مەملەكەتتىك ءمىنسىز ساياسات – اشىقتىق پرينسيپ

مەملەكەتتىك ساياساتتىڭ باستى ۇستانىمى &ndash؛ اشىقتىق. بۇل بۇقارا مەن بيلىكتىڭ اراسىن بايلانىستىرا تۇسەتىنى حاق. سوندىقتان دا جامبىل وبلىسىنداعى قۇرىلىمدىق سالالار تۇرعىنداردىڭ تابىسى مەن سالىمىن سوڭعى تيىنىنا دەيىن اشىق جانە جاريالى تۇردە جۇرگىزۋدە, ؛دەپ جازادى qamshy.kz اقپارات اگەنتتىگى. ؛

ماسەلەن 2019 جىلدىڭ 1 قاڭتارىنا قاراي سالىمشىلاردىڭ جەكە زەينەتاقى شوتتارىنىڭ (جزش) سانى 10,4 ملن. بىرلىكتى قۇراپ وتىر. ولاردىڭ ىشىندە 9,8 ملن. شوت &ndash؛ مىندەتتى زەينەتاقى جارنالارى (مزج), 479,5 مىڭ شوت &ndash؛ مىندەتتى كاسىپتىك زەينەتاقى جارنالارى جانە 47 803 شوت &ndash؛ ەرىكتى زەينەتاقى جارنالارى ەسەبىنەن اشىلعان.

مزج ەسەبىنەن اشىلعان شوتتاردىڭ ىشىندە 8 ملن. 730 مىڭ شوت (زەينەتكەرلىك جاسقا تولعانداردى, قايتىس بولعان نەمەسە شەتەلگە تۇراقتى تۇرۋعا كەتكەندەردى ەسەپكە الماعاندا) قىزمەتتەگى سالىمشىلارعا تيەسىلى. بۇل كورسەتكىش ەلىمىزدەگى جۇمىسپەن قامتىلعان حالىق سانىنا (2019 ج. 1 قاڭتارىنا قاراي 8 ملن. 965 مىڭ ادام) سايكەس كەلەدى. بۇعان قاراپ, ەلىمىزدە جۇمىسپەن قامتىلعاندار جيناقتاۋشى زەينەتاقى جۇيەسىمەن تولىق دەرلىك قامتىلعان دەپ تۇجىرىم جاساۋعا بولادى.

2018 جىلدىڭ قورىتىندىسى بويىنشا جىلىنا كەمىندە ءبىر جارنا بولسا دا اۋداراتىن بەلسەندى سالىمشىلاردىڭ سانى 6 ملن. 407 مىڭ ادامدى قۇرادى.

بۇل كورسەتكىش جىل سايىن ۇلعايىپ جاتىر. مىسالى, 2017 جىلى بۇل كورسەتكىش 5 ملن. 914 مىڭ ادامدى قۇراعان بولاتىن.

بۇگىندە بەلسەندى سالىمشىلاردىڭ ۇلەسى الەۋەتتى سالىمشىلاردىڭ جالپى سانىنىڭ شامامەن 76 پايىزىن (تورتتەن ءۇشى) قۇرايدى. بۇل رەتتە 3 ملن. شوتقا جىلىنا &ndash؛ 12 جارنا, ال 5 ملن. شوتقا جىلىنا &ndash؛ 6 جارنادان 12 جارناعا دەيىن تۇسكەن. سونداي-اق 2018 جىلى ءبىر سالىمشىنىڭ شوتىنا ورتا ەسەپپەن &ndash؛ 9 جارنا كەلىپ تۇسكەن.

سالىستىرىپ قاراساق, مىسالى مالايزيادا بەلسەندى سالىمشىلاردىڭ ۇلەسى شامامەن 47 پايىزدى قۇرايدى.

اتاپ ءوتۋ كەرەك, جارنالاردىڭ تۇراقتى اۋدارىلىپ تۇرۋى سالىمشىنىڭ جۇمىسپەن قانشالىقتى قامتىلعاندىعىنا (تۇراقتى جۇمىس, ۋاقىتشا نەمەسە ماۋسىمدىق جۇمىس), سونداي-اق سالىق رەجيمدەرىنە (جەكە كاسىپكەرلەر, ءوزىن-وزى جۇمىسپەن قامتۋشىلارعا ارنالعان ارناۋلى سالىق رەجيمدەرى) بايلانىستى.

نەگىزى سالىمشىلاردىڭ جەكە زەينەتاقى شوتتارىن ولاردىڭ الاتىن ايلىق تابىسى جانە جيناقتاۋشى زەينەتاقى جۇيەسىندەگى ەڭبەك ءوتىلى (مزج-نىڭ اۋدارىلۋ كەزەڭى جانە جيىلىگى) اياسىندا قاراعان ءجون. ويتكەنى مزج وسى ايلىق تابىس ەسەبىنەن اۋدارىلادى.

ەلىمىزدە سالىمشىلاردىڭ كوپشىلىگى زەينەتاقى جيناقتارىن ەندى-ەندى قالىپتاستىرىپ جاتىر. سالىمشىلاردىڭ 50 پايىزدان استامىنىڭ جيناقتاۋشى زەينەتاقى جۇيەسىنە بەلسەندى تۇردە قاتىسۋ ءوتىلى 5 جىلعا جەتپەيدى. ال سالىمشىلاردىڭ 75 پايىزدان استامىنىڭ جۇيەگە قاتىسۋ ءوتىلى 5 جىلدان جوعارى, ءبىراق 10 جىلعا جەتپەيتىندىگىن ايتا كەتكەن ءجون.

جيناقتاۋشى زەينەتاقى جۇيەسى ىسكە قوسىلعالى بەرى مىندەتتى زەينەتاقى جارنالارىن تۇراقتى اۋدارىپ كەلگەن سالىمشىلاردىڭ زەينەتاقى جيناقتارىنىڭ ورتاشا سوماسى ەرلەردە &ndash؛ 5,1 ملن. تەڭگە, ايەلدەردە &ndash؛ 3,9 ملن. تەڭگە بولىپ وتىر.