"؛بىر اپتادان سوڭ كەرەمەت ناتيجە كورۋگە بولادى"؛. ءپروستاتيتتى ەمدەيتىن كورپەشە

جۋرناليست, «؛ۋاقىت كورسەتەدى»؛ جوباسىنىڭ جۇرگىزۋشىسى نۇرسەيىت جىلقىشىباي بەلسىزدىك اۋرۋىن ەمدەپ جازاتىن كورپەشە ويلاپ تاپقانى تۋرالى مالىمدەگەن. كورپەشە قالاي جاسالدى جانە پايداسى قانداي ەكەنىن ءجۋرناليستىڭ ءوزى قامشى تىلشىسىنە ايتىپ بەردى.

&ndash؛ نۇرسەيىت مىرزا, كورپەشە ويلاپ تابۋ تۋرالى وي قايدان كەلدى؟

&ndash؛ كورپەشەنىڭ يدەياسىن ايتىپ جۇرگەنىمە ەكى جىلدان استام ۋاقىت بولدى. نەگىزگى يدەيا اۆتورى جۋرناليست, ارىپتەسىم, ءقازىر ۇلتتىق ارنادا قىزمەت اتقاراتىن ماقسات تولىقباي ەسىمدى ازامات. ماقساتتىڭ وسىنى جاسايمىن دەپ تالاپتانىپ جۇرگەنىنە ەكى جىل بولدى. بىلتىر شىعارعىسى كەلگەنىمەن, ءساتى تۇسپەدى. سودان بۇل شارۋانى ءوزىم جاساپ كورۋگە بەل بۋدىم. وسىلاي, ماقساتتىڭ رۇقساتىمەن قولعا العان جايىمىز بار. ؛كورپەشە اتتىڭ شوقتىعى مەن پايدالى اعاشتان جاسالعان. ۇزىندىعى ؛&ndash؛  ؛40 سم, ەنى ؛&ndash؛ ؛ 30 سم. الماتى قالاسىندا تىگىلەدى. وسىنىڭ ارقاسىندا باس-اياعى ون ادامدى جۇمىسپەن قامتاماسىز ەتىپ وتىرمىن.

&ndash؛ كورپەنى ويلاپ تاباردا ماماندارمەن اقىلداستىڭىز با؟ ؛جالپى مەديسينا سالاسىندا ءبىلىمىڭىز بار ما؟

&ndash؛ مەن ءوزىم ءجۋرناليستپىن. بالا كەزىمنەن باستاپ جۋرناليستيكامەن قاتار جەكە كاسىپتى الىپ ءجۇرمىن. ءقازىر مال شارۋاشىلىعىمەن اينالىسامىن. جيھاز جاسايتىن سەحىم بار. سوندىقتان كەز كەلگەن باستامادا سالا ماماندارىمەن اقىلداسىپ, كەرەكتى اقىل-كەڭەستەرىن الىپ, سودان كەيىن نارىققا شىعارامىز. ەڭ باستىسى ؛&ndash؛ بۇل دۇنيەنىڭ پايداسى بولماسا, ەشكىمگە زيانى جوق. باعاسى دا قولجەتىمدى. ەكىنىڭ ءبىرى الا الاتىنداي ەتىپ قويدىق. سالا ماماندارىنىڭ اراسىندا ءوزىمنىڭ جاقىن تۋىستارىم, ارالاستىن دوستارىم, ونىڭ ىشىندە مەديسينا سالاسىندا قىزمەت اتقارىپ, ءقازىر زەينەتكە شىققان كىسىلەر بار. ءبىز دەنەنى شىنىقتىرۋ ءۇشىن جاتتىعۋ زالدارىنا بارامىز, ميىمىزدى شىنىقتىرۋ ءۇشىن كىتاپ وقيمىز. ەندى قاراڭىز, دۇنيەگە ۇرپاق اكەلۋ ءۇشىن جىگىتتىڭ ەكىنشى "جۇرەگى" مىقتى بولۋى كەرەك. ول ءۇشىن كۇتىنۋ قاجەت. بوس ۋاقىتتا اتقا جايداق وتىرعان ءجون, ونداي مۇمكىندىك بولماسا, وسى كورپەشەنى الىپ پايدالانسىن. قالاي بولعاندا دا كۇتىنىپ ءجۇرۋ كەرەك.

&ndash؛ "اتتىڭ شوقتىعى مەن پايدالى اعاشتار" دەپ قالدىڭىز. ول قانداي پايدالى اعاش؟ اتتىڭ شوقتى دەپ ناقتى نەنى ايتىپ تۇرسىز؟

&ndash؛ اعاش رەتىندە كادىمگى قارااعاش قولدانىلادى. ونى ارنايى ستانوكتاردان وتكىزەمىز دە اتتىڭ شوقتىعى ىسپەتتەس قىلىپ شىعارامىز.

&ndash؛ كورپەشە قالاي اسەر ەتەدى؟

&ndash؛ ەر ازاماتتاردىڭ قۋىق بەزى شوقتىققا تيگەننەن كەيىن, سوعان ۇيكەلگەننەن كەيىن ەكى قۋىقتىڭ اراسىنداعى بەز قالپىنا كەلەدى. بۇگىندە اتقا جايداق وتىرىپ جاتقاندار ساۋساقپەن سانارلىق قانا. اتقا وتىرعاندا قۇيرىعىڭ ءبىر ويىلاتىن بولسا, ەكىنشى رەت وعان جاقىنداعىڭ كەلمەيتىن. سونى ەسكەرىپ, ءبىر كورپەشەلەردى جۇمساق ەتىپ جاساۋعا تىرىسامىز. سوندىقتان قارااعاشتان بولەك ارنايى گۋبكا, كيىز جانە تاعى دا باسقا ماتەريالدى قولدانامىز. ونىڭ جايلى بولىپ, ساتىپ الۋشىعا ۇناعانى, ونى ءبىر العان ادام ارتىنان ون ادام الىپ كەلگەنى ؛&ndash؛ بىزگە دە جاقسى عوي.

 ؛

 ؛

&ndash؛ ءپروستاتيتتى ەمدەۋگە ارنالعان كورپەشە ويلاپ تابۋىڭىزعا ەلدەگى ەر ادامداردىڭ وسى سىرقاتپەن كوپتەپ اۋرۋى سەبەپ بولعانىن ايتىپ ءجۇرسىز. ء"قازىر ەلدەگى ەر ادامداردىڭ 60 پايىزى پروستاتيتكە شالدىققان" دەگەن دە ءسىزدىڭ ءسوزىڭىز. بۇل قانشالىقتى دايەكتى؟

&ndash؛ سالا ماماندارىنىڭ وزدەرىنەن سۇراپ كورسەڭىز, بۇل ستاتيستيكانى جوققا شىعارمايدى دەگەن ويدامىن. بۇل ىندەت قازىرگى تاڭدا 40 جاستان اسقان ەر ازاماتتاردىڭ كوپشىلىگىندە كەزدەسەدى دەسەك قاتەلەسپەيمىز. ويتكەنى ەرلەر ۋاقىتىنىڭ كوبى كولىكتە جۇرۋمەن, جۇمىس "كرەسلودا" وتىرۋمەن وتەدى. سوندىقتان ەكى قۋىق اراسىنداعى بەز ىسىنەدى. سونىڭ ارتى وسىنداي دەرتكە ۇرىندىرادى. كەزىندە اتا-بابالارىمىز جاياۋ كوپ جۇرگەن, ۋاقىتىنىڭ كوبى اتتىڭ ۇستىندە وتكەن. سول سەبەپتى مۇنداي اۋرۋ اتىمەن بولعان جوق. ال ءقازىر ءسىز اتقا ءمىنىپ جاتقان قازاقتاردىڭ ستاتيستيكاسىن الىپ قاراڭىز. جاياۋ جۇرەتىندەر, ۆەلوسيپەد تەبەتىندەر از. سودان-اق بىلە بەرۋگە بولادى. مىنە, ماسەلە وسىدا. ءبىزدىڭ شىعارىپ جاتقان ءونىمىمىز تۇتىنۋشىلارعا ءوز پايداسىن تيگىزىپ جاتىر.

&ndash؛ "كۇنىنە جيىرما مينۋتتان كورپە ۇستىنە وتىرساڭىز, كادىمگىدەي جاقسى وزگەرىس بايقالادى. ال ءبىر اپتادان سوڭ ناتيجە كوپ كۇتتىرمەيدى" دەپسىز. كورپەشەنىڭ كومەگىمەن اۋرۋىنان ايىققان ەر ادامدار بار ما؟

&ndash؛ بىلە بىلسەڭىزدەر ۆەلوسيپەدتىڭ ءوزىن جارتى ساعاتتان ارتىق تەبۋگە بولمايدى. جىلقىعا مىنسەڭىز دە ءدال سولاي. ء"بىر ساعاتتان ارتىق وتىرۋعا بولمايدى" دەپ ۋرولوگ دارىگەرلەردىڭ ءوزى كەڭەس بەرەدى. بۇل جەردە جيىرما مينۋت وتىرسا جەتىپ جاتىر. ارينە, ودان ارى قانشا ۋاقىت وتىرسا دا بولادى دەگەن ءسوز دۇرىس ەمەس. سەبەبى ءار نارسەنىڭ ءوز ۋاقىتى, ولشەمى بار. بۇل انتيبيوتيك ءدارى ەمەس, ءسىز ءدارى قابىلداپ اعزاڭىزدى قۇرتپايسىز. ءبىر اپتا دەگەنىم, تۇتىنىپ جاتقان جىگىتتەردىڭ جەتپىس پايىزعا جۋىعىنىڭ ايتىپ جاتقانىنان شىققان. ءونىمدى ساتىپ العان جىگىتتەر "ناتيجەسىن ءۇش كۇننەن سوڭ بەردى, ءتورت كۇننەن سوڭ بەردى, ءبىر اپتادان سوڭ كەرەمەت ناتيجە كورۋگە بولادى ەكەن" دەپ پىكىرلەرىمەن ءبولىسىپ وتىرادى.

 ؛

&ndash؛ كورپەشەنى قالاي ساتىپ الۋعا بولادى؟

&ndash؛ ساتۋمەن ارنايى ەكى قىز اينالىسادى. ولار ۇنەمى تەلەفون بايلانىسىندا. ءبىر قىزمەتكەر قازاقستان بويىنشا ءار وڭىرلەرگە پوچتا ارقىلى تاراتادى. شۇعىل كەرەك دەگەندەرگە ۇشاق ارقىلى جىبەرە الامىز. كورپەشە كۇنىنە ەلۋ داناعا دەيىن ساتىلىپ جاتىر. مىسالى, كەشە 28 دانا ساتىلىپتى, ونىڭ الدىندا 32 دانا وتكەن. سوعان قاراعاندا حالىقتىڭ كوڭىلىنەن شىققان سەكىلدى.

&ndash؛ سۇحباتىڭىزعا راحمەت!

 ؛