ەپيزووتيالىق احۋال تۇراقتى

ۆەتەرينارلىق قاۋىپسىزدىك &ndash؛ ەلىمىزدىڭ ۇلتتىق قاۋىپسىزدىگىنىڭ باستى بولىگى بولىپ تابىلادى جانە اسا ءقاۋىپتى جانۋارلار اۋرۋىنىڭ جاپپاي حالىق اراسىندا تارالۋىنا توسقاۋىل قويىلماي, ۇلتتىق قاۋىپسىزدىككە قول جەتكىزە المايتىنىمىز انىق. ول جۇمىستاردى اتقارىپ, ەلىمىزدىڭ قاۋىپسىزدىگىنە زور ۇلەستەرىن قوسىپ وتىرعان وسى وتىرعان ۆەتەريناريالىق ماماندار قالتقىسىز قىزمەت ەتۋدە.

جامبىل وبلىسىندا بۇل قىزمەتتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتىنىڭ جامبىل وبلىستىق اۋماقتىق ينسپەكسياسى اتقارىپ كەلەدى. ماماندار قىزمەتىنىڭ ناتيجەسىندە ايماقتا ۆەتەريناريالىق ءىس-شارالار جۇرگىزىلىپ, كارانتين مەن شەكتەۋلەر الىنعان اسا ءقاۋىپتى اۋرۋلاردىڭ تارالۋىنىڭ الدى الىنۋدا. اتاپ ايتقاندا, وبلىسىمىزدا 2018 جىلى اسا ءقاۋىپتى جۇقپالى اۋرۋلاردىڭ 16 وشاعى, ونىڭ ىشىندە: 6 قۇتىرىق اۋرۋى, 7 قاراسان اۋرۋى, 1 ءسىبىر جاراسى, 1 ەپيزووتيالىق ليمفانگيت, 1 ەنتەروتوكسەميا اۋرۋلارى تىركەلگەن بولاتىن. ال اعىمداعى جىلدىڭ 9 ايىندا اسا ءقاۋىپتى جۇقپالى اۋرۋلاردىڭ 12 وشاعى تىركەلگەن. ولار: 8 قاراسان اۋرۋى, 2 قۇتىرىق اۋرۋى, 4 ەنتەروتوكسەميا اۋرۋى. بارلىق وشاققا دەر كەزىندە ۆەتەريناريالىق ءىس-شارالار جۇرگىزىلىپ, اۋىل شارۋاشىلىعى مالدارى تولىق ۆاكسيناسيالانىپ, زالالسىزداندىرۋ جۇمىستارى ۋاقىتىلى جۇرگىزىلگەن. شەكتەۋ نەمەسە كارانتين ءىس-شارالارى توقتاتىلىپ, شەكتەۋلەر الىنعان.

بۇل رەتتە قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتىنىڭ جامبىل وبلىستىق اۋماقتىق ينسپەكسياسى باسشىسىنىڭ ورىنباسارى جاندار قوەكەەۆ ءالى دە بولسا اسا ءقاۋپتى اۋرۋلارمەن كۇرەسۋ جانە الدىن الۋ بارىسىندا كەمشىلىكتەر كەزدەسىپ جاتاتىنىن ايتادى.

&ndash؛ شىندىعىن ايتۋىمىز كەرەك, جوسپارلى ۆاكسيناسيالاۋ بارىسىندا ەمدەلمەگەن ارىق, بۋاز جانۋارلاردى كەيىننەن قايتادان بارماي, ەمدەلمەي كەتۋى مۇمكىن, ۆەتەريناريالىق قۇجاتتاردى تولتىرۋداعى, جانۋارلاردىڭ قوزعالىسىن باقىلاۋداعى, جەكە جانە زاڭدى تۇلعالار اراسىندا اسا ءقاۋىپتى جۇقپالى اۋرۋلار جانە «؛ۆەتەريناريا تۋرالى»؛ زاڭنىڭ 25-بابى بويىنشا جانۋارلار يەلەرىنىڭ جاۋاپكەرشىلىگى تۋرالى ءتۇسىندىرۋ جۇمىستارىنىڭ جۇرگىزۋ بارىسىندا كەمشىلىكتەر كەزدەسۋدە. اسىرەسە مالدىڭ قوزعالىسىن قاتاڭ باقىلاۋعا الۋ ءۇشىن ىشكى ىستەر قىزمەتكەرلەرىمەن بىرىگىپ جۇمىس ىستەۋىمىز قاجەت. وسى اتالعان كەمشىلىكتەردى جويۋعا اتسالىسىپ, ءبىر جولعا قويۋىمىز كەرەك, &ndash؛ دەيدى جاندار مياتۇلى.