الماتىدا 2020 جىلى 401 اۆتوبۋس ساتىپ الىنادى

الماتى قالاسىنىڭ اكىمى باقىتجان ساعىنتاەۆ مەگاپوليس تۇرعىندارىمەن وتكەن ەسەپتىك كەزدەسۋدە شاھاردا الەۋمەتتىك ماڭىزى بار قوعامدىق كولىكتەردىڭ باعىتتارى اكىمدىكپەن قوسىمشا سۋبسيديالاناتىنىن مالىمدەدى.

&ndash؛ ءبىزدىڭ سۋبسيديالاۋداعى باستى ماقساتىمىز &ndash؛ جول ءجۇرۋ تاريفتەرىنىڭ وسۋىنە جول بەرمەۋ. سوندىقتان 2021-2022 جىلدارعا ءبىز ۇسىنعان ەسەپ بويىنشا ورتاشا تاريفپەن 154 الەۋمەتتىك باعىتتارعا 200 تەڭگە كولەمىندەگى سۋبسيديا 47,4 ملرد تگ قۇرايدى, ؛&ndash؛ دەدى قالا اكىمى ب. ساعىنتاەۆ.

2019 جىلى سۋبسيديا 23,1 ملرد تگ قۇرادى. 2020 جىلعا 24,2 ملرد تگ ءبولىندى. ونىڭ ىشىندە جەڭىلدەتىلگەن ساناتتاعى جولاۋشىلار ءۇشىن تىكەلەي وتەماقى 4 ملرد تگ قۇرادى (2019 جىلى &ndash؛ 5,3 ملرد تگ).

الماتىدا قوعامدىق كولىكتى جاڭعىرتۋ جۇمىستارى قارقىن الدى. 2019 جىلى 450 جاڭا اۆتوبۋس ساتىپ الىندى. بارلىعى قالاداعى اۆتوبۋس پاركى 92%-عا جاڭارتىلدى.

2020 جىلعا 401 اۆتوبۋس ساتىپ الۋ جوسپارلانعان. بيىلعى جىلدان باستاپ قالادا كوبىنەسە گازبەن جۇرەتىن ەلەكترواۆتوبۋستاردى ساتىپ الۋعا كوڭىل بولىنبەك. 2019 جىلى العاشقى 10 ەلەكترواۆتوبۋس ىسكە قوسىلدى. بۇل قالا ەكولوگياسىنا زيان تيگىزبەۋگە, سونداي-اق قالا تۇرعىندارىنىڭ جايلىلىعى مەن موبيلدىلىگىن ارتتىرۋعا مۇمكىندىك بەردى.

سونىمەن بىرگە جولاۋشىلار تاسىمالىن سۋبسيديالاۋ سوماسى دا ارتادى. الماتىداعى قوعامدىق كولىكتەردە جول ءجۇرۋدىڭ ورتاشا قۇنى 200 تەڭگەنى قۇرايدى, ونىڭ 80 تەڭگەسىن جولاۋشىلار تولەيدى. ايىرماشىلىق قالالىق بيۋدجەت ەسەبىنەن وتەلەدى. سونىمەن قاتار, بيۋدجەتتەن قالا تۇرعىندارىنىڭ جەڭىلدىگى ءۇشىن جولاقى سۋبسيديالانادى (وقۋشىلار, ستۋدەنتتەر, مۇگەدەكتەر ءۇشىن).

حالىق سانىنىڭ وسۋىنە جانە قالا اۋماعىنىڭ كەڭەيۋىنە بايلانىستى مارشرۋتتىق جەلىنى وڭتايلاندىرۋ بويىنشا جۇمىستار بەلسەندى جۇرگىزىلۋدە.

قالانىڭ مارشرۋتتىق جەلىسى 5 مىڭنان استام شاقىرىمدى قۇرايدى. وتكەن جىلى تۇرعىنداردىڭ ءوتىنىشى بويىنشا 14 جاڭا باعىت اشىلدى. ونىڭ ء8-ى قالا سىرتىنا باعىتتالادى. بۇل مارشرۋت جەلىسى قالانىڭ ورتالىق بولىگىن شەتكى ايماق جانە وبلىستارمەن بايلانىستىرۋعا مۇمكىندىك بەرەدى. مىسالى, بورالداي اۋىلىن الماتى-1 تەمىرجول ۆوكزالىمەن قوساتىن №10 مارشرۋت ىسكە قوسىلدى. كولىكتىك قىزمەت كورسەتۋ سىيىمدىلىعى ورتاشا اۆتوبۋستارمەن جۇرگىزىلەدى.

2020 جىلى كۇن سايىن 291 اۆتوبۋس شىعاتىنداي 24 قالالىق جانە قالا ماڭىنداعى مارشرۋتتار اشۋ جوسپارلانعان.

سونداي-اق, «؛الماتى &ndash؛ قاپشاعاي»؛ قالا ماڭى مارشرۋتىن ۇيىمداستىرۋ ماسەلەسى قاراستىرىلۋدا.

بۇل شارالار ورتاشا جولاۋشىلار اعىنىن كۇنىنە 850 مىڭنان 1,2 ملن. ادامعا دەيىن ۇلعايتۋعا مۇمكىندىك بەردى. سونىمەن قاتار, قتج ۇك اق-مەن الماتى وبلىسىنىڭ جاقىن قالالارىنا ەلەكتر پويىزدارىن ىسكە قوسۋ جوباسى ازىرلەنۋدە. بۇل قالاداعى كىرىس جولدارىنا تۇسەتىن جۇكتەمەنى ازايتۋعا, قالا ماڭىنداعى ەلدى-مەكەن تۇرعىندارىنىڭ موبيلدىلىگىن ارتتىرۋعا مۇمكىندىك بەرەدى.

مەتروپوليتەن جەلىلەرىنىڭ قۇرىلىسى قوعامدىق كولىك ماسەلەلەرىن شەشەتىن ماڭىزدى باعىتتاردىڭ ءبىرى. بۇگىندە 9 ستانسا جۇمىس ىستەۋدە. جەلى ۇزىندىعى 10,3 شاقىرىمدى قۇرايدى. ەلەكتروپويىزداردىڭ 7 قۇرامى بار. جولاۋشىلاردىڭ ورتاشا اعىنى تاۋلىگىنە 45-50 مىڭ ادام. سونداي-اق ۇزىندىعى 3,1 شاقىرىم بولاتىن «؛سارىارقا»؛ جانە «؛دوستىق»؛ ستانسالارىنىڭ قۇرىلىسى اباي داڭعىلى بويىمەن باتىس باعىتتا جانە التىنسارين داڭعىلىنان مومىشۇلى كوشەسىنە دەيىن جالعاسپاق.

اتالعان ستانسالاردى 2021 جىلدىڭ سوڭىنا قاراي پايدالانۋعا بەرۋ جوسپارلانۋدا. جەلىنىڭ بۇل ۋچاسكەسى قالانىڭ تىنىش اۋداندارىن ىسكەر ورتالىقپەن بايلانىستىرۋعا مۇمكىندىك بەرەدى. ال جولاۋشىلاردىڭ جوسپارلى اعىنى تاۋلىگىنە 86 مىڭ ادامدى قۇرايدى.