30 قىركۇيەك, 2020 news

نۇر-سۇلتاندا قۇرىلىسشى 6-قاباتتان قۇلاپ مەرت بولدى

فوتو: ng72.ru

نۇر-سۇلتاندا 28 جاستاعى ەر ادام قۇرىلىس الاڭىندا 18 مەتر بيىكتىكتەن قۇلاپ, مەرت بولدى, دەپ حابارلادى ؛tengrinews.kz.

پورتالدىڭ حابارلاۋىنشا, مارقۇمنىڭ ايەلى ءىس جابىلۋى مۇمكىن دەپ قورقىپ وتىر.

ماقسات ءتولجانوۆ ورلىكول كوشەسىندەگى سەحتىڭ شاتىرىن جوندەپ جاتقان كەزدە 6-قاباتتان قۇلاپ كەتكەن.

&ndash؛ ول جۇمىسقا رەسمي تۇردە ورنالاسپاعان ەدى. وندا ولار شاتىردى جاۋىپ جاتقان بولاتىن. ونى بۇل جۇمىسقا دوسىنىڭ اعاسى شاقىردى, جۇمىس كولەمى بويىنشا وزدەرى كەلىسكەن ەدى. 17 تامىزدا كۇيەۋىم ۇلىمىزدى بالاباقشاعا, ال مەنى جۇمىسقا اپارىپ تاستادى. ال ءوزى قۇرىلىسقا كەتتى.

كەيىنىرەك ماعان شامامەن ساعات 10.30-دا ونىڭ قۇلاپ كەتكەنىن حابارلادى. تەرگەۋشىلەر ماعان ءبىر جۇمىسشىنىڭ تومەندە ؛ كراننىڭ جانىندا تۇرعانىن, ال كۇيەۋىمنىڭ كابەلدى ۇستاپ, جۇكتى شاتىرعا كوتەرىپ جاتقان كەزدە كابەل ءۇزىلىپ, 18 مەتر بيىكتىكتەن قۇلاعانىن ايتتى. بۇل شامامەن 6-قابات. ماعان ونىڭ وقيعا ورنىندا قازا بولعانىن ايتتى, ؛&ndash؛ دەدى مارقۇمنىڭ ايەلى دينارا جاقاەۆا.

مارقۇمنىڭ ايەلى 18 قىركۇيەكتە پوليسياعا ارىز جازعان. ونىڭ ايتۋىنشا, نىساندا جۇمىس ىستەگەن بارلىق جۇمىسشى جۇمىسقا رەسمي تۇردە ورنالاسپاعان.

&ndash؛ پوليسياداعىلار ماعان وقيعا قۇرىلىس الاڭىندا بولعانىن ايتتى, سوندىقتان ونى اكىمدىكتەگى ارنايى كوميسسيا قارايتىن بولادى دەدى. وسىدان كەيىن عانا ءىس ءبىزدىڭ تەرگەۋشىگە تاپسىرىلدى. اكىمدىك قىزمەتكەرى ماعان ارنايى تەكسەرۋگە بۇيرىق جوق ەكەنىن ايتتى, سەبەبى ماقساتتىڭ ارىپتەستەرى قانداي دا ءبىر قۇجاتتاردى تاپسىرىپ, بولعان جاعداي تۋرالى ايتىپ بەرۋعا ءتيىس ەكەن. ولاردى شاقىردى, ءبىراق ولار كەلمەدى. بىرەۋى اۋىرىپ قالدى, بىرەۋى كەلە المادى.

مەن زاڭدى تولىق بىلمەيمىن, سوندىقتان ادۆوكات جالدادىم. مەن ءبارىن زاڭ بويىنشا جاساعىم كەلەدى. ماقسات ەندى ورالمايدى. ءبىزدىڭ كىشكەنتاي ۇلىمىز بار. كۇيەۋىم 28 جاستا ەدى. كىنالىلەر جازالانعانىن قالايمىن, &ndash؛ دەدى ول.

نۇر-سۇلتان قالالىق پوليسيا دەپارتامەنتىنىڭ وكىلدەرى بۇل جاعدايعا قاتىستى پىكىر ءبىلدىردى.

&ndash؛ وكىنىشكە قاراي, جۇمىسشى قازا تاپتى. ءولىم فاكتىسى بويىنشا قىلمىستىق ءىس قوزعالدى. ءبىرقاتار ساراپتاما تاعايىندالدى. تەرگەۋ امالدارى جۇرگىزىلىپ جاتىر. سونىمەن قاتار, نۇر-سۇلتان قالاسى اكىمدىگىنىڭ قالالىق ورتا ساپاسى جانە باقىلاۋ باسقارماسى ارنايى تەرگەۋ جۇرگىزىپ جاتىر. قىلمىستىق ءىس باقىلاۋدا, &ndash؛ دەدى دەپارتامەنتتەگىلەر.

ىلمەك سوزدەر: قۇرىلىسشى نۇر-سۇلتان

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر