الماتىدا بەلگىلى ءمۇسىنشىنىڭ مەموريالدىق كورمەسى اشىلادى

ورتالىق مەملەكەتتىك مۋزەيدە 17 قازاندا الماتى اكىمدىگىنىڭ قولداۋىمەن قازاقستاننىڭ تانىمال سۋرەتشىسى ءارى ءمۇسىنشىسى باقىتجان ابىشەۆتىڭ «؛دالا داۋىسى»؛ اتتى مەموريالدى كورمەسى اشىلادى, دەپ حابارلايدى اكىمدىكتىڭ ءباسپاسوز قىزمەتى.

ب. ابىشەۆ ؛1970 جىلدان ستۋدەنتتىك, رەسپۋبليكالىق, بۇكىلوداقتىق جانە حالىقارالىق كورمەلەرگە قاتىسىپ كەلەدى, ول كوپتەگەن كونكۋرستاردىڭ لاۋرەاتى ءارى ايگىلى مونۋمەنتالدى جۇمىستاردىڭ اۆتورى, ولار: الماتىداعى جامبىل مەن توقاش بوكيننىڭ, جاڭاقورعانداعى ۇوس قۇرباندارىنىڭ, اقتوبەدەگى ءاليا مولداعۇلوۆانىڭ, باياناۋىلداعى بۇحار جىراۋدىڭ, م. كوپەەۆتىڭ, س. تورايعىروۆتىڭ, قاراعاندىداعى س. سەيفۋليننىڭ ەسكەرتكىشتەرى, سونىمەن قاتار الماتىداعى ءال-فارابيدىڭ, ماحامبەتتىڭ, كۇلاش بايسەيىتوۆانىڭ, جازۋشى ءا. ءشارىپوۆتىڭ, استاناداعى اتا تۇرىك پەن جاياۋ مۇسانىڭ بيۋستەرى جانە باسقالارى.

بىلدەك جانرى شەبەرىنىڭ كوپتەگەن جۇمىستارى قازاقستان مەن شەتەل مۋزەيلەرىنە قويىلعان. لوزانناداعى وليمپيادا كوميتەتىنىڭ شتاب-پاتەرىندە ؛«؛وليمپيەس»؛, گەرمانياداعى جەكە كوللەكسيادا ؛«؛كۇيشى»؛, ماسكەۋدە ؛«؛توميريس»؛ ؛سىندى تۋىندىلارى بار.

باقىتجان ابىشەۆ ؛اتىراۋدا ماحامبەتتىڭ 200 جىلدىق مەرەيتويىنا ارناپ قازاق حالقىنىڭ كەمەڭگەر ۇلدارى, ۇلتتىق باتىرلارى ماحامبەت وتەمىسوۆ پەن يساتاي تايمانوۆتىڭ ات ۇستىندەگى ەرەكشە مونۋمەنتىن جاساعان.

ب. ابىشەۆتىڭ ؛شىعارماشىلىعى حالىققا جانە ونەردى باعالايتىندارعا كەڭىنەن تانىس. قازاق حالقىنىڭ تاريحى, ونىڭ كورنەكتى قايراتكەرلەرىنىڭ ءومىرى مۇسىنشىگە تىم جاقىن ءارى ونىڭ شىعارماشىلىعىنىڭ باستى نەگىزى. ول تاريحي تۇلعالار مەن ۇلتتىق باتىرلار وبرازدارىن جاساۋ جانە ولاردىڭ ەرەكشەلىكتەرىن كورسەتۋ ارقىلى ەلىمىزدىڭ كوركەمونەرىنە ايتارلىقتاي ۇلەس قوستى.

اۆتور ءوز شىعارمالارىن جاساۋ بارىسىندا ءتۇرلى كومپوزيسيالىق جانە ءجيۆوپيستى پلاستيكالىق زاتتار مەن ادىستەردى قولدانادى. ونىڭ ؛«؛انا پورترەتى»؛, «؛كۇيشى»؛, «؛ۋران»؛, «؛قۇلاگەر»؛, «؛ۇماي»؛, «؛توميريس»؛, «؛بەتاشار»؛, «؛بۇركىتشى»؛, «؛باتىر»؛ ؛سىندى ەڭبەكتەرى كەڭىنەن تانىمال.

كورمە 2019 جىلدىڭ 30 قازانىنا دەيىن جالعاسادى.