار 2020-2021 جىلدىڭ ءىىى توقسانىنان باستاپ:

  • كارانتين تالاپتارىن ساقتاي وتىرىپ, پاندەردىڭ 70%-ىن ءداستۇرلى فورماتتا, 30%-ىن قاشىقتان وقىتۋ فورماتىنا كوشىرىلەدى؛ ؛
  • 15 بالادان اسپايتىن كەزەكشى توپتاردى ۇيىمداستىرا وتىرىپ, مەكتەپكە دەيىن مەكەمەلەردىڭ قىزمەتىنە رۇقسات بەرىلەدى.
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر