• usd 413.12
  • eur 452.86
  • rub 5.82
  • cny 57.92

20 مامىر, 2020 news

الماتى قالاسىندا مادەني نىسانداردىڭ جۇمىسىن باستاۋ ماسەلەسى قارالدى

almaty_akimat

الماتى قالاسى اكىمىنىڭ ورىنباسارى ەرجان باباقۇماروۆ مادەنيەت نىساندارىنىڭ جۇمىسىن جاڭعىرتۋعا دايىندىقتى باعالاۋ جونىندەگى مونيتورينگتىك توپ قۇرۋدى تاپسىردى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

​ەرجان باباقۇماروۆ قالانىڭ باس مەملەكەتتىك سانيتار دارىگەرى جانداربەك بەكشين جانە قالالىق مادەنيەت باسقارماسىنىڭ باسشىسى ەرنار قۇرماشەۆپەن بىرلەسىپ مادەني مەكەمەلەر مەن كاسىپورىنداردىڭ جەتەكشىلەرىمەن كەزدەسۋ وتكىزدى. جينالىسقا رەسپۋبليكالىق جانە قالالىق مادەنيەت جانە ونەر نىساندارىنىڭ باسشىلارى, سونىمەن قاتار جەكەمەنشىك ۇيىمداردىڭ وكىلدەرى قاتىستى.

​كەزدەسۋ بارىسىندا الماتى قالاسىندا مادەني نىساندارىنىڭ جۇمىسىن باستاۋ ماسەلەسى قارالدى. ءقازىر مەگاپوليستە 134 مادەني ۇيىم, ولاردىڭ ىشىندە 41 رەسپۋبليكالىق, 40 قالالىق, 6 ۆەدومستۆولىق جانە 47 جەكەمەنشىك ۇيىم بار. مادەنيەت سالاسىندا بارلىعى 8500 ادام جۇمىس ىستەيدى.

​قالالىق مادەنيەت باسقارماسىنىڭ اقپاراتىنا سايكەس, مادەنيەت نىساندارى ءۇشىن كارانتين شارالارىن جەڭىلدەتۋدىڭ العاشقى قادامى 2020 جىلدىڭ 25 مامىرىندا باستالادى. سول كۇننەن باستاپ ءبىر ۋاقىتتا كەلۋشىلەر سانى 30 ادامنان اسپايتىن, كەلۋشىلەر مەن كورەرمەندەرسىز, سانيتارلىق-دەزينفەكسيالىق ءتارتىپتى قاتاڭ ساقتاعان جاعدايدا جەكە جانە توپپەن دايىندىق (رەپەتيسيا) وتكىزۋگە رۇقسات ەتىلەدى. سونىمەن قاتار, مادەنيەت ۇيىمدارى جەتەكشىلەرىنە ۇسىنىلادى:

&bull؛ ەگەر جۇمىستى قاشىقتان ىستەۋ مۇمكىن بولسا, قىزمەتكەرلەردى قاشىقتان جۇمىس ىستەۋ رەجيمىنە اۋىستىرۋ؛
&bull؛ كىرەبەرىس پەن شىعاتىن جەرگە قولدى زالالسىزداندىرۋ ءۇشىن سانيتايزەرلەر ورناتۋ؛
&bull؛ بارلىق قىزمەتكەرلەرگە ءبىر رەتتىك ماسكالار مەن قولعاپتار قولدانۋ؛
&bull؛ ەدەندەردى جۋۋ جانە ۇستەلدەر, سورەلەر, ورىندىقتار, باسپالداقتاردىڭ جاقتاۋلارىن, ەسىكتەردىڭ ۇستىڭگى جاعىن (قاباتىن) كۇنىنە كەم دەگەندە 3 رەت جۋىپ, تازارتىپ, سوڭىنان 15 مينۋت جەلدەتۋ؛
&bull؛ اقاۋسىز ىستەپ تۇرعان جەلدەتۋ جۇيەسىمەن قامتامسىز ەتىلۋى كەرەك.

