nur otan پىكىرسايىسىندا ءماجىلىس دەپۋتاتىن باسىپ وزعان كىم؟

وبلىستىق كونفەرەنسيالار بارىسىندا ماجىلىسكە nur otan-نىڭ پارتيالىق تىزىمىنە تاعى 5 وڭىردەن ۇمىتكەرلەر انىقتالدى. سونداي-اق ءتيىستى وبلىستىق سايلاۋالدى باعدارلامالارى بەكىتىلىپ, پارتيانىڭ xx سەزىنە قاتىسۋ ءۇشىن دەلەگاتتار سايلاندى.

پارتيا ورتالىق اپپاراتىنىڭ ءباسپاسوز قىزمەتى حابارلاعانداي, پىكىرسايىس قورىتىندىسى بويىنشا وبلىستىڭ وكىلدىك كۆوتاسىنا سايكەس, اقتوبە, شىعىس قازاقستان, قوستاناي, باتىس قازاقستان جانە تۇركىستان وبلىستارىنان پارتيالىق تىزىمگە 24 ادام ەنگىزىلدى.

ماسەلەن, تۇركىستان وبلىسىندا 7 ورىندىق كۆوتاعا 23 ادام ۇمىتكەر بولدى. ناتيجەسىندە كاسىپكەر قاينار اباسوۆ ەڭ كوپ &ndash؛ 127 داۋىس جينادى. ول 120 داۋىسقا يە بولعان ءماجىلىستىڭ قىزمەتتەگى دەپۋتاتى قۇدايبەرگەن ەرجاندى باسىپ وزدى. سونىمەن بىرگە, داۋىس بەرۋ قورىتىندىسى بويىنشا تىزىمگە بيزنەس وكىلى سىرىم ەرتاەۆ, مادەنيەت سالاسىنىڭ وكىلى ءمولدىر باقىتجانوۆا, مەملەكەتتىك قىزمەتشى گۇلجان قۇرمانبەكوۆا, جەكە سەكتور وكىلى حايرۋللا قوجاباەۆ جانە مەديسينا قىزمەتكەرى ۇلجانات جۇرىمبەتوۆا ەندى.

شىعىس قازاقستان وبلىسىندا پىكىرسايىس قورىتىندىسى بويىنشا ءبىرىنشى ورىندى كاسىپكەر لۇقبەك تۇماشينوۆ يەلەندى. ل.تۇماشينوۆتان 4 داۋىس از جيناعان دەنساۋلىق ساقتاۋ سالاسىنىڭ وكىلى زارينا قاماسوۆا ەكىنشى ورىندا. ال ءۇشىنشى ورىندا &ndash؛ پارتيانىڭ كۋرچاتوۆ قالالىق فيليالىنىڭ ءتوراعاسى الەكسەي گلازينسكيي. بۇدان باسقا تىزىمگە ريددەر قالالىق ءماسليحاتىنىڭ حاتشىسى يگور پانچەنكو, جەكە سەكتور وكىلى مارينا بىكوۆا جانە ءبىلىم بەرۋ سالاسى وكىلى ازات سارپەكوۆ ەندى.

اقتوبە وبلىسىندا وتكەن پىكىرسايىس قورىتىندىسى بويىنشا ءبىرىنشى ورىندى گرەك-ريم, ەركىن جانە ايەلدەر كۇرەسى ايماقتىق فەدەراسياسىنىڭ باسشىسى راحات سىدىقوۆ يەلەندى. ودان كەيىنگى ورىنعا 96 داۋىسپەن مەملەكەتتىك قىزمەتشى امانعالي بەردالين جايعاستى. سونداي-اق, تىزىمگە دەنساۋلىق ساقتاۋ سالاسىنىڭ وكىلى عالىمجان ەلەۋوۆ پەن جاسوتاندىق اسىلجان بۇركىتالين كىردى. قوستاناي وبلىسىندا پىكىرسايىس قورىتىندىسى بويىنشا تىزىمگە ەنگەندەر: كاسىپوداقتار بىرلەستىگىنىڭ ءتورايىمى ەكاتەرينا سمىشلياەۆا, جەكە سەكتور وكىلدەرى سامات اقىشەۆ پەن قىرمىزى جاڭبىرشينا جانە اديليا اگايسينا.

باتىس قازاقستان وبلىسىندا 15 ۇمىتكەر باق سىنادى. ناتيجەسىندە پارتيالاستارىنىڭ ەڭ كوپ قولداۋىنا يە بولعان وبلىستىق ءماسليحات حاتشىسى مالىك قۇلشار, ءبىلىم بەرۋ جانە دەنساۋلىق ساقتاۋ سالالارىنىڭ وكىلدەرى جاڭابەك جاقسىعاليەۆ پەن سابيرا سۇندەتوۆا ۇزدىك ۇشتىككە كىردى.

ايتا كەتەيىك, بۇعان دەيىن ءماجىلىستىڭ پارتيالىق تىزىمىنە ەلوردا, الماتى, شىمكەنت قالالارى مەن الماتى, قىزىلوردا جانە قاراعاندى وبلىستارىنان كانديداتتار سايلانعان بولاتىن. قورىتىندى ءتىزىم 25 قاراشادا پارتيانىڭ xx سەزىندە بەكىتىلەدى.

بۇعان دەيىن بارلىق دەڭگەيدەگى 216 ءماسليحاتقا 6253 ادامنان تۇراتىن پارتيالىق تىزىمدەر جاسالعانى ايتىلعان بولاتىن.

ايەلدەردىڭ ۇلەس سانى 22-دەن 34%-كە دەيىن, جاستار &ndash؛ 3,5 ەسە, 7-دەن 24%-كە دەيىن ارتتى. قازىرگى قىزمەت ەتىپ وتىرعان ءماسليحاتتاردىڭ قۇرامىمەن سالىستىرعاندا ورتاشا جاسى 7 جاسقا &ndash؛ 51-دەن 44-كە دەيىن جاساردى.

پارتيالىق تىزىمدەردىڭ ء24%-ىن قىزمەتتەگى دەپۋتاتتار قۇرايدى, ال ء76%-ى &ndash؛ جاڭا تۇلعالار. سونىمەن قاتار پارتيا قاتارىنا 42 مىڭنان استام جاڭا مۇشە قوسىلدى. ولاردىڭ 1000-نان استامى پارتياىشىلىك سايلاۋعا قاتىسىپ, ءاربىر ء3-شىسى «؛nur otan»؛-نىڭ پارتيالىق تىزىمىنە ەندى.

ەلەكتروندى داۋىس بەرۋدىڭ ناتيجەلەرىن جانە كانديداتتار ءتىزىمىن primaries.kz. سايتىنان قاراۋعا بولادى.