پارا رەتىندە تەزەك العان اتىراۋلىق شەندى ۇستالدى (ۆيدەو)

اتىراۋ وبلىسىندا جەر تەلىمىن العىڭ كەلسە شەنەۋنىككە 350 قاپ تەزەك بەرەسىڭ, ماڭعىستاۋدا جۇمىسقا تۇراتىن بولساڭ باسشىسىنا كونديسيونەر سىيعا تارتۋىڭ شارت. ال, سەمەيدەگى ءبىلىم ءبولىمى باسشىسىنىڭ بۇرىنعى ورىنباسارى اۋىزباستىرىق رەتىندە اقشادان بولەك سيىر ەتىن, كومىر الىپ كەلگەن. سوڭعى ۋاقىتتا تەرگەلىپ جاتقان ىستەردىڭ ءبىراز بولىگى وسى. شەندىلەرگە اقشادان بولەك ماتەريالدىق پارا الۋعا نە تۇرتكى بولدى؟ بۇل تۋرالى ؛qamshy.kz اقپارات اگەنتتىگى ەۋرازيا ءبىرىنشى ارناسىنىڭ دەرەگىن نەگىزگە الىپ حابارلايدى. ؛  ؛  ؛  ؛

وسى كۇندەرى اقپارات ايدىنىندا "جەپ قويىپتى, قالتاسىنا باسىپتى" دەگەن سارىنداعى ماتەريالداردان كوز سۇرىنەدى. ءبىرى تۇيەنى تۇگىمەن جۇتىپ تۇتىلىپ جاتسا, ەندى ءبىرى مالدىڭ قيىن الىپ ءىستى بولۋدا. ءيا, شالىس ەستىگەن جوقسىز اتىراۋ وبلىسى اقساي اۋىلدىق وكرۋگىندە بۇرىنعى اكىمى جەر ۋچاسكەسىن العىسى كەلگەن كاسىپكەردەن قۇجاتتارعا قول قويۋ ءۇشىن 350 قاپ تەزەك تالاپ ەتكەن. بۇل پارانىڭ قۇنى 206 مىڭ تەڭگەنى قۇراعان. "قالتاسىن قامپايتقان" شەندى كىناسى دالەلدەنىپ, وعان 6 ملن 200 مىڭ تەڭگە كولەمىندە ايىپپۇل سالىنعان. سونداي-اق, جەمقورلىققا قارسى اگەنتتىك وسىنداي "ەرەكشە" ءبىرقاتار ىستەرگە توقتالىپ ءوتتى.

&ndash؛ ماڭعىستاۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارىنا قاتىستى پارا الدى دەگەن كۇدىكپەن سوتقا دەيىنگى تەرگەۋ امالدارى باستالدى. 01:40 وسى اتالعان مەكەمەنىڭ ءبولىم باسشىسىنان جالپى وعان جۇمىستاعى كورسەتكەن قامقورلىعى ءۇشىن كونديسيونەر تۇرىندە پارا الدى دەپ كۇدىككە ءىلىندى. اتالعان فاكت بويىنشا تەرگەۋ الدى جۇمىستارى جالعاسۋدا. ال, كۇدىكتىنىڭ كىناسىنىڭ دارەجەسىن انىقتاۋ بويىنشا تۇپكىلىكتى شەشىمدى سوت شىعاراتىن بولادى, - دەيدى قر سىبايلاس جەمقورلىققا قارسى ءىس-قيمىل اگەنتتىگىنىڭ سەرىكتەستىك دەپارتامەنتىنىڭ باس ساراپشىسى سىمبات يسراپۋلوۆا. ؛  ؛  ؛  ؛  ؛

كەلەسى ءجايت ءدال وسى وبلىستا تىركەلگەن. جۇمىسپەن قامتۋ جانە حالىقتى الەۋمەتتىك قورعاۋ باسقارماسىنىڭ مامانى, شەتەلدىك كومپانيالاردىڭ جۇمىسشىلارىنا كەدەرگىسىز ۆيزا ازىرلەپ بەرۋ ءۇشىن 500-دەن 1000 دوللارعا دەيىن جۇيەلى تۇردە پارا الىپ وتىرعان. ءقازىر, اق جاعالىنىڭ ءىسى ماي شاممەن قارالىپ جاتىر ەكەن. الايدا, ءدال وسى وبلىس اكىمدىگىنىڭ ارنايى جەمقورلىقتى تۇبىمەن جويامىز دەپ جاساتقان الەۋمەتتىك بەينەروليگىنە ءوڭىردىڭ شەندىلەرى پىسقىرىپ تا قارامايتىن سەكىلدى.

ودان بولەك, بارماق باستى, كوز قىستىلىققا جول بەرىپ, ماسەلەنى قالتامەن شەشەتىن شەندىلەردىڭ سوڭعى كەزدەرى وزگە دە ماتەريالدىق مۇلىكتەرگە تابەتتەرى اشىلىپ كەلەدى. ماسەلەن, "استانا سۋ ارناسىنىڭ" بۇرىنعى باسشىسى ۋاليحان دوساەۆ ءۇش بولمەلى پاتەر السا, سەمەيدەگى ءبىلىم سالاسىنداعى قوس بىردەي قىزمەتكەر ءبىرى سيىر ەتىن تالاپ ەتكەن, ەكىنشىسى ماسەلەسىن قاناعاتتاندىرۋ ءۇشىن كولىگىنە قىسقى دوڭگەلەك الىپ بەرۋدى وتىنگەن. ال, حالىق قالاۋلىلارى "جەڭىل اقشا" تابۋعا جاستار اۋەس دەگەن پىكىردە.  ؛ ؛ ؛ ؛ ؛ ؛ ؛ ؛ ؛ ؛

&ndash؛ پارا الىپ جاتقان ادامداردىڭ دەنى جاستار. سوندىقتان تاربيە جۇمىسىنا, قوعامدا وسىنداي ءبىر ءۇردىس تۋدىرۋ كەرەكپىز. جەمقورلىق دەگەن جات نارسە دەپ. ول وتباسىنان باستالادى. وسى ماسەلەنى ءبىز قوعام بولىپ قولعا الۋىمىز كەرەك. تەك قانا اگەنتتىككە, پروكۋراتۋراعا قاراپ سولار جۇمىس ىستەۋ كەرەك دەپ وتىرا بەرەتىن بولساق وندا تۇكتە بولمايدى, - دەيدى قر پارلامەنتى ءماجىلىسىنىڭ دەپۋتاتى ساپار احمەتوۆ. ؛

ساياساتتانۋشى سامات نۇرتازانىڭ پىكىرىنشە, جەمقورلىققا قارسى اگەنتتىك بۇل "ىندەتپەن" كۇرەسۋدىڭ قانداي جولىن تاپپاسىن, ونى پاراقورلار اينالىپ ءوتۋدىڭ ەبىن تاباتىنىنا سەنىمدى. "بۇگىن ولار اقشانى قويىپ, دۇنيە مۇلىك الۋدا, ەرتەڭ تاعى دا اۋىزباستىرىقتىڭ جاڭا ءتۇرى پايدا بولاتىنىنا سەنىمدى".

&ndash؛ قىتايدىڭ, ساۋد ارابياسىنىڭ, يراننىڭ, سولتۇستىك كورەيانىڭ تاسىلىمەن اتۋ جازاسىنا كەسۋ. مەنىڭشە بۇدان باسقا بۇل ىندەتتى جەڭۋ مۇمكىن ەمەس. سەبەبى, تىم اسقىنىپ كەتكەن نارسە. + ءبىز قازاقستان مەملەكەتى باتىس تا ەمەسپىز, ءبىز قيىر شىعىس تا ەمەسپىز. ءبىزدىڭ ءوز جولىمىز بار, ەشكىمگە ەلىكتەمەۋ كەرەكپىز. باتىستىڭ دا, شىعىستىڭ دا جاقسى جاعىن الىپ ءبىز ورتاشا قازاقتىڭ مودەلىن ويلاپ تابۋ كەرەكپىز. سوندىقتان, قازاقتىڭ مودەلىندە دەموكراتيانىڭ جاڭاعى دالا دەموكراتياسى دا بولۋ كەرەك جانە «؛قۇنانباي»؛ ءفيلمى كورسەتكەن ءولىم جازاسى دا بولۋى كەرەك, - دەپ پىكىر ءبىلدىردى ساياساتتانۋشى سامات نۇرتازا. ؛ ؛

ەلىمىزدە جىلىنا ورتا ەسەپپەن 2 مىڭنان استام پارا الۋ فاكتىسى تىركەلەدى ەكەن. ءدال وسىنشا ادام جاۋاپقا تارتىلىپ, قىزمەتىنەن شەتتەتىلەدى. اۋىزباستىرىقتىڭ كولەمى دە ءار ءتۇرلى. اقشادان باستاپ, ءدال وسىنداي زاتتارعا دەيىن. بۇل قوعامنىڭ دەرتىن مەملەكەت باسشىسى دا شەشۋدى تاپسىرعان بولاتىن.  ؛

&ndash؛ ەگەر ءبىز جەمقورلىقتى تۇبەگەيلى جويۋدى كوزدەيتىن بولساق, قولاستىنداعى قىزمەتكەرى پارا الىپ ۇستالسا باسشىسى وتستاۆكا كەتۋ تۋرالى ءوتىنىم جازۋى كەرەك. ولاردىڭ وتستاۆكاعا كەتۋىن قابىلداۋدى نەمەسە قابىلداماۋدى مەملەكەت باسشىسى شەشەدى. ءبىراق جۇمىستان بوساتۋ تۋرالى ارىز جازۋى مىندەتتى شارا بولۋى كەرەك, - دەيدى پرەزيدەنت توقاەۆ. ؛

الايدا, پارا الىپ, بىلىققا باتقانى ءۇشىن بىردە-بىر لاۋازىمدى تۇلعا ءوز ەركىمەن وتستاۆكاعا كەتكەنىن ەستىگەن جوقپىز. سوعان قاراعاندا, ايران ىشكەن قۇتىلىپ, ءتۇبىن جالاعاندار تۇتىلىپ جۇرگەن سەكىلدى. ساراپشىلاردىڭ پىكىرى وسىنداي.

 ؛