كەلەسى كەزەڭدە قالىپتاسقان ەپيدەميولوگيالىق جاعداي مەن مادەنيەت نىساندارىنا ءبىر ۋاقىتتا كەلۋشىلەردىڭ سانىن شەكتەۋ نورماسىن ساقتاي وتىرىپ, اۋماعىنا قاراي زالداردا كەلۋشىلەردىڭ سانىن 50 پايىزدان اسىرماۋ قاعيدالارى ەسكەرىلە وتىرىپ, ازاماتتاردىڭ مادەنيەت ورىندارىنا كەلۋ ماسەلەسى قارالماق.
بۇقارالىق مادەني-دەمالىس جانە ويىن-ساۋىق ءىس-شارالارىنا 1 شىلدەگە دەيىن ۇيىمداستىرۋعا تىيىم سالىنادى.

جانداربەك بەكشين ماديەنەت نىساندارى باسشىلارىن بارلىق قاۋىپسىزدىك شارالارىن قاتاڭ ساقتاۋعا جانە ءتيىستى سانيتارلىق-ەپيدەميولوگيالىق شارالاردى جۇرگىزۋدىڭ ماڭىزدىعىنا نازار اۋدارۋ قاجەتتىنە توقتالدى. اسىرەسە مادەنيەت نىساندارىنىڭ جۇمىسىن جاڭعىرتۋدىڭ ءبىرىنشى كەزەڭى اياسىنداعى ارەكەتتەر الگوريتمىنە باسا نازار اۋدارىلدى.

&ndash؛ مۇراجايلار, گالەرەيالار, كينوتەاترلار مەن باسقا دا مادەنيەت نىساندارىىڭ جۇمىسىنداعى الگوريتمىندە قاراستىرىلعان بارلىق تالاپتاردى ساقتاي وتىرىپ, كۇشەيتىلگەن دەزينفەكسيالىق رەجيمدى قامتاماسىز ەتۋ كەرەكپىز. ۇيىمداردا ەپيدەمياعا قارسى شارالاردىڭ ساقتالۋىن &ndash؛ تەرمومەتريانىڭ جۇرگىزىلۋىن, جۇمىس كەزىندە قولعاپتار مەن ماسكالاردىڭ قولدانىلۋىن جانە ولاردىڭ ۋاقتىلى اۋىستىرىلۋىن, پەرسونال اراسىندا ينسترۋكتاج وتكىزۋدى, جۋاتىن دەزينفەكسيالىق قۇرالداردىڭ بولۋىن, ارنايى ورىنداردا جەكە تاماقتانۋمەن قامتاماسىز ەتىلۋىن, جەكە گيگيەنا ساقتاۋ ءۇشىن جاعدايدىڭ جاسالۋىن قاداعالايتىن جاۋاپتى ادام بولۋى كەرەك. نىساندار جارامدى جەلدەتۋ جۇيەسىمەن قامتىلۋى كەرەك, &ndash؛ ؛ دەدى ج. بەكشين.

سونىمەن بىرگە ۇيىمداردىڭ اكىمشىلىكتەرىنە جەكە اۆتوكولىگى جوق قىزمەتكەرلەردى ۇيلەرىنە جەتكىزۋدى ۇيىمداستىرۋ ۇسىنىسى جاسالدى.

كەزدەسۋ بارىسىندا م.لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ ديرەكتورى يۋ. ياكۋشەۆ, ءو. ا. جولداسبەكوۆ اتىنداعى ستۋدەنتتەر سارايىنىڭ ديرەكتورى ج.كارمانوۆا, artيشوك تەاترىنىڭ باسقارۋشى ديرەكتورى, تەاتر اكتريساسى ا. تاراسوۆا جانە ت. ب. قاتىستى.

ەرجان باباقۇماروۆ كورەرمەندەردىڭ, سونداي-اق, مادەنيەت سالاسى قىزمەتكەرلەرىنىڭ قاۋىپسىزدىگىن قامتاماسىز ەتۋ مىندەتىنىڭ ءبىرىنشى كەزەكتە ەكەندىگىن اتاپ ءوتتى. قالانىڭ مادەنيەت باسقارماسىنا جوعارىدا اتالعان ەپيدەميولوگيالىق تالاپتار بويىنشا نىساننىڭ دايىندىعىنا الدىن الا باعا بەرۋ جونىندە مونيتورينگتىك توپ قۇرۋ تاپسىرىلدى. قاۋىپسىزدىك شارالارى قامتاماسىز ەتىلمەگەن جاعدايدا نىساندارعا كارانتين شارالارىنا دايىندىعى تۋرالى اكت بەرىلمەيتىن بولادى.

قاۋىپسىزدىك شارالارىن ساقتاۋعا باسشىلاردىڭ جاۋاپكەرشىلىگى بەلگىلەندى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر