25 قاڭتار, 2020 وقيعالار
اشىق دەرەككوزدەن
تۇركيانىڭ ەليازىگ پروۆينسياسىنداعى جويقىن جەر سىلكىنىسىنەن قازاقستاندىقتار زارداپ شەككەن جوق. بۇل تۋرالى قازاقستاننىڭ سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى.
"تۇركيا تاراپىنىڭ الدىن الا مالىمەتى بويىنشا, جەر سىلكىنىسىنەن زارداپ شەككەندەر اراسىندا قازاقستاندىقتار جوق" دەپ جازدى سمادياروۆ telegram كانالىندا. ؛
24 قاڭتاردا تۇركيانىڭ شىعىسىنداعى ەليازىگ پروۆينسياسىندا قاتتى جەر سىلكىنىپ, كەمىندە 18 ادام قازا بولىپ, جۇزدەگەن ادام جاراقاتتانعانى حابارلاندى. جەر سىلكىنىسىنىڭ سالدارىنا تۇرعىن ۇيلەر مەن عيماراتتار قيراعان. سوڭعى مالىمەت بويىنشا, كوز جۇمعاندار سانى 22-گە جەتكەن. ؛تۇركيا ىشكى ىستەر ءمينيسترى سۋلەيمان سويلۋ مالاتيا تۇرىك پروۆينسياسىندا 4 ادام, ەليازىگ پروۆينسياسىندا 18 ادام كوز جۇمعانىن ايتتى. سويلۋدىڭ مالىمەتىنشە, 39 ادام ءۇيىندى استىنان شىعارىلدى.
تۇركيانىڭ توتەنشە جاعداي اگەنتتىگىنىڭ حابارلاۋىنشا, 6,8 ماگنيتۋدالى جەر سىلكىنىسىنىڭ ەپيسەنتر وشاعى سيۆريدج قالاسىنا جاقىن ماڭدا ورنالاسقان. ودان بولەك, كورشى پروۆينسيالاردا, يران, سيريا, ليۆاندا جەر تەربەلىسى سەزىلگەن.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر