27 شىلدە, 2020 مادەنيەت

"؛قازاقشا جاز"؛ قوزعالىسى samsung پەن ءkfc-دى قالاي قازاقشا سويلەتتى؟

qamshy.kz

سوڭعى 5-6 كۇندە الەۋمەتتىك جەلىدە "قازاقشا جاز" قوزعالىسى پايدا بولدى. قوزعالىس بەلسەندىلەرى ەلدەگى ءىرى كومپانيالاردىڭ الەۋمەتتىك جەلىدەگى پاراقشاسىندا ورىس تىلىمەن قاتار قازاقشا دا مالىمەت بەرۋىن ؛مادەنيەتتى تۇردە ؛سۇراپ, ماسەلە كوتەرەدى. ناتيجەسىندە بىرنەشە مەكەمەنىڭ پاراقشاسىن قازاقشا سويلەتتى. قامشى ءتىلشىسى قوزعالىس ۇيىمداستىرۋشىلارىنىڭ بىرىمەن سۇحباتتاستى (ەسىمىن اتاماۋدى ءوتىندى). ؛

"قازاقشا جاز" قوزعالىسىن قۇرۋشىنىڭ ءبىرى قوزعالىستىڭ قالاي قۇرىلعانى جايلى بايانداپ بەردى.

&ndash؛ بۇل قوزعالىس 20 شىلدە كۇنى قۇرىلدى. قوزعالىستى قۇرۋ يدەياسى instagram الەۋمەتتىك جەلىسىندە بىرنەشە بەلسەندىنىڭ "qazaq republic" كيىم برەندى كومپانياسىنىڭ پاراقشاسىنا جازىلعان تالاپ-تىلەگىنەن باستالدى. ولار كومپانيا پاراقشاسىنا "مالىمەتتەر نەگە تەك ورىس تىلىندە جازىلعان؟ قازاقشا جازبالار نەگە جوق؟" دەپ سىپايى تۇردە پىكىر قالدىرادى. كەيىن دۇكەننىڭ باسشىلىعى تالاپتاردى نازارعا الىپ, پاراقشانى قازاق تىلىندە دە جۇرگىزە باستايدى. وسىدان سوڭ, ءبىز, تۇتىنۋشىلار مادەنيەتتى تۇردە ءوز تالابىمىزدى قويساق, ناتيجە بەرەتىنىنە كوزىمىز جەتتى. ءوزىمىز سەكىلدى قازاقشا اقپاراتقا سۋساپ جۇرگەن ادامداردىڭ باسىن قوسىپ, telegram ارناسىنان ارنايى چات اشتىق. قازاقستانداعى ءىرى كومپانيالاردىڭ بارىنەن قازاقشا دا اقپارات بەرۋىن, الەۋمەتتىك جەلىدەگى پاراقشالارىن قازاقشا دا جۇرگىزۋىن سۇراۋدى جوسپارلادىق. ءبىر كۇندە توپقا 300-دەي ادام جينالدى, &ndash؛ دەيدى ول.

ول قوزعالىستى قۇرۋدى اسا كەرەمەت يدەيا دەپ ويلامايتىنىن جەتكىزدى.

&ndash؛ "قازاقشا جاز" قوزعالىسىن قۇرۋ كەرەمەت يدەيا دەپ ويلامايمىن. ءتىل ماسەلەسى ءبىزدىڭ قوعامدا ءپىسىپ جارىلايىن دەپ تۇرعان جارا ەكەنى انىق. ءبارىمىز دە ەلدەگى ءىرى كومپانيالاردىڭ تۇتىنۋشىسىمىز. samsung-تىڭ گادجەتىن پايدالانامىز, glovo ارقىلى تاماققا تاپسىرىس بەرەمىز دەگەندەي. وسىنداي ءىرى بيزنەس الەمىنىڭ دە ءوز ويلاعانى بار شىعار. تاۋار ساتىپ, ءونىم شىعاراتىن كومپانيالار تۇتىنۋشىلارىمەن بايلانىستى كوبىنە ورىس تىلىندە جۇرگىزەدى. بىزگە وسى سيتۋاسيا ۇنامايدى. ەلدەگى ءىرى كومپانيالار ءار ادامنىڭ قازاقشا دا اقپارات الۋعا قۇقى بار ەكەنىن تۇسىنسە دەيمىز, &ndash؛ دەدى قوزعالىس قۇرۋشىلارىنىڭ ءبىرى.

ونىڭ ايتۋىنشا, قوزعالىستىڭ قۇرىلعانىنا ءبىر اپتا تولماسا دا ناتيجەسى كوڭىل قۋانتادى. قوزعالىستىڭ تالاپ ەتۋىمەن ەلدەگى ءىرى samsung, kfc, qazaq republic, glovo, chocofamily, lg سەكىلدى كومپانيالار الەۋمەتتىك جەلىدەگى پاراقشاسىندا قازاقشا دا اقپارات بەرە باستادى.

&ndash؛ قازاقشا اقپارات بەرۋىن تالاپ ەتۋىمىز qazaq republic كيىم برەندىنەن باستالدى. ءقازىر ولار سيپاتتاماسىن دا قازاقشا جازاتىن بولدى. قازاقشا-ورىسشا پوستتار سالا باستادى. ودان كەيىن samsung كومپانياسىنان قازاق تىلىندە دە اقپارات بەرۋىن سۇرادىق. ولار دا وتىنىشىمىزگە قۇلاق استى. الەۋمەتتىك جەلىدەگى پاراقشاسىن قازاق تىلىندە جۇرگىزە باستادى. بۇدان سوڭ قوزعالىس مۇشەلەرى kfc, glovo كومپانيالارىنان پاراقشاسىن قازاقشا جۇرگىزۋدى سۇرادى. بۇل ماقساتىمىز دا ورىندالدى. كەلەسى مەجەمىز ەلدەگى "chocofamily" دەگەن ءىرى حولدينگ بولدى. ولاردىڭ الىشەر ەلىكباەۆ اتتى وكىلىمەن كەلىسسوز جۇرگىزدىك. ارنايى ماماندار ىزدەستىرىپ جاتقانىن ايتىپ, قازاقشا دا اقپارات بەرەتىنىنە ۋادە بەردى. ودان سوڭ lg كومپانياسى دا الەۋمەتتىك جەلىدەگى پاراقشاسىن قازاقشا جۇرگىزۋدى قولعا الدى, &ndash؛ دەپ قوزعالىستىڭ جەتىستىكتەرىن اتاپ ءوتتى ول.

qazaq republic كيىم دۇكەنى

قوزعالىس وكىلىنىڭ ايتۋىنشا, بەلسەندىلەر سۇرانىسىن ەلەۋسىز قالدىرىپ وتىرعان كومپانيالار دا بار.

&ndash؛ الەۋمەتتىك جەلىدە پاراقشاسىن قازاقشا جۇرگىزۋدى سۇراپ, پىكىر جازساق تا ەلەمەي وتىرعاندار بار. "starbucks قازاقستان" مەن "mechta" كومپانيالارىنان جەلىدەگى جازبالارىن قازاقشا دا جازۋىن سۇرادىق. جەكەمىزگە "وتىنىشتەرىڭىزدى باسشىلىققا جەتكىزدىك" دەگەن جاۋاپ قايتاردى. الايدا ءالى كۇنگە دەيىن پاراقشالارىندا اقپاراتتى قازاقشا بەرمەدى. ال تەحنودوم ارا-تۇرا قازاقشا جازىپ ءجۇر. ءبىزدىڭ تالاپ-تىلەگىمىزدى ورىنداماعان مەكەمەلەر قازاق تىلىندەگى اقپاراتتاردى تۇراقتى بەرمەيىنشە, ماقساتىمىزدان باس تارتپايمىز, &ndash؛ دەيدى ول.

ونىڭ سوزىنشە, "قازاقشا جاز" قوزعالىسىنىڭ باعىتىن قولداپ, كومەكتەسىپ جاتقاندار از ەمەس.

&ndash؛ ءبىزدىڭ يدەيامىزدى قولدايتىن, ىسكە اسىراتىن ادامنىڭ كەز كەلگەنى &ndash؛ دەمەۋشى. بۇل &ndash؛ قوعامدىق شارا, ۋاقىتىڭىزدى عانا ءبولىپ جاسايتىن نارسە. ال رۋحاني تۇرعىدا كومەكتەسىپ جاتقان ادامدار بار. الەۋمەتتىك جەلىدەگى پاراقشاسىندا ءجۇز مىڭداعان وقىرمانى بار ادامدار ءبىزدى قولداپ جاتىر. قوزعالىسقا قوسىلىپ جاتقان ونەر ادامدارى دا بارشىلىق. جاقىن ارادا "مەگا جۇلدىزدارىمىز دا" قاتارىمىزعا قوسىلادى دەپ ۇمىتتەنەمىن, ؛&ndash؛ دەدى ول. ؛

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر