ماسكەۋدەگى اتىس تۋرالى نە بەلگىلى؟ (ۆيدەو)

19 جەلتوقسان كۇنى كەشكە قاراي بەلگىسىز ادام رەسەي استاناسى ماسكەۋ ورتالىعىنداعى "بولشايا لۋبيانكا" كوشەسىندەگى № 12 ءۇيدىڭ جانىندا وق اتقان. بۇل تۋرالى رەسەي قاۋىپسىزدىك قىزمەتىنە سىلتەمە جاساپ ؛تاسس ؛اقپارات اگەنتتىگى حابارلادى. ؛

اگەنتتىكتىڭ جازۋىنشا, اتىس سالدارىنان فەدەرالدى قاۋىپسىزدىك قىزمەتىنىڭ ءبىر قىزمەتكەرى كوز جۇمعان. رەسەيدىڭ دەنساۋلىق ساقتاۋ مينيسترلىگى ارنايى قىزمەتتىڭ ەكى قىزمەتكەرى اۋىر جاراقات العانىن ايتقان. سوڭعى مالىمەتتەر بويىنشا, اتىس سالدارىنان بارلىعى بەس ادام زارداپ شەكتى.

وق اتقان كۇدىكتى قازا تاپقان. ونىڭ كىم ەكەنى انىقتالىپ جاتىر. فقق كۇدىكتىنىڭ جالعىز ارەكەت ەتكەنىن حابارلادى. سونداي-اق, فقق كۇدىكتىنىڭ ارنايى قىزمەت عيماراتىنا كىرىپ كەتكەنىن جوققا شىعاردى.

بۇعان دەيىن بىرنەشە رەسەيلىك ؛ باق ؛ اتىستى ءۇش ادام باستاعانى تۋراىل اقپارات تاراتقان ەدى. ؛

قازىر رەسەيدىڭ ؛ قىلمىستىق كودەكسىنىڭ 317 بابى ("قۇقىق قورعاۋ ورگاندارى قىزمەتكەرىنىڭ ومىرىنە قول سۇعۋشىلىق") بويىنشا قىلمىستىق ءىس قوزعالعان. ؛

تاسس اگەنتىگىنىڭ جازۋىنشا, رەسەي پرەزيدەنتى ۆلاديمير پۋتين اتىستان حاباردار. وقيعا ورنىندا اۆتوكولىكتەرگە قوزعالىسى توقتاتىلىپ, اۆتوبۋستار وزگەرتىلگەن باعىتتار بويىنشا قوزعالىپ جاتىر. "بولشايا لۋبيانكا" مەن سول ماڭداعى قيىلىساتىن كوشەلەر جاياۋ جۇرگىنشىلەر ءۇشىن جابىلعان. ۇستالىق كوپىر مەن بولشايا لۋبيانكاداعى تاماقتاناتىن ورىندار جانە ساۋدا نۇكتەلەرى جابىق. ورتالىق بالالار دۇكەنى شتاتتىق رەجيمدە جۇمىس ىستەپ جاتىر. ونىڭ اينالاسىندا قۇقىق قورعاۋ ورگاندارىنىڭ قىزمەتكەرلەرى كەزەكشىلىك ەتىپ تۇر. ؛

اتىس بولعان ورنىندا ءورت ءسوندىرۋ ماشيناسى, جەدەل جاردەم, پوليسيا جانە رەانيماسيا ماشينالارى بار.