مينيستر قازاقستاندىق پەن شەتەلدىك جۇمىسشىلار اراسىنداعى ەڭبەكاقى ايىرماشىلىعىن جويۋدى تالاپ ەتتى

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ اتىراۋ وبلىسىنداعى مۇناي جانە گاز وڭدەۋ زاۋىتىنا ساپارى كەزىندە قازاقستاندىقتار مەن شەتەلدىك مامانداردىڭ جالاقىلارىنداعى ايىرماشىلىق تۋرالى ايتتى دەپ جازادى ؛qamshy.kz اقپارات اگەنتتىگى سپۋتنيك سايتىنا سىلتەمە جاساپ. ؛

زاۋىت ۇجىمىمەن كەزدەسۋدە نۇرىمبەتوۆ ءوزى باسقاراتىن ۆەدومستۆو باس پروكۋراتۋرامەن بىرلەسىپ, 50-دەن استام شەتەلدىك جۇمىس كۇشىن تارتقان ەلدەگى كاسىپورىندارعا تەكسەرىس جۇرگىزگەنىن اتاپ ءوتتى.

"وسى جىلدىڭ 8 قازانىندا 49 كاسىپورىندا تەكسەرىس اياقتالدى, 791 ەڭبەك جانە كوشى-قون زاڭناماسىن بۇزۋ دەرەگى انىقتالدى. ونىڭ ىشىندە جالاقى جانە سىياقى تولەمدەرىندەگى سايكەسسىزدىك تە بار &ndash؛ 24 كاسىپورىندا 476 دەرەك. مىسالى, اتىراۋ وبلىسىندا "نەفتەسترويسەرۆيس لتد" جشس جەرگىلىكتى ينجەنەرگە ءبىر ساعاتتىق تاريفتىك مولشەرلەمەنى 568 تەڭگە, ال وسىعان ۇقساس قىزمەتتەگى شەتەلدىك جۇمىسشى ءۇشىن 6500 تەڭگە ەتىپ بەلگىلەگەن. مۇنداي تاجىريبەگە جول بەرىلمەيدى", - دەپ مالىمدەدى مينيستر.

ونىڭ ايتۋىنشا, جۇمىس بەرۋشىلەر قازاقستان ازاماتتارى مەن شەتەلدىك جۇمىسشىلارعا بىردەي ەڭبەك جاعدايىن جاساپ, بىردەي جالاقى تولەۋى كەرەك.  ؛ ؛ ؛ ؛

قازاقستاندا بەلگىلەنگەن كۆوتالارعا سايكەس, 2425 كومپانيا شەتەلدىك جۇمىسشىنى تارتىپ جاتىر, ولاردا سونداي-اق 531 مىڭ قازاقستاندىق ەڭبەك ەتەدى.

جىل باسىنان بەرى اتىراۋ وبلىسىندا 364 جۇمىس بەرۋشى توعىز مىڭنان استام شەتەلدىك ازاماتتى جۇمىسقا شاقىرعان. ونىڭ ىشىندە 63 ادام &ndash؛ ​​باسشىلار جانە ولاردىڭ ورىنباسارلارى.  ؛ ؛